ܔْށ ٳζــْسَـاآآآ๛ ّسـُڪۇنّـﮯِ اْلّوَرّدِيܔْށ

[سكون الورد k.a.u]

بسم الله الرحمن الرحيم ..


والصلاة والسلام على أشرف الانبياء والمرسلين ..

تم افتتاح مدونتي

ܔْށ ٳζــْسَـاآآآ๛ ّسـُڪۇنـّﮯِ اْلّوَرّدِيܔْށ

يوم الخميس 18 / 5 / 1432 هـ

[سكون الورد k.a.u]

العمر مايضمن عن الموت .....

...... والقبر ماياخذ اثنين

ܓܨ

[سكون الورد k.a.u]

لاعاش منهــو على الحسره فناته !!


و


لاعاش منهو ضيع العمر تحاسيف

ܓܨ

[سكون الورد k.a.u]

اليوم هو يوم الجمعه 25 شوآل 1432 / 23 سبتمبر 2011

يعني :::

[motr] اليـــوم الوطنـــــــي الســـــــعودي [/motr]

كل عام وانت يالسعوديه بخير
كل عام وحنـــــا السعوديين بخير
كـــــل عــــــام وحنــــــــا ســــعوديين
كل عام وحنا الخير والفرح والبسمه لكل عام
كل عام وانت بخير ياغلى واحلى واجمل وطن ،، وطني السعوديه

فرحة الوطن مايوازيها فرحه غير فرحة النجاح ..

نحمد الله ونشكر فضله اننا بأمن وأمان ..

بالوقت اللي باقي الدول تعيش أسوأ ايامها وأفظع مراحل حياتها ..

لا امن ولا استقرار ولا حقوق يعني بالعربي ..........> غـآآآبــه ماتخضع لأي قانون يحمي الشعب

لكن حنا الحمد لله اننا سعوديين ، ننعم بالخير والأمن والآمان ..

[سكون الورد k.a.u]

يـــاوطنـــــــي

عندنا تقصير ، اغلبنا تنقصه اشياء كثيره ، حنا ساخطين على بعض الامور اللي عندنا ، حنا نبي الحل السريع للمنغصات المعيشيه اللي نواجهها يومياً ..

يــــاوطنــــــــــي


شبابنا وبناتنا لهم حقوق وهي : (الوظيفه المناسبه ، الزوج / الزوجه ، حياه كريمه تضمن لهم عيشه هنيه)

اتمنى يصير لنا شي حلو يغير مجرى حياتنا ،، اتمنى حكامنا يسعون أكثر لتوفير متطلباتنا الضروريه

كلمات خرجت من قلبي ،،، وحاولت انها تخرج للنور لاني مااقدر اضحك على نفسي ...

حنا نحب وطننا إيــه ، ونفني أرواحنا وشبابنا في سبيله ، ونحميه من أي طائل يحاول يطوله ..

لكن وطننا لازم يرحمنا شوي ، لازم يعطينا حقوقنا ويأدي واجباته ...!!


يــــاوطنــــــــــي


لمتى وحنا ندربي بروسونا ونسكت ؟؟؟؟ لمتى وحنا ننتظر تتغير حياتنا ؟؟؟؟

لمتى وحنا هذا حالنا ؟؟؟؟

لمتى وحنا نشوف خيرات بلادنا تتوزع للخارج والداخل موبـ لاقي شي ؟؟؟؟؟

لمتى والناس طمعانه فينا وتحسب انه كل نهاية شهر كل مواطن يجيه مبلغ وقدره يكون نصيبه من الفايض من ارباح النفط ؟؟؟

لمتى والناس ماخذه فينا مقلب ؟؟؟

لمتى وحنا نغطي على تقصيرك ياوطني ؟؟؟؟!!!


يــــاوطنــــــــــي


حنا لاشفنا كويتي ولا اماراتي ولا قطري .... يحاول يبين النقص اللي عندنا والقحط اللي بعضنا عآآآيش فيه ..

نهب فيه ونحرقه حرق هو وديرته ، ونبين له العكس .. تدري ليش حنا كذا ؟؟؟

انا اقولك ليش !!!

لإن حب الوطن لاارادي وحب يتملك مثل حب الوطن يتملك كل خليه فيك ويسكن فيها ، ومهما تحاول تتخلص من هالحب ماتقدر ....

يعني ممكن تتخلص من حب عشقته ، ممكن تتخلص من حب صديق صادقته ...

لكن مستحيييييييييل تتخلص من حب الوطن ، لانك كل يوم مع اشراقة شمس جديدهـ تتوقع ان هاليوم بيكون ازين من اللي قبله .. لعل وعسى يصير شي ... لعل وعسى يتبدل هالوضع السيء اللي الشعب فيه من جوع وفقر وبهذله ...

