أبي مساعدتكم .

[ساكورا...]

أنا طلبه بأم القرى وأبي أحوول إلى كلية الأعمال برابغ
إستفساري :
شروط التحويل لهم كم يبوون معدل ؟
وكيفية التحويل أرووح للكليه وإلا أقدم أوراقي عن طريق جامعة الملك عبد العزيز ؟
وأنا مأجله هالترم ؟ هل هذا يعتبر إنقطاع عن الدراسه ؟

بليييييييييز أفيدووني مالي غيركم
أنا رحت لعمادة جامعة الملك عبد العزيز ومرره مافادووني .

[حسان السراقبي]

لو كان معدلك 4.5 وفوق أي كلية في جامعة الملك عبد العزيز تقبلك
وعلشان تحولي تاخذي أوراقك لين عمادة القبول والتسجيل يالي في الجامعة وتقدميها لهم
وهناك بتكملي إجراءاتك
وطالما أنك مؤجلة بشكل رسمي وبموافقة إدارة جامعة أم القرى فتعتبري مستمره بالدراسة مافي أي مشاكل عليكي

بس أول خطوة أنك تاخذي أوراقك وتروحي لعمادة القبول والتسجيل وتشوفي ايش يقولو لك
طمنينا ايش يصير معاكي
بالتوفيق إن شاء الله ^_^

[صهيب كردي]

إدخلي على الرابط الرسمي التالي وستجدين الشروط والمعدل المطلوب
http://www.kau.edu.sa/content.aspx?S...ng=AR&cid=2031


واتمنى ان تكوني طالبة معنى الترم القادم
وفقك الله

[ابوتالا&]

طمنينا ايش يصير معك
وان شاء الله تكوني معنا الترم الجاي

[ساكورا...]

المشاركة الأصلية كتبت بواسطة حسان يا عرب لو كان معدلك 4.5 وفوق أي كلية في جامعة الملك عبد العزيز تقبلك وعلشان تحولي تاخذي أوراقك لين عمادة القبول والتسجيل يالي في الجامعة وتقدميها لهم وهناك بتكملي إجراءاتك وطالما أنك مؤجلة بشكل رسمي وبموافقة إدارة جامعة أم القرى فتعتبري مستمره بالدراسة مافي أي مشاكل عليكي بس أول خطوة أنك تاخذي أوراقك وتروحي لعمادة القبول والتسجيل وتشوفي ايش يقولو لك طمنينا ايش يصير معاكي بالتوفيق إن شاء الله ^_^

مشكوور خيوو على إفادتك ولايهوونوا البقيه
يعني لابد أخذ أوراقي للعماد اللي بالجامعة الملك
أنا من قبل حولت للجامعه وعن طريق النت قدمت أوراقي
ماقبولوا يدخلوني للجامعه .
سؤالي لو قدمت عن طريق النت أو أحد من أخواني يحولني عن طريق جامعة العيال هل ينفع ؟
وسؤالي الثاني كم طالبين معدل كلية الإداره اللي برابغ أنا معدلي 2.24جيد جدا ؟
وهل فيها سنه تحضيري ؟


سووري على كثرة الأسئله
أعذرووني

[حسان السراقبي]

المشاركة الأصلية كتبت بواسطة ساكورا... مشكوور خيوو على إفادتك ولايهوونوا البقيه يعني لابد أخذ أوراقي للعماد اللي بالجامعة الملك أنا من قبل حولت للجامعه وعن طريق النت قدمت أوراقي ماقبولوا يدخلوني للجامعه . سؤالي لو قدمت عن طريق النت أو أحد من أخواني يحولني عن طريق جامعة العيال هل ينفع ؟ وسؤالي الثاني كم طالبين معدل كلية الإداره اللي برابغ أنا معدلي 2.24جيد جدا ؟ وهل فيها سنه تحضيري ؟ سووري على كثرة الأسئله أعذرووني

أيوه لازم علشان أصلا في شروط للكلية وأوراق لازم تطلعي وتوقعي عليها
أنتي لو تبغي تجربي على كل الطريق وهو شي طيب , قدمي عن طريق النت واستني عليها كم يوم
ما شفتي جاكي رد , روحي على طول على العمادة وقدميها بنفسك
بالنسبة لمعدلك أعذريني بس أنا ملاحظ أنو نازل شويه
بس ما أعرف إذا كانو بيقبلو أو لا
في بعض الكليات بتغض النظر وبعضها لا , فعلشان كده أنا دائما بفضل أنك تروحي للجامعة
بالنسبة للسنة التحضيري , لو أنتي مخلصه مواد معينة يمكن يعادلولك هيا على مواد الجامعة في حال قبلوكي
وإذا ما عادلولك هيا فموضوعك أنتي حيكون زي كأنك أول مره بتدرسي كطالبه جامعية ووقتها لازم تقدمي على طلب التحاق بالجامعة وليس طلب نقل
على الأغلب كده حيصير وبصراحه مش متأكد مره من دي النقطه
بس لو تبغي رأيي , أسألي عن المعادلة في المواد قبل كل شيء , عادلولك مواد خير وبركه
ما عادلولك فأنا نصيحتي تعيدي يالي درستيه لسببين
السبب الأول أنو تعتبري نفسك توك بادئة دراسة
السبب التاني تحاولي ترفعي معدلك بشكل أكبر علشان السنة التحضيرية تعتبر سنة تجميع درجات لبعدين

فشوفي انتي ايش يالي يريحك وسويه
وطمنيني ايش يصير معاكي
بالتوفيق إن شاء الله
ومنورة كليتنا مقدما ^_^

[ساكورا...]

عن جد مشكوور ماقصرت وربي
جزاك الله كل خيير