ساعدوني في التصميم الداخلي..ّ

[! نغم !]

السلام عليكم ورحمة الله وبركاته

إزيكم جميعاً؟


امممممم والله مدري وش اقول مرررررة محتااااارة وبقوة

شوفوا انا في السنة التحضيرية اداري تيب ولمن نزل التسكين عشان نختار حسيت بتوتر عجيييب لانو ما اعرف اش اختار من تخصص انا احب الاعمال الفنية مرررة انبسط لمن اسويها

المهم ، فقلت ليش ما ادخل تصميم داخلي ولمن بحثت عنه عجبني صراحة بس قلت ما حختاره في التسكين إلا لمن اروح اليوم الارشادي للتسكين واشوف وما استعجل ،فرحت ولمن اتكلموا عن التصميم الداخلي حبيته اكتر وكتبت في ورقة عندي انو معدله 3 فرحت وطرت من الفرحة وقتها كان ودري اقوم ارقص في القاعة هههههههههه

ولمن رجعت البيت مدري ليش جا في بالي انهم طالبين معدل 4 للتخصص هذا وكنت عاملة حسابي انو 4 بس عشان ارتاح اكثر استخرت كم يوم وبعدين اتوكلت على ربنا واخترته يكون اول كليه في التسكين وقلت اذا ربنا اراد اجيب 4 والا لأ كله في خيرة ليا

المهم وبعد ما اخترت شفت الورقة اللي كاتبه فيها المعدلات انو التصميم الداخلي 3 انفجعت !!
قالولي اخواتي ربنا ماراد انك تشوفي المعدل وتختاري هذي الكليه لأ فيه خيرة لك ان شاء الله


بسس الشيطان جالس يوسوسلي اني اغير في ترتيب الكليات اش رايكم اخليه والأ لا ؟ لأنو معدلي في الترم الأول 3.92

وعندي كذا شؤال عن التخصص :
1- هل التخصص ممتع وحلو؟
2- كيف الاستاذات ؟
3- هل تكلفة التخصص غاااالية ؟ وكم تقريبا تصرفوا في الترم ؟ المكأفاة تغطي التكاليف والا لأ؟
4- وكيف يكون اختبار القدرات لدخول الكلية ؟يكون عملي والا نظري ؟ وصعب والا سهل ؟ ومتى يكون تقريبا؟

وبسسسسسس واتمنى القى اجابات عندكم

وسامحوني على الأطالة

[batah]

بليييز احد يرد انا كمان ابغا اعرف كيف يكون الاختبار حق القبول في القسم

[! نغم !]

بلييييييييييز ليش ما حد يجاوب ؟!

[غرام]

ياعسل انا كنت كمان ف اليوم الارشادي وقالت لسه بيفتحوا ع الترم الجاي

يعني لسه ماانفتح وهو له اختبار قبول ومااعرف متى راح يكون ؟!!!

شمووووخه

[الشاعرة الحنونة]

أختي نغم

لكي أجيب على أسئلتك حددي هل أنتِ تقصدين [ كلية الرحاب ] والتي من شأنها أن تتيح الفرصة للمسار الإداري

أم في حي السليمانية [ ديكور داخلي ] للمسار العلمي

؟

وفقكِ الله لكل خير ياغالية وأنار دربك وسددك

[! نغم !]

يسلمو شمووخ على المرور ^ــ^

الشاعرة الحنونة

اقصد اللي في الرحاب لانو هوا اللي متاح لنا للمسار الاداري

[taxisahrah]

اذا في الرحاب روحي لدكتوره الهام وكيلة الكلية وهي سوفا تقدم لكي النصيحه بس روحي لها وقت ماتكون مشغوله يعني اتقصي من السكرتاريه