لعل حكامنا ينظرون لنا شوي .. خلاص يكفي تنظرون لأنفسكم كل هالسنين .. عطونا شوي من هالنظره ، ومانبي اي شي موبـ لنا .. نبي حقوقنا فقط .

تحياتي لوطني

[سكون الورد k.a.u]

اليوم السبت .. والبارح كان الجمعه >> لاياشيخه !!

احم احم .. نرجع للموضوع ..

البارح احتلفنا انا وخوياتي وبنات خواتي وبنات اخواني وبنات عمامي وبنات خوالي ..

وتجمعنا كالعادهـ باستراحه وجبنا dj وسديهات بس للوطن لكل اللي تغنوا بديرتنا اللي هي احلى واغلى ديره ^_^

وطبعاً بدينا من بعد صلاة العشاء رقص ووناسه وتريقه وضحك ونكت وبرامج آيفون خخخخ... وجميع انواع الترفيه

وطبعاً ماننسى تحدي الساحه اللي دايم بيننا حنا البنات يتحدون بعض من أزين رقص .... وقعدنا نضحك على رقص بعضنا ، ونتعجب من رقص بعضنا ونصفق لرقص بعضنا ...

وبعدين نآخذ المايك ونعلن من ازين رقص سواء جماعي او انفرادي

وبعدين جاااا وقت العشااااا .... ورحنا تعشينا ... طبعاً العشاء (قَطَه) بين الحاضرات ، وتكون مجموعة بنات متكلفات بالترتيب للحفله .. وكل سنه تتغير المجموعه .

وبعد ماأنهينا العشاء ، والحلا وجميع متطلبات العشاء ... جلسنا جلسه نقاشيه بحته

قعدنا نتكلم عن اللي صاير بالعالم ، واللي صاير بالبلد ، وعن الشباب والبنات ... الخ ماخلينا حديث ماتطرقنا له >> هذه هي المرأه بصفه عامه هههههه ماتخلي موضوع يعتب عليها !

ودار بيننا حديث عن اللي سويناهـ للإحتفال باليوم الوطني ..؟؟؟

وش جاينا من هذا كله ؟؟؟ وش عائد علينا من التكاليف اللي تكلفناها لوازم الحفله ؟؟؟

كم وحده فينا عاطله ؟؟؟ وكم في بيتها عاطلين ؟؟؟؟

لقينا البسمه والضحكه اللي على وجيهنا بدت تصفر شوي شوي .. إلين تلاشت ... وصار النقاش حاد مابين عاذره ومابين لايمه ..

انا كنت من القوم اللي لايمين على الدوله وضعنا ؟؟؟ وينهم من حقوقنا اللي يتمتع بها كل شعب ؟؟؟ وينهم من واجباتهم اللي تحق لنا ؟؟؟

وحده من البنات متخرجه من الجامعه بإمتياز تخصص كيمياء حيويه تطمح للإعاده لكن مااقبلوها ؟؟؟ واقبلوا اجنبيه بدالها ؟؟؟

ايه لييييييييييييييييييييييييييييش الاجنبيه تتوظف بديرتي وانا لااااااااااااااااااااااااا ؟؟؟

اكثر من امتياز وش تبون ؟؟؟؟؟؟؟ وش تسوي المسكينه وغيرها علشان تتوظف ؟؟؟؟؟

لكن قلنا لها : اصبري لعل الله يكتب لك وظيفه على يد حافز ولاجداره ..!! اصبري ان الله مع الصابرين اذا صبروا

دام نقاشنا بصوره طويله وحاده لدرجة قمنا نرفع اصواتنا على بعض بسبب فرق العقول مابينا .. في بنات الله يهداهن ترمي الكلمه وماتحسب لها حساب ..!! وهالشي يثير اعصاب بنات ثانيات .. وتبدا المناورات ..

لكن اختكم في الله وقفت على الطاوله ونددت وهاوشت واستنكرت على أي وحده تقل عقلها علينا في ذاك ..!! لان حنا مااجتمعنا للهواش .. إما نحترم بعض ونرد بإسلوب لبق وعقلاني ومثقف ولا تبلع لسانها وتسكت لانها ماهيبـ قد النقاش ..!
طبعاً الكل هجد >>> يالبى الشخصيه

وبعدين قمت أقود النقاش ، وصار الكل يوجه لي انا التساؤل .. والله لايوريكم ليتني ماهديتهن !!!

اي وحده تسألني وتناقشني والباقي مستمع .. إلين حسيت اني بموت .. آخر شي قلت : وش رايكم نقوم نرقص العرضه السعوديه !!!!

