من عنده معلومات عن الدكتور (خالد الشعيبي )

[أبو رسيل]

السلام عليكم ورحمة الله وبركاته

كيف حالكم جميعا

اخواني واخواتي من عنده اي معلومات عن الدكتور

خالد منصور حمد الشعيبى

يعني كيف طريقة اسئلته واختياره لنوع الاسئلة

لاني سألت عنه وفيه تضارب بالاقوال

ودي اتأكد بس

لاني خفت شوي لان هالترم لي عنده ثلاث مواد

bus 322 بحوث عمليات

bus 331 الإدارة الإستراتيجية

bus 437 القيادة وإدارة الإبتكار

ودي اعرف عن وضعه بحيث لو فيه مشكلة اشيل منه اي مادة

الخوف يخسف بالمعدل :(


بإنتظاركم اخواني واخواتي

الله يعطيكم العافية ياااااااارب

اخوكم
ابورسيل

[tiger21]

بحوث العمليات بطبيعتها الماده فيها صعوبه
ويبغالها مذاكره سواء مع الدكتور خالد او غيره
واخذت الماده معاه وبصراحه كان شرحه ممتاز
في الدوره التاهيليه بس الاسئلة حق الاختبار
كان فيها الصعب واقل صعوبه .. لكن اسئلة
سهله تحلها بسهوله للاسف مافيه

اداره استراتيجيه شوف الدكتور نبيل خليل
دكتور ممتاز واحضر الدوره معاه لانه يركز
على المهم .. وخلي الكتاب معاك وحدد معاه اول باول ...
واسئلته مباشره وسهله .. لكن يحط دايم سؤال مقالي
عليه 10 درجات ..

القيادة والابتكار بصراحه ماده غثتني كلها نظريات
وشرح لكيفية عمل النظرية ونقاط ضعف وقوه النظرية .
بالنسبة لي كانت ماده غثيثه .. بس يمكن لمن تقراها تنبسط منها.
اسئلتها تكون من النوع السهل الممتنع .. والسبب كثر النظريات
والخوف من تداخل المعلومات عند الاجابه ..


والله يوفق الجميع ان شاء الله

[حبي لذاتي قمة أولوياتي ~]

3 مواد كلها دسمة في ترم واحد غريبة !

نصحية :

ماتتوقعه تحصل عليه ( فتوقع ماتريد سيكون عقلك الباطني مرتبط بعقلك الواعي )

وكما قال عز علاه ( أنا عند ظن عبدي بي )

[aon-sh1]

بحوث عمليات سهله معاه واسئلته سهله للى ذاكر وفهم

[RAUL 7]

المشاركة الأصلية كتبت بواسطة aon-sh1 بحوث عمليات سهله معاه واسئلته سهله للى ذاكر وفهم

يا زين الواحد الي يسهل الامور ولايصعبها




اعجبني ردك ياغالي

[that's me]

انا اخدت مع الاستاذ خالد السمستر الي فات قيادة وابتكار
الماده هادي اصلا دمها ثقيل
وتوقعت احملها لاني مره كنت خايفه
لكن الحمد لله جبت علامه عاليه
لانه اسئلة الاستاذ خالد تعتمد على الذكاء والتفكير اكتر من الحفظ
ربي يسهل اموركم وفالكم النجاح

[التومي]

بالنسبه لي اخذت مع الدكتور خالد مادتين اللي هم

بحوث وعمليات << الماده مو صعبه بس تبغى منك تبطق بيدك وصدقني لو تذاكرها شوي بدري تحصلها سهله

بس اهم شي اهم شي اهم شي ركز على اللي يعطيك الدكتور خالد بالدوره التأهيليه

عموما اسئلته شبه مكرره انا اخذتها قبل مستويين وكانت الاسئله كالتالي

مسألة سمبلكس << طبعا على شكل خيارات وفيه طريقة لحلها من نفس الدكتور مره سهله

سؤال عن مسائل النقل بطريقة الاقل تكلفة وبرضو طريقة فوجل << برضو خيارات

وسؤالي عن الشبكات << خيارات حتى اذكر واحد من الاسئلة يقول كم فيه مسار حرج وكان الجواب الصح مسارين

طبعا السؤال هذا ( كم فيه مسار حرج ) ذكره لي زميل اخذ الماده المستوى اللي فات وهذا دليل ان اسئلته شبه مكرره

