كل اللي قدمت على كلية الشرفية تدخل هنا ضروري

[هديل جداوي]

السلام عليكم ورحمة الله وبركاته 00
يابنات انا رحت الكلية دوبي جيت وسحبت اوراقي وشوفوا الورقة اللي اعطوني هي بالمرفقات00
لا وكمان حاطين قدرات وغير كذا التقديم في شهر 8 والرابط حقهم طلع كلام فاااااااااااااضي
تخيلوا الرابط حق جامعة الملك عبد العزيز وكمان الصفحة الرئسية وربي ماني عارفة اضحك ولا ابكي قهروووووووووووووووووني حسبي الله ونعم الوكيل عليهم وعلى شروطهم00

[هديل جداوي]

يعني مدري نصدق مين وكيف راح يكون التقديم والله شكلوا كل كلامهم كذب في كذب00

[أمووووونه]

يالله ايش هذا اللعب يعني حبكت السنه هذي يغيروا النظام ع قولك مدري الواحد يبكي او يضحك بس أن شاءالله يكون خييير لنا ..مين يدري يمكن تطلع اسماءنا بجداره ونتوظف ونرتاح هههه
الله يوفقك ياهديل ويعوضك عن روحتك للكليه ..وليه مأخرين التسجيل بداية 8 مره بعيد الله المستعان

[سوسو السعودية]

جزاك الله خير ياهديل على الخبر
وشكلهم ماعندهم سالفة ان شاء الله نتقبل في الجامعة ونرتاح من قرفهم وكذبهم

[أمل جديد]

كأنهم يقولوا لنا لا تسجلوا احسن لكم ما نبغاكم تدرسوا


حسبي الله ونعم الوكيل


ايش فرقت الدبلوم عن الماجستير بعد التعقيد هذا

[الحمدلله كما ينبغي لجلال]

برضوا انا رحت اليوم واخذت اوراقي من عندهم ما اقول غير حسبي الله ونعم الوكيل وترا مأجلين التقديم ل 1/8/1432 عشان اختبار القدرات يوم 3/8

[ورد الكادي]

رحت الكليه اليوم وربي تحطمت لمن قالت لي صار التسجيل اكتروني
لو ادري ماكان تعبت نفسي من ساعه 8 طلعت من البيت وصلت عندهم عشره الا
حوسه ولفلفه وتدوير عالفااااااااااااااااااضي
وربي فيني بكا
كنت فرحانه اول
واكثر شي ضايقني
ان يجتاز اختبار القدرات للجامعين
اللي الى الان مني عارفه هو قصدهم الاختبار التحريري ولا اللي من مركز القياس
دقيت قبل شويا ع جامعة جيزان وقالت لي ارسل اوراقك فاكس هههههههه بس صور مو طالبين اصل
مرا متساهلين مو زي هنا تعقيد في تعقيد اوف بس
المصيبه فلوس وكمان شروط (( شحات ويتشرررط ))

[samiah saud]

واااااااااااااااااااااالله ياني بكييييييييت بكي في السياره

قسم بالله حرام الي يسوونه لي كذا يقتلون كل طموح

طيب احنا ماعندنا اعتراض على القدرات بس ليه كذا مايقولو من زمان عشان الواحد يستعد ليه يضيعون علينا سنوات على الفاضي

وربي اتمرمطت انا وسحبت معاي ولدي عمره 7 شهور مع ذا الجو والحر ياربي مسكين خليته في السياره يبكي وكلو عشان ولا حاجه

وربي لسه فيني صيحه حسبي الله

بس بنات ان شالله في امل اذا التقديم 1-8 والاختبار تبع القدرات برضو باول الشهر يمدي نختبر ان شالله وتطلع النتايج ان شالله قبل يقفل التقديم قولو ان شالله << اخر امللللللللل

[جنون الطفولة]

لعله خير يا بنات ,.

يمكن يسير قبولنا فجدارهـ ؟؟ بجد والله أمووونه حمستني ههههههههههههههـ

مو مشكله ,. أهم شي أخروا التسجيل لـ 8 ,. يعني استوعبوا فكرة انه فيه ناس كثير ممكن مايكونوا مختبرين القدرات ,.
(زيي مثلآ)

بالتَّالي لا وقت للندب ,. مافي غير نجهز نفسنا لاختبار القدرات ,. وربِّي كريم

والله لو لنا خير فالدبلوم بتمشي امورنا فيه ونسجل وننقبل حتَّى والشروط مو منطبقة علينا ,.

[طموح حالمه]

الحمدالله على كل حال ..انا بعد رحت جبت آوراقي .. وربي حاله ..المفروض من الأول

يكونوا على بينه وعند مواعيدهم وشروطهم ..مو يمرموطونا ..

من شروطهم الحين .. ان يجتاز اختبار القدرات ؟؟

ياترى الإجتياز هنا مقيد بدرجة معينه ولا المهم ندخله ونختبر واي درجه يقبلوها ؟؟


ياليت تقدروا تفيدونا .. والله يوفق الجميع ياارب