بنات خطة ب عندي اسئلة بخصوص مادة الأحصاء والأله الحاسبة

[مازن باعظيم]

أولا .. سوري عـاللقافة بس حبيت أفيدك
ثانياً .. الإحصاء (مويه) بس يبغالك تذاكري من بدري لأنه 8 أبواب
ثالثاً .. مافي داعي تحفظي (القوانين) لأنه يعطوكي هي بورقة في الاختبار وإنتي عليكي تختاري القانون المناسب وتحلّي
رابعاً .. الآلة مو ممنوعة في الإحصاء أبداً وسهلة جداً في استخدامها (إستخدامات محدودة جداً في الإحصاء)
خامساً .. ماأدري أحس إنه الطالبات يعانوا من دكتاتورية الدكتورات والمراقبات عشان كذا خذي (آلتين) معاكي وحدة مطورة ووحدة عادية
سادساً .. أرجو إني أفدتك
تحياتي

[كنز المعرفة]

بالنسبة لللاحصاء مرة سهل لا تشيلي هم أبدا بس المهم انك تذاكريه أول بأول و أنا استفدت جدا من دروس السنترا ،أنصحك لا تفوتيها عليك ابدا قد ما تقدري عشان تسألي الاستاذة أول بأول عن أي شي يصعب عليك,بالنسبة للالة حاسبة أنا أخذت معايا الاثنين في الاختبار سمعت المراقبة تقول انها ممنوعة و المراقبة الثانية سمحت بيها أسألي استاذتك اول الترم تحسبا للظروف.

[أحلى جنون]

شوفي حبيبتي والله الاحصاااااء مره حلو وممتع بس اول شي تحضري الدروس بالسنترا وتاني شي داكري الابواب الول باول تالت شي طبقي ....... الاسءله تفاجانا وانصدمنا من سهولتها كان في كتير اسئله نظري وفي كمان تطبيقي بس يعطوكي اعداااد مره صغيره حتى لوانتي شاطره بالحساب ماتحتاجي الاله الحاسبه بس شويه تركيز قد ماتقدري ركزي مع الاستاده بالباب السادس والباب التامن شويه يبغاله فهم اكتر وتركيز و سلامتكم

بس والله ياررررب تحدتينا عن الرياضيات هل هي ماااده سهله ولا معقده ولك جزيل الشكر
والاله مسموح دخولها

[النظرة الواعية]

حبيبتي انا اخدت اله حاسبه ومطوره والحمدلله كل شيئ على مايرام

لاتنسي الدعاء
وماتوفيقي الا بالله

[ابو رهف1]

الاحصاء مره سهل لكنهم حطو على كل سؤال خمس او اربع فقرات اذا ما حليتي الفقره الاولى ما راح تحلين الفقرات اللي بعدها لانها مرتبطه ببعض .
يا طلاب ويا طلبات انتبهو من الاحصاء لانه السهل الممتنع يبغالكم مذاكره من الان والله يعين الجميع .

[MisS~Sweet]

ياعسوووله

هوا ع حسب الدكتورة

احنا في الرياضيات ماحد اخد الالة ولا قالو شئ عليها

وفي القاعات التانيه اخدو منهم

هوا ع حسب بعضهم يطبقو القوانين وبعضهم يتساهلو


ربي يووفق الجميع
=)

[UM Malik]

الله يطمن قلوبكم ويسعدكم
انا كمان خطه أ وان شاء الله الترم الجاي ب
وانا تعقدت من الرياضيات لانه سحبوا الالات المطوره مننا <<<لاوانسرقت كمان الاله (الله يعوض)
والاسئله كانت محتاجه الاله المطوره بس الحمدالله
ويارب تطلع النتيجه زينه ياااارب