‘‘ تجميع الإستفسآرات عن دورات ووظائف صيفية 2011 ‘..،

[حده غيرقت]

توظـــــــيـــــــف مــوســمــي فــي بــاتـــشــي ( فترة رمضان فقط )

بإذن الله بداية شهر 8 ( هجري ) بيدأ التقديم ع الوظائف الموسمية في محلات باتشي للشكولاته ..
التوظيف للشباب و ( للبنات ولكن بعدد جدا محدود سوف يتم التأكد من العدد المطلوب )

الأوراق المطلوبة ( صورة من الهوية + صورتين شخصية + تعبئة الإستمارة في نفس الإدارة )

طبيعة العمل للشباب ( البيع في الفروع الموجودة و ادا كانت اول مره يعني الموسم الأول لك معاهم راتبك بيكون (100) في اليوم الواحد أي نهاية الشهر لو بدأت معاهم من بداية شهر رمضان يكون راتبك ( 3000) و ادا الموسم التاني بيزيد راتبك لـ ( 125 ) ريال و لكم الحساب ..انا أشتغلت معاهم لـ 4 مواسم تقريبا و الحمدلله من اروع ما يكون ..
و في العشر الأواخر تقريبا ع حسب الضغط ع الفرع ( بيكون الفطور في الفرع الي انتا بتتوظف فيه الشركة تتكفل بالفطور او تاخد حق الفطور و تسحب عليهم عادي و بعض الأحيان السحور كمان ) متى يكون السحور هناك في أخر 5 ايام أو أخر ليلتين يكون الضغط جدا كبير ع الفرع فيحتاجو يشتغلو لوقت السحور لتعبئة الصحون فقط وليس للبيع ..
انتا اش بتستفيد نهاية رمضان ..
راتبك
تعاملك مع الناس بيختلف بشكل كبير جدا و انا من الناس الي لاحظتها بنفسي تتعامل مع جميع فئات المجتمع
تكتسب خبرة البيع وفن الإقناع ( بدون دورات ) تحاول تقنع الزبون قدامك بالشي الي جالس تعرضو انتا
و طبعا احلى شي :)
تسوي لك صحن أو صحنين لبيتكم ببلاش و فوق دا كلو ( الفائض من الشكولاتات للموظفين )
يعني تخيل تسوي صحن لبيتكم فيه كيلو
وتاخد فوقو كمان 2 كيلو ببلاش

الكيلو بـ 180 ^_*


أما البنات فعملهم بيكون في نفس الفرع الرئيسي التحلية ( تعبئة و تغليف فقط )
ولكن بتأكد لكم من العدد الي بيطلبوه السنه دي و أقولكم