ههههههههههههههههههههههه >> ادور الفكه منهن لاني تعبت حيييييييل

وطبعاً قامن ماشاء الله واصطفن بلمح البصر .. وقالن : يالله سكووون >> (ماتبي تقول اسمها)

نبي نبتدي بس منين لنا سيوف ؟؟؟؟

تخيلوا يبون سيوف علشان تضبط العرضه ههههههههههههههههههههه

قلت : كل وحده تآخذ سكين وترقص بها كفوكم يالمشكلجيات هههههههههههههههههه

ماخلصت الكلمه ... الا وإعصار كاترينا مقبل علي ههههههههههههههههه

وحسيت ان انا الهدف .. للأسف مااعطوني فرصه حتى للشهاده هههههههههه
بس بنات خواتي واخواني وقفوا وسو حولي سور >> موبـ سور الصين العظيم !!!

واللي تقول : اي وحده تقرب لعمتي ياويلها !! واللي تقول اي وحده تمس خالتي ياويلها !!

هههههههههههههههههههههههه وانا انواااع الفرح والوناسه .. والله عزوه صراحه هههههههههه

وطبعاً كانوا البنات يمزحون ، وحنا نمزح ، وماكان في اي هدف غير الدغدغه بس انا اكرهها لانها تهيج علي القولون العصبي وتتشنج جنوبي >> لاشمالي

وبعدها فعلاً رقصنا العرضه .. ولما صار المنادي يقول : سيدي سمعاً وطاعه ..

صارن البنات يرددونها ، وانا ءأشر لهم من الكوشه زي الملك ههههههههههههههه >> ماتتوب ابدا

وبس وسلامتكم ..

[سكون الورد k.a.u]

تبي الدلع ، تبي الجمال ، تبي الحلا كله >>> عند المرأه الاجنبيه

لكن الدين والحشمه والخُلق >>> عند المرأه السعوديه

الجُمل اعلاهـ ، ذكروها الشباب بأحد المواضيع وعرونا من الجمال والأناقه والذوق ...!!!

لا ااا واللي زاد وغطى ... >> يقولون : ان الاجنبيه لااابتسمت للجبل تشقق وتحرك من مكانه ، ولاطالعت للقمر استحى من جمالها وطااااح ، ولا لمحت الشمس استحت وغابت وليلت الدنيا قبل موعدها

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههه

مانيبـ لاقيه شي اقوله !!!!!

المشكله انهم مايدرون عنا ..!!! يعني لو حنا كلنا كاشفات ماكانت هذي علومهم ... وكان ادفعوا دم قلوبهم علشان يتزوجونا ...

للأسف انا منصدمه من الآراء اللي هنا بالرغم انهم مثقفين وفاهمين وواعيين ، اجل الجهله منهم وش يقولون ؟؟؟؟

هم مادروا اننا اساس الفضيله ..

هم مادروا اننا رونق الجمال ..

هم مادروا اننا عنوان الحشمه ..

هم مادروا اننا بنات رجال ..

هم مادروا اننا عاليات الهمه ..

هم مادروا اننا سبب عَظَمة الرجال ..

استعجب منهم لما يخلون انفسهم الامير : متعب الفيصل






ولا آمران عباس :







مدري وش يحسون فيه وهم يقولون هالكلام ؟؟؟

طيب حنا مثلاً مسئولات عن تكاليف العرس ؟؟؟ او لنا شور ولا قول عند آباءنا ولا اخوانا ؟؟؟

حنا يالله يالله نحاول نرفع روسنا بالنظره الشرعيه ... يالله يالله تشيلنا رجلينا بالزفه

اذكر اختي يوم نظرتها الشرعيه .. كان المعرس (ولد عمي) ، وأمه ، واخته ، وامي .. واختي تحاول تدخل مع الباب ماهيبـ قادره !!! لدرجة ان امي طلعت تقنعها لكن ماقدرت تدخل .. وغير امي لانها تمون على المعرس قالت له تعال انت ياولدي شفها هي ماهيبـ قادره تمشي ...!! ولاتحسب بها شي مير الحيا مانعها ... خخخخخخخخ
فعلاً طلع ولد عمي وشافها ... واختي لما شافته صارت تبكي ههههههههه وهي واقفه >> موقف حزين صراحه

حنا مابيدنا شي !!! ولو آباءنا يجوون يقولون : والله يابنيتي انا عطيتك لفلان ، وخلاص انتي الحين من نصيبه .. مابيدها ترفض او حتى تقبل .. ماغير تقول (اللي تشوفه يبى) >> بس انا لأ !!!! هههههههه

انا ابوي لازم يشورني .. لان زمن الإلزام راح وولى ، الحين زمن الثقافه والتعبير عن الرآي .. انا لو ماابيه اقول ماابيه ، ولو ابيه راح اقول : (اللي تشوفه يبي) خخخخخ

ياحبني للشطحات ...!!

نرجع لموضوع الشباب والجمال بعد مااشرب عصيري ..

