لشباب:هل تخاف على اختك من استخدام الانترنت؟

[خالد9921]

مرحبا

اول شي ضروري الواحد يمنح أهله الثقة الكافية والكبيرة
الشك جدا سيئ والأسوأ هو التعقيد والحرمان والنقص
اليوم النت دخل أغلب البيوت مو معقول تمنع اختك او أهلك عشان ظنّك السيئ ..
بالعكس لما البنت تخالط مجتمع المدرسه او الكلية اللي اغلب بناته يستخدمون النت
وانت بالبيت تحرمها وكذا ..
انت بهالطريقة تجر اختك لإستخدام النت بطريقة ملتوية وقد تكون سيئة للغاية للغاية
لأن النفس البشرية ما تقدر تعيش بالحرمان والإحساس بالنقص مهما صبرت ..
بالنسبة لي شخصياُ انا اتبع طريقة المصارحة مع اختي في كل الأمور والنقاش
السكوت وحاجز عيب اكلّم اختي في مواضيع كبيرة
هو اللي بالنهاية يجر البنت للويلات والمشاكل بسبب انها جاهلة وتعلمت من خارج البيت ..
انا من حسّيت اختي صارت تشوف امور بين زميلاتها زي سوالف البويات والحب وكذا
صرت دايما اسألها واعيب هالتصرفات بنظرها وانها قلة ادب وكذا ..
والحمدلله متأكد اني غرزت هالتفكير براسها وحققت اهدافي من المصارحة معها
لكن فرضاً لو جلست ساكت على غرار يا ولد عيب لا تقول لاختك كذا
معليش الزمن تغيّر حتشوف بلاوي في مدرستها وكليتها و و و و ..
طيب ايش حيصير ؟
بالنهاية راح القاها تعلمت من زميلاتها ويمكن تعلمت امور غلط كمان زي كثير من البنات للاسف .. !
عموماً انا قبل ما اخلي اهلي يستخدمون البنت
اغرز بتفكيرهم هالأفكار اللي تعيب التصرفات السيئة والامور الغلط .. مع الرقابة عالصغيرات ..
بعد كذا خلاص لا يضر الأخلاق التي بنيت على اساس سليم أي شيئ ابداً
و راح تفتح مجال للمصارحة لأي شي يصير لاهلك مو كويس وبدون خوف ورعب ..

شكراً لك