هنا استفسارات كيمياء 110 للتحضيري

[د.فرحْ ,!]

- في البروبلم سؤال 10.42 ماعرفت وش يبي ؟!
وكمان سؤال 10.4 .؟
سؤال 42 يبغى كم رابطة سيجما وكم رابطة باي في المركب اللي معطيكي هو
الجواب 9 سيجما و 9 باي
كيف ؟ لما تجيكي روابط مزدوجة سواء ثنائية ولا ثلاثية اعتبري وحدة بس سيجما والباقي باي
والروابط الاحادية سيجما دااائما ..
جربي عديهم حيطلع الجواب معاكي ان شاء الله ..
سؤال 4 جوابه 4 سطور وكله كلام بس السؤال يبغى منك ميزة نظام VSERP
واتذكر الدكتورة قالت انو يوفر اقصى ثباتية للمركب ويحارب التنافر
بس اذا تبغي الجواب هذا هو

10.4) Electrons in a bond are held by the attractive forces of the two bonded atoms nuclei. These electrons take less space than lone pair which are associated only one particular atom. Because lone – pair electrons in a molecule occupy more space, they experience greater repulsion from neighboring lone pairs and bonding pairs.

2- مو الروابط الايونيه هي انتقال للالكترونات ،اما التسااهميه هي مشاركة الالكترونات
طيب كيف سوينا مشاركة بين الروابط في BEH2 مع انه مركب ايوني !! كيف خلينا فيه ازواج رابطه !
يب صح هو ايوني بس الهيدورجين مستحيل يفقد الكترونه الوحييد المسكين الذي <<
عشان كذا حيكون روابط تساهمية فقطط يعني اي مركب تشوفي فيه هيدروجين هو مركب تساهمي
يعني ممكن يشارك الذرات الاخرى في الكترونه بس مستحيل يفرط فيه ..

3- sp هي رابطة ثلاثيه / sp2 رابطة ثنائية /sp3 رابطة احادية ..وش قصدنا في هذا الكلام !
هنا قصدنا نستنتج نوع التهجين من شكل لويس للمركب وطبعا نوع التهجين حيكون بسس للذرة المركزية لو كان حولها رابطتين حنكون محتاجين مدارين للتهجين واحد من اس والثاني من بي
وحيصير نوع التهجين sp
لو كانت 3 روابط اذا انا احتاج 3 مدارات واحد من اس واثنين من بي
ونوع التهجين sp2
ملاحظة مررره مهمة : لما تستنتجوا نوع التهجين من شكل لويس اعتبروا الـ lone pair اللي على الذرة المركزية رااابطة وعدوها مع الروابط اللي حول المركزية وهذا الكلام لما نستنتج نوع التهجين فقططط ..وكمان لو كان حول الذرة المركزية رابطة ثنائية اعتبروها رابطة واحدة في العد
4- ايش هي الـ VB نظرية ولا شو ؟! لقيتها بالكتاب صفحة 426 بالبداية في المقدمة.
وكمان ماعرف اشوف البمات يقولون isomers هذي بهذا الشبتر ؟ اذا انها ببعده لسا ماوصلت ..vb ما شرحت لنا الاستاذة شي زي كذا ..
بس ما اقدر اقول انها مو معانا مدري والله ..
الايزومر في شابتر 24
وكمان وش يعني iso lated ؟؟ مابي ترجمه بس ابي كيف شرحها ..
اممم .. كأني قريتها قبل
ان شاء الله البنات يفيدونا
5- في التهجين ليش هم اسوي الخطوة الثانيه اللي هي VSERP ؟ لانه لاحظت انها ماراح تفيدني بشي اهم شي اسوي شكل لويس منه نعرف التهجين !!
امممم انا معاك في هذا الشي ..
بصراحة انا ما اسويها ودايما يطلع لي الجواب صح .. الحمدلله

والله يووووووووووووفق اللي تجاوب ...فالها الفل مارك ..
موفقين

ويوفقك يا رب اتمنى البنات يفيدوكي في الاسئلة الباقية ..
good luck