[سكون الورد k.a.u]

عودهـ مجددهـ ..

بعد ماشربت عصيري ، وعينت من الله خير ...

رجعت علشان اقووول :

بالنهايه : كل ٍ مكتوب نصيبه ، سواء مع سعوديه ولا اجنبيه ..

ماأصابك لم يكن ليخطئك ، وماأخطئك لم يكن ليصيبك

^_^

[سكون الورد k.a.u]

الأتيكيت



خطأ : عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...


الصحيح : تمسكه مع ثيابه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ...
ثم ..
تقوله شيل الكتب .. ومرة ثانية فتح عيونك يالوح ..

ــــــــــــــــــــــــــــــــــــ


خطا: تفتح الإشارة .. ثم يعلق يزمّر لك االي وراك ... ثم تطالع في المراية ... وتلقاه يهاوش ومعصب .. ثم تلوح بيدك تتأسف ....


الصحيح : تنزل له بمفتاح العجل .. أو عجراء ... وتطق الدريشة عليه ... وأول مايفتحها ... جرّه مع شعره ... واجلده لمين يقول العيد بكره ...
ثم ..
قله مرة ثانية تصير الاشارة خضراء .. تصير حمراء .. تصير زرقاء ... تنثبر وتسكت .. لوووووووووووووووووووول ..


ـــــــــــــــــــــــــــــــــــــــ



خطأ : تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك .... ويصك الباب بوجهك .. ثم تروح وانت متضايق ...

الصحيح : انك تمسكه من كرفتته وبعدين تلفه وتلفه وتلفه وتلفه وتلفه وبعدين تريح شوي وبعدين

تلفه وتلفه وتلفه وتضربه بالسبوره وبعدين تقومه وتمسكه من الجاكيت وتمسح فيه السبوره وتطلع ..
ثم ..
قبل لاتطلع تقوله لاصارت جامعة ابوك اطرد الطلبه ..


ــــــــــــــــــــــــــــــــــــــــــ


خطأ : جالسين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم صديقك ويرج العلبه ... ثم تجي تبي تفتحها .. ثم تطيش بوجهك ...

ويضحكون عليك .. فتقول ... هههههه الله يرجك والله لارد لك المقلب ..


الصحيح : تمسكه .... مع رجليه ... وتصبخه بالارض صبخ ... وتجيب قوطي ببسي .. وترجه رجا مبرحا ... ثم تفتحه بوجهه ...
ثم ..
تقوله لاصرت أخوك الصغير ... والا تمون علي .. امزح معي هالمزح ... وهالمرة بسمح لك عشان خاطر الموجودين .. والا تدري !! ...
ثم عفط العلبه.... وحطّها بمخباته ... وقله لاتطلعها من مخباتك الا اذا رحنا ...


ـــــــــــــــــــــــــــــــــــ


خطأ : تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس ارتاح ...
وتتركه ... وتلقاه حالقن نص شنبك ... ثم تتهاوش معاه شوي ... وتحاسب وتطلع ... وتقول بنفسك والله ماعمري أحلق عنده ...

الصحيح : تاخذ الموس ... وتخربط براسه ... وشنبه ولحيته ... وإن حصل تحلق راسه عكس مب شينه ...
ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) ..

ثم ..

قل بينك وبين نفسك ... ماعمري أحلّق عنده ...


ـــــــــــــــــــــــــــــــــــــــــــ

خطأ : تمشي بالحارة .... مثلا رايح للمسجد ... ثم يجي بزر من هالبزراين ... ويفلقك بحصاة .. ثم تلعن الشيطان وتعوذ من إبليس ...

وتكمل دربك .. تقول بزر ماعليه شرهه ...

الصحيح : تاخذ لك بلكّه ... وترميها عليه ... إن ضربته ... فهو خير ونعمة
وإن ماضربته ... خذ عصا .. وامسكه واجلده ...
إن صاح خير ونعمة ...
وإن ماصاح .. فاتركه ... ورح صل وخلص مشواريك... وهم ارجع له .. وتفرّغ له ...
أكيد مب متحمل لمين وقت الصلاة الثانية ... وعلى مسؤوليتي بيصيح ...


ــــــــــــــــــــــــــــــــــــــــ

خطأ : متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟

الصحيح : صكه بالصينية .... ولحقه ببياله والا بالملقاط ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...

تلك كانت مهاترات قد اضحكتني .. من بريدي

[سكون الورد k.a.u]

وأَقَرِضّ الليل ِ بالساعه ... من قِلة حي (ن) يسليني ...

ماعندي مال ٍ ولا بضاعه ... وبالدين ماناس يعطيني ...


حاولت اكتب اكثر بس توقف شعوري لان خفت من الفهم الخاطيء !!!