ماذا بعد المذاكره؟

[صدى الصوت]

اهلين اخوي صقر
بالنسبه للدرجات الترم الأول : أنت اكيد شفت ولاحظت اغلب الطلاب والطالبــات طاااروا بعجه الملخصــات
والنتيجه كانت الدرجات كلها على قولتهم 60 ولا 65 ولا 70
ووقتها كثرت التعليقات واللي يحتجون على درجاتهم واللي يقول فيها تلاعب ومدري ايش
وبالنهايه اغلب الطالبات عشان يتأكدون من درجاتهم فعلاً راحوا للجامعه وشافوا درجاتهم ولقوا فعلاً طلعوا مخبصين بالامتحان والسبب هو كثره الملخصات وفلسفتها على غير سنع وتركوا مذاكره الكتاب بحجه ان الملخص مستوفي لجميع معلومات الكتاب ،،، وفوقها تفشلوا لمى راحوا يحتجون على درجاتهم قالوا لهم شوفوا شنو تقديمكم بالاختبار بعدين تعالوا تكلموا علينا بالمنتديات ،،، <<< تصفقت وجيهم ورجعوا
طبعاً في كذا حاله فقط كانت صحيح في غلط بالتصحيح وتعدلت الدرجه ،،،، 5% كان في غلط بتصحيح الدرجات لكن باقــي 95% كان فعلاً الغلط على الطالب والطالبــه اعتمدوا على الملخصات دون الكتاب..... لحظتها الجامعه والكادر الأداري والتدريس غير مسؤولين عن موضوع الملخصات هذي غلطه العيال والبنات .

والحين واللــي لاحظته من جميع مدرساتي انهم كثييير نبهوا على ان المذاكره من الكتب مش من الملخصات
وكان تصريح واااضح منهن مثل : استاذه هيفاء وسلوى اعظم وحياه راجخان وغيرهم من استاذات
طبعاً استاذه سلوى اعظم هذي قالتها بصريــح العباره :<<< انا مااعترف بالملخصات ولا بكلام المنتديات شرحي من الكتاب واسئلتي من الكتاب>>>
طبعاً ماعدا ماده المحاسبه وهي الكــل يعتمد على ملزمه انيسه ..

طالما احنا عارفين شنو غلطتنا ليش نظل مستمرين فيها ؟؟؟ وفوق كل هذا نبي علامات مرتفعه ؟؟

وبالنهــايه اللي ابي اقوله <<< لا يلدغ المؤمن من جحراً مرتين
يعني اللـــــــي يبي يذاكر ويتعب بيحصــل نتيجه تعبه بأذن الله <<< طبعاً يبري ذمته ويذاكر من الكتاب
واللــــي مايبي يتعب نفسه بالمذاكره بحجه ان الماده طويله ، دسمه ، صعبه ، معلومات سايحه على بعض
،،،، إلــخ
يذاكر من الملخصات.

نتعـــب هالشهر وبعدين نرتاح بأذن الله وتكون درجاتنا مرتفعه ،،، احسن من اختصار الوقت والجهد اثناء المذاكره في الملخصات وبالنهايه درجات ماتتعدى الـ65 ولا 70 إن كثرت
وقتها لانقدر نعيد الاختبار بالماده عشان نرفع درجاتها ولا ضميرنا يرتاح من هالماده كل مافتحنا كشف الدرجات ..
بالتوفيق للجميع