تجمع للمتقدمين والمتقدمات للدراسات العليا لعام 1432 - 1433 هـ

[فتاة العصر]

أختي aiko
كيفك حبيبتي ايش اخبارك ،،، ايش مسوية اللحين ،،، صار معاكي جديد ولا غيرتي الخطة ؟؟؟

[فتاة العصر]

اعلاااااان هاااام

الرجاءمن الجميع الإنتباه لما سيقال لأنه يهم من لديه اختبار مفاضلة

متطلبات واماكن اختبارات المفاضلة

أولا : مكان الجامعة

بالنسبة للناس اللي من خارج جدة ،،، اسهل عنوان لكم الاتيان للجامعة من حي الجامعة من البوابة اللي امام سوق الجامعة بلازا امام هذا السوق فيه بوابة مكتوبعليها رقم ( 7 ) هتدخليها هتلاقي بنات بيدخلوا من بوابة لداخل الجامعة ،،، هذه البوابه اسمها ( بوابة غربية 1 ) ...



ثانيا : مفاضلة اقسام كلية اداب ( مرحلةالدكتوراه فقط ) :
الموقع :
اول ماتدخلي من البوابة هتمشي على طول وبعدين يسار وبعدين على طوووول اللين ماتلاقي الكلية على يسارك ،،،
الكلية فقط لمكاتب اعضاء هيئة التدريس وليست بها اي فصول وبما ان الكلية لم تدرج اماكن او ارقام غرف الإختبار فعلكم التوجه لمكتب الدراسات العليا الخاص بالكلية بنفس مبنى الكلية الدور الثاني وتسالوا هناك هتلاقوه ...



ثالثا :مفاضلة أقسام كلية علوم ( مرحلة الماستر ):
الموقع :

اول ماتدخلي من البوابة السابق ذكرها ،،، هتمشي على طول وبعدين يسار وبعدين اول يمين وتفضلي ماشية على طول طول اللين ماتلاقي على يمينك بعد المكتبة المركزية مبنى كلية العلوم وهو رقم ( 7 ) هتلاقي هتمشي السيب حجه اللين ماتوصلي لباب الكلية الرئيسي ...
بالنسبة لقسم الكيمياء هو فقط اللي تحدد غرفه من باقي الأقسام وانا ارسلت ايميل لهم وردوا فقط بمكان المبنى اللي هو كلية علوم من دون تحديد للغرف ...
قسم الكيمياء كالتالي على هذا الرابط :

http://chem.kau.edu.sa/Pages-master-program-2011.aspx

اما باقي الأقسام فعليهم التوجه لمكتب الدراسات العليا بالكلية نفسها ،،، والغرف المذكورة بالرابط هيا نفسها بمبنى الكلية ...



رابعا : مفاضلة أقسام كلية اقتصاد منزلي : ( مرحلة الماستر ) :
الموقع :
اول ماتدخلي من البوابة هتمشي هتلاقيها على يمينك على طول هو اول كلية ومبنى بتلاقيه وهو برقم
( 43) او يسمى بمبنى ( البتول ) موججود فيه الغرف الدراسية وايضا مكاتب الادارة والدكاترة ...
وقد نزلت الكلية اماكن اختبار كل قسم يتطلب فيه المفاضلة وايضا مايجب احضارة معكي ،،، على الرابط التالي :

http://homeecon.kau.edu.sa/Pages-موا...للماجستير.aspx



خامسا : مفاضلة كلية الحاسبات وتقنية المعلومات :

ارجو الانتباه من مواعيد هذا الاختبار بالذات ،،،

لأن في جدول مواعيد اختبارا لامفاضلة مكتوب بأن التاريخ 30 - 5 اما موقع الكلية نفسه فمكتوب ان الاختبار بتاريخ 1- 6 ،،، لذا ارجو التاكد من الكلية نفسها بالذهاب اليها او الاتصال بهم اوارسال ايميل لهم ،،، انا ارسلت بس لسه ماردوا ...
الغرف ومراجع الاختبار على الرابط التالي :
http://computing.kau.edu.sa/Pages-new24-Ar.aspx

سادسا : مايجب احضاره معكي وقت الاختبار :

1.
1. رقم الطلب الخاص بكي او طباعة طلبك للماستر افضل ...
2. اثبات الهوية للسعوديين ( كرت عائلة أو بطاقة أحوال أو جواز السفر الخاص بكي انتي او انت ) ...
3. اثبات هوية لغير السعوديين ( اقامة سارية المفعول أو جواز السفر الخاص بكي انتي او انت ) ...

يفضل احضار الهوية التي تقدمت بها بطلب الماستر ...


وهذا رابط جدول اختبارات المفاضلة لمراجعة المواعيد مرة أخرى ،،، مع رجاء خاص ان يتم مراجعة المواعيد على طول تحسبا لأي تغيير ،،، تعرفون مفاجاءات الجامعة
http://graduatestudies.kau.edu.sa/co...=AR&cid=102247




تحياتي وبالتوفيق للجميع

[لوبابيون]

جزاك الله الف خير .. وسهل الله لك امورك..

[aiko]

اهلين ان شاءلله تكوني كويسه

انا الحمدلله ^_^في البداية صراحه كنت زعلانة مراxd

بس الحمدلله خيره من ربنا

ان شاءلله راح احاول لما يفتح تاني

يلا حروح الحق انام ساعتين قبل ماروح ملتقى الخريجين

[منال فوفو]

بنات الله يوفقكم دحين كلية الاقتصاد بحي الجامعة نفسو سؤال غبي للتاكيد
واللي قدمو على ماستر اقتصاد تربوي ياليت يقولو لنا المواد او طريقة الاسئلة للي اختبرو من قبل الله يوفقكم وربي حايسة وخايفة لان قدمت بالغلط بالرغبة الثالثة خاص وانا ابغى عام الله يوفقكم ساعدوني بالمراجع والكتب
طلب اخير من تعرف سائقين من مكة لجدة ضروري بس يوم الاختبار

[meme011]

أختي فتاة العصر

ربي يسعدك ويسهل امورك ويرزقك من حيث لا تحتسبين

انتي وجميع البنوتات يارب


بس ياليت لو وحده تعرف سواق ولا باص لانو انا من مكه واختباري يوم الاحد 20 / 5

ابا اكون في الجامعة قبل 12 عشان اختباري الساعه 1

[فتاة العصر]

أختي لوبابيون وmeme011
ربي يسهل لكم اموركم وتيجوا تبشرونا بعد الاختبار


أختي منال فوفو
عندك فوق في اول مشاركة بنفس الصفحة هنا عنوان الكلية
وبالنسبة للمراجع بتلاقيها بصفحة 139 من نفس موضوعنا ...

[درر مكنونة]

شكراً أختي فتاة العصر الله يجزاك الجنة ويكتب لك التوفيق ..

[درر مكنونة]

فتاة العصر والجميع الله يجزاكم خير..
الرابط اللي فوق اللي في مشاركتك يقول على المتقدم حضور الأختبارات المرشحة فيها ..
أنا دخلت ثلاث رغبات منها أقتصاد منزلي تربوي وفنون إسلامية لازم أدخل الإختبارين كلها .. لأني ما أتوقع إني بأكون موجودة في جدة يوم الأحد ..

[فتاة العصر]

هو طبعا لازم تحضري الاختبارين علشان يكمل حساب المفاضلة للرغبات الخاصة فيكي

بس طبعا انتي ممكن تدخلي الاختبار اللي تبغي تكملي فيه والرغبة اللي ماهتدخلي هتنحذف طبعا وهتنلغي من رغباتك ...