وفيه سؤال مقالي يقول تكلم عن سلاسل ماركوف او ماهي فائدة << عموما السؤال عن سلاسل ماركوف

هذااللي اتذكره لهالماده


..
والماده الثانيهاللي اخذتها عنده هي القياده والابتكار

طبعا الماده عندي انا تغث وحوسه

بس الاختبار تقريبا اغلبه من الاسئله السابقه وااذاماجاب لك السؤال بيجيب على نفس طريقته

واذكر كان عندي نموذج سابق فيه سؤال مقالي يقول تكلم عن الادارة التحويليه والاداره التبادليه

ولمن دخلت الاختبار جانا المقالي قريب منه وهو تكلم عن الادارة التحويليه والادارة النشؤية << اتوقع مو الادارة يمكن القياده بس تأكد انت من الكتاب

اما الادارة الاستراتيجيه انصحك لوجه الله خذها مع نبيل خليل اذا ماهي متطلب لمواد ثانيه انتظر لين تنزل عند الدكتور نبيل لانه يحدد على نفس الكتاب تحديد سهل والاختبار مايطلع منه

تحياتي لك اخوي

[أبو رسيل]

المشاركة الأصلية كتبت بواسطة tiger21 بحوث العمليات بطبيعتها الماده فيها صعوبه ويبغالها مذاكره سواء مع الدكتور خالد او غيره واخذت الماده معاه وبصراحه كان شرحه ممتاز في الدوره التاهيليه بس الاسئلة حق الاختبار كان فيها الصعب واقل صعوبه .. لكن اسئلة سهله تحلها بسهوله للاسف مافيه اداره استراتيجيه شوف الدكتور نبيل خليل دكتور ممتاز واحضر الدوره معاه لانه يركز على المهم .. وخلي الكتاب معاك وحدد معاه اول باول ... واسئلته مباشره وسهله .. لكن يحط دايم سؤال مقالي عليه 10 درجات .. القيادة والابتكار بصراحه ماده غثتني كلها نظريات وشرح لكيفية عمل النظرية ونقاط ضعف وقوه النظرية . بالنسبة لي كانت ماده غثيثه .. بس يمكن لمن تقراها تنبسط منها. اسئلتها تكون من النوع السهل الممتنع .. والسبب كثر النظريات والخوف من تداخل المعلومات عند الاجابه .. والله يوفق الجميع ان شاء الله

الله يعطيك العافية يارب ويسهل امرك يالغالي

فعلا فيه السهل والصعب والاصعب

ولكن الواحد يسوي اللي عليه والباقي على الله

الله يجزاك خير يالغالي وان شاء الله الامور تمام يبعدي

تسلم لي والله

علشان كذا انا شريت الكتب من نهاية الترم الماضي وبديت اقرى فيها علشان ما اضغط نفسي

الله يخليك

اخوك
ابو رسيل

[أبو رسيل]

المشاركة الأصلية كتبت بواسطة حبي لذاتي قمة أولوياتي ~ 3 مواد كلها دسمة في ترم واحد غريبة ! نصحية : ماتتوقعه تحصل عليه ( فتوقع ماتريد سيكون عقلك الباطني مرتبط بعقلك الواعي ) وكما قال عز علاه ( أنا عند ظن عبدي بي )

هلا والله اختي الكريمة

ما شاء الله الله عليك متواجده بشكل رائع وردودك كلها فوائد

الله يجزاك خير على هالتنبيه

فعلا مواد صعبة شوي

ولكن الحمد لله مع نهاية الاختبارات الماضية شريت الكتب وبديت الان اقرى فيها شوي شوي

علشان ما اضغط نفسي

وان شاء الله الامور طيبه

تسلمين اختي وكثر الله من امثالك

اخوك
ابورسيل

[أبو رسيل]

المشاركة الأصلية كتبت بواسطة aon-sh1 بحوث عمليات سهله معاه واسئلته سهله للى ذاكر وفهم

الله يريحك يالغالي

المادة صح دسمه ولكن الواحد لابد يشد حيله والباقي على الله

واكيد اللي بيذاكر ويفهم بتكون عليه سهله :)

تسلم لي يالغالي


--------------------

المشاركة الأصلية كتبت بواسطة raul 7 يا زين الواحد الي يسهل الامور ولايصعبها اعجبني ردك ياغالي

شفت وشلون راؤول

ولكن ان شاء الله نشد الحيل ونرتاح من هالمواد الدسمة

تسلم على مرورك يبعدي

اخوكم

ابورسيل