معاناتي مع الريدينق2

[ام حمدان]

وعليكم السلام ورحمة الله وبركاته

ياعزيزتي والله حاسه فيكي :(
الحمدلله عديت مواد المستوى الثالث والرابع بعد عناء هالمواد كانت لي بمثابه كوابيس تلاحقني
رغم سهولة مناهجها لكن الامتحان يكون شي ثاني بالذات الريدنق تصدقين كانت اختباراته بالنسبه لي اصعب من الرايتنق !

بقولك كيف كنت اذاكر الريدنق --للعلم درجاتي فيه ماكانت قد كذا بالذات ريدنق 1 لكن الحمدلله اهم شي عديتهم
كنت احفظ الكلمات ومعانيها بالانقلش
كنت اذاكر كل التمارين الي على الكلمات والقاعدات تبع السفكس والبريفكس لانها كانت تجينا اسئله تشبهها في الصياغه وتمارين السفكس والبريفكس كانت تجينا نفس كلمات التمارين وبكذا طريقه مره اختياري ومره فراغات والاستراتيجيات الي تجي في كل شابتر افهمها
وامسك موقع الكتاب الى كان يجي عنوانه على الغلاف واقرا القطع الي فيه واحاول افهم تتكلم عن ايه واقعد احل تمارينها واختبر نفسي فيها واعرف فين اخطائي (يعني لوعندكم قطع وتمارين في موقع كتبكم الجديده اقريها لانه احيانا يجيبوا نفس مواضيعها بس يغيروا الاسلوب قد حصل هالشي في السابق فما استبعد يحصل معاكم فضروري تقريه احتياط)

يعني الكتاب لو حده مو كفايه لازم تقري قطع خارجيه وتنمي الفوكابلري عندك حتى تقدري تفهمي القطع الي بتجيكي
وتطلعي المين ايديا والتوبك وتعملي سمري لو طلب منك

منهجكم الجديد مااعرف عنه شي بس اذا كنتي اختبرتي فيه ورسبتي على الاقل الحين صار عندك فكره عن طريقه الاختبار وعارفه فين اخطائك فحاولي تشتغلي على نقاط ضعفك وربي يفتحها عليك وتحلي تمام في الامتحان وتبشرينا بنجاحك قريب يارب

اقولك شي لاحظته ---لاحظت اسئله الترم الاول لكل المواد دائما تكون اصعب من الترم الثاني ماادري ليه
لذلك تفائلي وإن شاء الله امتحانكم هالتر يكون اسهل من الترم الماضي :)

بالتوفيق