مشكله نواجهها في الانتساب :(

[rubi]

انا معاكي


بس كيف نوصل صوتنا للجرايد

[ام حمدان]

المشاركة الأصلية كتبت بواسطة شتاء عمري http://founyear.kau.edu.sa/accesspag...=ar&sys_id=228 الجامعه بهذ الخصوص سليمه .. وهذا الرابط تعرفي كل شئ

عفوا ياعزيزتي
انتي شكلك ماقريتي مطالبي كويس

انا عارفه التقويم وفاهمه كل شي فيه
انا الحين في المستوى السادس
وجربت وضع الدورة لمن تكون متأخره ولمن تكون متقدمه
وشفت اننا نحتاس لمن يكون وقت الدورة متأخر
والجداول مالها موعد ثابت ساعات تنزل قبل الامتحانات بأسبوعين وساعات ب3 اسابيع وساعات باسبوع مثل ماحصل الترم الماضي
وكل هالاوقات غير كافيه نحتاج انها تنزل قبل الامتحانت بشهر على اقل تقدير وايضا موعد الدورة نتمنى يكون متقدم على طول قبل الامتحانت بشهرين او شهرين ونص
ويثبت هالشي على طول مو ترم وترم يتغير

إن شاء الله الحين فهمتي علي خيتو
ربي يعيننا ويسخر لنا الجامعه وتحقق مطالبنا

[ام حمدان]

المشاركة الأصلية كتبت بواسطة rubi انا معاكي بس كيف نوصل صوتنا للجرايد

إن شاء الله مانحتاج للجرايد
اتوقع عمادة القبول والتسجيل هي المسؤوله عن هالشي ولو وصلت لهم مطالبنا واصواتنا وشافونا الحينا بالطلب راح يوافقوا على طلباتنا لكن المشكله اني مااعرف كيف الطريقه
عشان كذا كتبت هالموضوع اتمنى يرشدونا او اذا بالامكان هم يطرحون المشكله ويوصلو اصواتنا

الله يعين

[المنسية]

لاتنسون معناتنا مع إختبارات المناطق من جد هذي أكبر مشكلة تواجهنا نحن الطلاب والطالبات من خارج جده .

[اضغط هنا]

الله يعين على ذي الدراسه والادها والا مر انو دراسة الانتساب مو معتمده
فحابه اتاكد من ذي الخبريه
واكون شاكره لكم

[Do0ola]

من جد صراحة كلامك مزبوط ان شاء الله احد يسمع

[البتول 2010]

ام حمدان الله يعينك ويوفقك
اممممممم عندي ايميل المشاط تقدرين ترسلين له
وان شاءالله يسمع لمطالبكم
بس لازم مجموعة يرسلون له
وهذا ايميله
asmashat@kau.edu.sa

[memoooo.]

السلام عليكم ورحمة الله وبركاته

الله يعطيكِ العافيه ام حمدان على طرحك للموضوع

و فعلاً مشكله الكل بيعاني منها..

انا من رأيي انه موضوعك دا يكون للتجمع والانطلاق بالحلول

وانتظار النتائج..

خلينا نكتب خطاب نصيغوا بطريقه ممتازهـ نوضح فيه

معاناتنا من دا الموضوع والسلبيات المترتبه عليه..ولو عملنا

استطلاع يكون افضل لانه راح يعطينا نسب واضحه وبرأيي الاغلبيه..

الخطاب نعمل منه كدا نسخه ويكون باسم الطلاب والطالبات المنتسبات..

ونوصلوا بنفسنا للمسؤولات "قسم الطالبات" و "قسم الطلاب" في الجامعه

ويكون يحمل رابط دا الموضوع عشان لو كانوا حابين يطلعوا اكتر

على اراء الطلاب..نشتغل على الخطاب من "الان" ويتم تسليمه

اول ماتخلص الاجازه على طول .. واي رد يوصلنا راح نكتبوا هنا

في دا الموضوع..


اختي اضغط هنا حبيت اوضحلك انه شهادة الانتساب معتمدهـ

ماعدا في التدريس.. يعني اي وظيفه تقدري تشتغلي فيها

وادا كنتِ خريجه لغه انجليزيه برضوا تشتغلي فيها في التدريس..

يعني من دي الناحيه اطمني ولا تشيلي هم..

[ام حمدان]

اهلا عزيزتي

انا سبق وراسلت العميد من كم يوم بخصوص موعد الجداول لانها الاهم حالياً وممكن تنحل الان ومازلت انتظر الرد :( اما مشكله الدورات هالترم صعب تنحل لانها خلاص بدات والبقيه بعد الاجازه فمافي مجال للتغيير غير من الترم القادم لكن لازم نكلمهم من هالترم حتى يوافقوا وينفذوا هالشي في الاترام القادمه إن شاء الله
وفيه غيري كثير راسلوه بخصوص الجدول انا شفت موضوع لعضو اظن اسمه البرنس الذهبي يطلب من الاعضاء مراسلة العميد بخصوص تقديم موعد نزول جدول الاختبارات و في اعضاء كثير ارسلوا

لكن نحتاج اعضاء اكثر ويرسلوا بخصوص المشكلتين
جدول الاختبارات +موعد الدورات
لذلك طريقتكم صح الافضل تعملوا استطلاع اولا
وبعدها على طول تبدا مرحله الخطاب والمراسله لانه مافي وقت كثير قدامنا واي شي نقدر نسويه معاكم بلغونا حتى نساعدكم
وجزاكم الله خير على تعاونكم معنا

[عذبه الروح]

نطاااالب بالتعجيل فى نزول جدول الاختبارات النهائيه لطالبات الانتساب قبل موعدها بشهرر حتى نرتب اوضاعنا وهذا من ابسط حقوقنااا وما طلبنا شي تعجيزى ولا صعب