اللغويات الاجتماعية ... الاختبار بكرة

[om haya]

السلام عليكم ..

لو سمحتوا ابغى اتأكد إذا في اختبار بكرة أو لا ..

الله يخليكم قولولي .. أهلي مو موافقين يخلوني اروح الجامعة .. خايفين من المطر ..

[توووت]

هلا ام هيا
اكيد الاختبار بكرة الساعة 4,5
واذا ماتبي تحضرين
في اختبارات بديلة اخرى
مع اختبارات الفصل الثاني
ونصيحة تعالي بكرة احسن لك
بدل ما تتراكم عليك الاختبارات
اشووفك بكرة

[om haya]

شكرا حبيبتي .. بس متاكدة انو البنات حيجوا الامتحان .. لا نكون انا وانتي الاي حاضرين بس وبعدين يقولوا خلاص ما في .. روحوا بيوتكم ..

[lovely aroma]

لا اكيد حيجو إن شاء الله
انا جاية هو لو التأجيل حيكون اسبوع اسبوعين كان نقول ايوة ما نروح لكن لو ما رحنا بكرة حنختبر في الفاينلز في الترم الجاي ×_×

[توووت]

لا اكيد
كل البنات اللي اعرفهم
راح يجوون بكرة
اهم شي تعاالي
good luck

[Andalus ~]

لا تخافي الجو مستقر جدا ما شاء الله
مافيلو غيمة وحدة و الشمس عينها قوية
حتى لو عددنا قليل حيختبرونا
انا اللي عندي كلهم جايين محد حابب تتراكم عليه الاختبارات

[ام حمدان]

اهلي نفس الشي للان معارضين اروح لكن انا متأكده لو شافوا الجو يسمح بكرى ماراح يعارضوا إن شاء الله هم خايفين انه بكرى ينزل مطر واعاند واروح زي ذاك اليوم بس إن شاء الله يكون الجو مشمس ومافي امطار نبغى نختبر ونفتك مافيني اذاكر الثقافه السمستر الجاي

لذلك لا تخافي كلنا بإذن الله معاكي بكرى

[ام حمدان]

المشاركة الأصلية كتبت بواسطة andalus ~ لا تخافي الجو مستقر جدا ما شاء الله مافيلو غيمة وحدة و الشمس عينها قوية حتى لو عددنا قليل حيختبرونا انا اللي عندي كلهم جايين محد حابب تتراكم عليه الاختبارات

خطير التعبير ذا
ماشالله عليها الشمس بس لانحسدها وتختفي

[om haya]

والله انا كما خايفة .. المرة الي فاتت ما رحت لأنه كان الاختبار في العصر والمطر نزل في الصباح ..

بس زوجي وأبوي سمعوا قصص رهييييبة عن الي صار في البنات .. ورافضين انو اروح تماما ..

بس ان شاء الله يكون الجو بكرة شمس .. والسما صافية .. عشان اقدر اقنعهم

[lana]

انا راح ارووح كمان والاوضاع ان شاء الله تكون تمام
المهم نختبر ونخلص ولا تقعد علة ع قلبي ترم كامل !