نظم معلومات إدارية" ودفعة 10 ياللي تخصصو فيه آرجو الافادة

[ҳҲҳŔỜŔỜҳҲҳ]

المشاركة الأصلية كتبت بواسطة alaa al ghamdi امين يارب الجميع ان شاء الله والله شوفي الحذف والاضافه تعبوناااا مرة فيه لانو مايحقلنا نضيف حاجه الا من عندهم وانا اقلك ليش دحين الجدول يكون نازلك لو حذفتي مثلا ماده احصاء اعمال عشان تبغي تضيفي محاسبة مثلا وقتها حتتورطي لانك حذفتي الاحصاء ماحيرجع معاك ولانك ماحتقدري تضيفي المحاسبة لان المواد هذي يبغالها متطلبات السنة التحضيري العلمي الفيزيا والكيميا والاحياء والخ بس عشان احنا اداري هما منزلين الجدول ثابت من عندهم وانت الكترونيا ماحتقدري تضيفي فيه (لإنو النظام مبرمج خلاص) الا لمن تروحي عند المسؤولة بنفسها تضيفو لك انا جدولي جت اوقاتو حلوة ومافي الا بريك ساعه الحمدالله وكان عندي احصاء اعمال وحذفتها والحمدالله قالو انو مو لازم ناخذها في اول ترم يعني خلاصة البربرة هذي كلها انو جدولك اللي ينزلك خليه زي ماهو الا لو تبغي تحذفي حاجه ماتبغي تدرسيها بس ماحتقدري تضيفي اي شي بدالها الا لو رحتي عند المسؤولة وبتطولها معاك وماحتهتم بالوقت اللي يناسبك حتحطك في اي شعبه المواد العامة هما حيحطوها لك ثقافه وعربي او ثقافه لوحدها او عربي لوحدو طبعا انصحك تاخذي السمستر هذا عربي 2 لانو مرررررة سهل يتكلم عن المقالة والقصه والرواية وزي كذا مو نحو يعني اما الثقافه مرة طويل وحيكون ضغط عليكي الماده دسمة مرة

مشكؤؤؤؤؤؤؤؤؤؤؤؤؤؤؤؤؤؤؤرة ياقلبي والله تعبتك معايا

يعني قصدك الحين الخطة الي منزلينها فالموقع بيمشو عليها<<قصدي عالمواد

مبادئ المحاسبة
المهارات اللغوية
مبادئ الاقتصاد الجزئي
لغة انجليزية متقدمة
إحصاء الأعمال

زي هكآ يكون جدولي نازل وطبعا اختار كمان يا كيمياء او فيزياء موو!!!

ولا اقدر احذف مواد واضيف غيرها , او احذف بدون مااضيف شي

وايش الاشياء الي ممكن احذفها!!!<<أسئلتي كثيره بس ابغى استوعب اكثرر

ومشكوووووووووووووورة مررره ياقلبي وعسى الله يوفقك دنيا وآخره