{..تنظيـم الجدآول و اختيـآر المـوآد للفصل الدرآسي الجديد..طـآلبـــــــآت..}

[انا رورو انا]

المشاركة الأصلية كتبت بواسطة cramilla مرحبا اخواتي >> حاكتب أسماء المواد بالعربي و أرجو انكم لما تجاوبوني تكتبوا أسماء المواد بالعري برضو، لأنه في الخطة كل المواد مكتوبة بالعربي و حتى لما أرتب جدولي تنزل الأسماء بالعربي << أنا خلصت : مقدمة في الأدب + مقدمة في اللغويات + ترجمة + بحث هذا الترم طبعا حأبدأ في مواد اللغويات و الأدب مواد الدب اللي أفكر آخدها : الرواية + الشعر مواد اللغويات اللي أفكر آخدها : صوتيات + نحو + صرف و علم الأصوات آخده صيفي او الترم اللي بعده إيش رأيكم؟ هو انا فكرت انه الفكشن حتكون القصص طويلة و ما ابغى ىخد معاها دراما عشان ما رح يمديني و من مواد اللغويات فيه وحدة نصحتني إني آخد "الصرف" بعد ما اخلص الباقيين و فيه ناس نصحوني إني ما آخد "علم الأصوات" إلا بعد الصوتيات، عشان كدا رح اأخره ممكن تعطوني رأيكم ،،، و مررررررررررة مشكورين

حبيبتي نزلي الروايه والشعر ونزلي الصوتيات والصرف

مادة علم الاصوات خديها بعد ماتخلصي مادة الصوتيات لانو ماراح تنجحي فعلم الاصوات الا اذا درستي الصووتيات وفهمتي المادة دي كويس .ومادة النحو ماينفع تنزليها مع المواد دي لانو يبغالها شغل شويتين فادرسي الترم الجاي روايه وشعر وصوتيات وصرف ونزليلك مادة حره ادا حابه

[Cramilla]

المشاركة الأصلية كتبت بواسطة انا رورو انا حبيبتي نزلي الروايه والشعر ونزلي الصوتيات والصرف مادة علم الاصوات خديها بعد ماتخلصي مادة الصوتيات لانو ماراح تنجحي فعلم الاصوات الا اذا درستي الصووتيات وفهمتي المادة دي كويس .ومادة النحو ماينفع تنزليها مع المواد دي لانو يبغالها شغل شويتين فادرسي الترم الجاي روايه وشعر وصوتيات وصرف ونزليلك مادة حره ادا حابه

إذن حآخد الرواية و الشعر و الصوتيات و الصرف و ثقافة المستوى الرابع لأني ما اخدتها
كدا يكون عندي 5 مواد و ما اكون مضغوطة مرة ان شاء الله

جزاك الله ألف خير حبيبتي و الله يووووووفقك