تجميعات ال writing الاكثر تكرارا ..(بنات ليفل 4)

[bashboshah]

السلام عليكم ورحمة الله وبركاتة

بما اننا كلنا حايسين في writing يا ريت كل وحده تكتب ايش قالتلها المس .. وإن شاء الله الكل يستفيد ..

انا عن نفسي قالت كلو معاكم ..

[sumaiah..]

يسلموؤوؤوؤ بشبوشـآ ع الموضوع الزريف ..
انا عن نفسي
مستنا ما فتحت سيرة الرايتنق بالمره
ولما نقولها ايش ممكن يجي
تقول ما آدري
انا زيي زيكم
ما اشوفه الا وقت الإختبـآر
اتمنى بآـآقي البنات يفيدونــآ ..

[عاشق رهف]

اقلكم شي ... ( افتحوا ) صفحة 103 الكتاب الاصلي .. حقين المستوى 4 ..

أول شي /عندكم صفحة 103 تصحيح الاخطاء ذاكروه واعرفوا كيف تكتبوا رسالة ..
ثاني شي / صفحة 106 +107 الاستوى (طبعا القصة) لآزم تتدربوا عليها ممكن يجيكي سؤال يقلك
(Write Story About dadada) اوكي ..
ثالث شي / صفحة 108 سؤال مقارنة بين ايت افضل الطفولة ولا آيام النضج ..
(يعني وانت كبير احسن ولا وانتا صغير)
آخر شي صفحة 110 طبعا هذا دسكربشن .. يعني وصف .. اوصف الشي الفلاني اوصف المكان الفلاني ..
وهلم جره... حلو ..

يعني اقرآوا هذه الاشياء اكثر من مره .. وركزوا عليها وعلى الاشياء اللي قالتلكم عليها ابلتكم ...

واتمنى لكم التوفيق ... عقبال ماتخلصوا الليفل التعبان دا ..

[اللؤلؤه الورديه]

حنا كل شيركزت عليه ماعدا الرساله
بالتوفيق الله يعينا وإياك

في امان الله

[ووجدداان]

السلالالام عليكم بنات بالنسبه لرايتنق اشرتلنا المس ايش الي معانا وحذقتلنا بعض الرايتنق وقالت مستحيل يجي كذا والله شاهد بنقله زي ماني ماشره في كتابي اول شي افتحو صفحه رقم 102 تلاقو كل يونيت ايش الرايتنق حقو اول شي يونيت 1 معانا الرايتنق ومعناه صححي الاخطاء الي في الرساله (وتلاقو التوضيح في صفحه رقم 103) نجي لونيت 2 الرايتنق قالت محذوف لا تذاكروه يونيت 3 معانا وهوا روايه (وتوضيح تلاقو في صفحه رقم 107) طيب يونيت 4 و 5 محذوفه اما بالنسبه ليونيت 6 معانا ومررره مهم الوصف (وتلاقو توضيح لرايتنق هذا في صفحه رقم 110 و 111) وسلامتكم وبالتوفيق للكل

[bashboshah]

مراااا شكرا .. في موازين حسناتكم يارب

ننتظر الباااااقي

[د. هدّولا]

لفل 4 يعني ماراح يجيبو شي سهل يبغو كلام كتير
فاللي معانا احتمال تكون
الإستوري , ديسكبرشن , ادفانتجز & ديس أدفانجز ...!

[!..RahoOofa..!]

ادفانتجز او ديس ادفانجز للنت . تلفون .. الخ
اوصفي مكان معين ., بيت . مطعم . الخ

[HannoOo al7elwa]

زي ما قالت د.هدولا ورهوفا

[روحي معك]

المشاركة الأصلية كتبت بواسطة د. هدّولا لفل 4 يعني ماراح يجيبو شي سهل يبغو كلام كتير فاللي معانا احتمال تكون الإستوري , ديسكبرشن , ادفانتجز & ديس أدفانجز ...!

حرام عليك...وشذا الحكي..هونيها تهون..
احم احم لازم احط بصمتي بالموضوع
بالنسبه لتصحيح الاخطاء سمعت انو مرره مهم واحتمال كبير يجي
والرساله المس تكلمت عنه بس المعروف انو مستحيل يجي رساله بالامتحان هذا الكلام كل ليفل اسمعه من بداية ليفل 2 الى ليفل 3 بس 4 ما ادري عموما انا شخصيا ماراح اذاكره بس اعرف خطواته وماراح اتعب نفسي فيه>خليكم شطورين وسوو مثلي
اما القصه طال عمركم...ماراح اذاكرها خير شر...مافيه وقت الصراحه بس اذا جات بالامتحان اكيد فيه معلومات تساعدك تكتبين ف اهم شي مثل ماقالت المس حقتنا يكون زمن القصه بكبرها ماضي سواء بسيط او مستمر
نجي للوصف..هذا يازينه ياريت يجي...ماعليك الا تحطين المعلومات بجمل مفيده >اهم شي تكون مفيده لاتحوسون الله يسعدكم
اما بيونت 5 making reservation فما اذكر ان المس تكلمت عنه واذا تكلمت ف ما ادري هع
اما الايجابيات والسلبيات لشي معين فأحلى حاجه اهم شي احفظو لكم كم جمله تساعدكم تلاقونها بصفحه 108 بالبوكس اللي فوق ترى مفيده وتخليكم تتفلسفون بكل ثقه هع
نصيحه اخيرة: المس قالت نص الدرجه بتكون ع الاسئله اللي بالاول والنص الثاني ع الرايتنق حقك...يعني لاتشيلي هم ابد
نقطه ثانيه ..المس تقول لاتحاولين تسوين ذكيه وتكتبين جمل طويله اكتبي جمله قصيرة فعل وفاعل ومفعول به وصلى الله وبارك
وووبس...ان شاء الله قدرت اساعدكم
بليز دعواتكم...ربي يوفق الجميع ان شاء الله