استفساراتكم عن نتائج المحاسبه 101 فقط

[maroko]

يعطيكـ العافيه دكتور

وصراحه انت ماقصرت ربي يسعدكـ

عندي ملاحظه وأتمنى أن يؤخذ بها بعين الاعتبار

لاحظنا بأغلب ردود الأعضاء بأن الكثير من الطلاب تفاجأوا بالرسوب على عكس توقعهم

وكان الجميع متوقع درجة لا تقل عن الجيد أو الجيد جداً ..

هل من المعقول أن الجميع راسب في المادة ؟؟

ولو افترضنا ان التصحيح صحيح انت من وجهة نظرك هذا مو ظلم من ناحية توزيع الدرجات ؟

يعني احنا مانتكلم عن شخص ولا اثنين ولا حتى عشره

نتكلم عن المئات للأسف

يعني مو معقول إن كل سنه يصير نفس الموال ونفس المواضيع تنفتح بسبب مادة المحاسبة

ولاحظت إن أغلب الطلاب عندهم معاناة من هذه المادة وكثير عادها مره ومرتين وثلاث واربع لدرجة ان كثير منهم صار يطمح فقط بالنجاح فيها

اتمنى ان هالرساله توصل لاحد المسئولين

يعني لو يكون فيه اعادة توزيع للدرجات أو يتساهلون شوي مع الطلاب

والله العظيم فيه ناس بيتعطل تخرجهم بسبب هالمادة

والمشكله مو بهالمادة لأن البنات ماعندهم كل هالشكاوي اللي عند الشباب في هالمادة وأمورهم ماشية تمام ودرجاتهم حلوه

أتمنى من جد اعادة النظر في موضوع جميع الطلاب اللي حملوا المادة لأن أعداد الرسوب مو هينه كل سنه وهذي مشكلة للقسم قبل لا تكون للطلاب