يوميات....^_________^

[Dr.Passed]

المشاركة الأصلية كتبت بواسطة dr.cilia سلام عليكم كيف الجميع مستعدين للاجازه .... استمتعوا ..عشان حيجيكم وقت-زيي دحين- تحسو بقيمتها لمن تكون ماعندكم المهم اليوم كان جمييل جدا الى ان .... مرضى الفشل الكلوي اكثر المرضى معاناة الله يخفف عنهم ويكتب شفائهم وجميع مرضى المسلمين جاتنا مريضه عشان نركب لها انبوب غسيل بريتوني المريضه عمرها 17 سنه وكانت قبل العمليه تبكي خايفه من العمليه هديناها ودخلنا غرفة العمليات وخدروها وهيا تبكي مرره تحزن وقتها حسيت انه دكاترة التخدير جزاااارييييين البنت تبكي وتفرفر وهما يكبسوا الاكسجين والمخدر في فمها !!!!! والادهى واحنا لسه بنفتح بطنها قطعنا الطبقه الاولى ..... اتحركت المريضه @@ صارت تحرك رجلها ...طبعا احنا انواع الذهول والفجعه وسبنا كل الادوات ....وطرنا في دكتور التخدير.. وقتها اعطاها ابره وخلاص بعدها نامت مزبوط ..مااعرف ايش اللي حصل بوقتها اتخيلت نفسي مكانها لو اني بالفعل كنت صاحيه .... ايش الالم اللي بتحس فيه وقتها واحنا نشق بطنها؟!!!!!!! فائدة-خصوصا للاطباء والطبيبات- دايما لما بتتعامل مع مريض وقبل اي شي حتى لو كلمه بتقولها حط نفسك في مكانه وشوف ايش حيسير فيك -ياما احنا بنسال اسئله محرجه لمرضانا ونلومهم لوماجاوبونا- مو عاد انك تعطيه دواء او تعمله عمليه كمان.. الله يوفقنا وينور بصائرنا

فكرتيني انا نفس الشي سارلي كنت 17 برضو
انا كنت عايدي مو خايفه ولا شي ( اول مرة اسوي عمليه) بس ماخفت الا على وقت دخولي غرفه العمليات...مررررررة خفت وبدأت ابكي وما اعرف ايه...قلت للدكتور حق التخدير ما يخدرني الين مايقولي..الموهيم جا يبا يحط الإبره قلتلو ايش دا؟ قلي دا شي تاني ( مش المخدر) كزب عليا طبعا وبهدلتو بعدها هههههههههه بس مرة كمان التخدير وهو يدخل الجسم مرة مرة مررررررررة يوجع اكبر الم حسيت في في حياتي...اشد الم..حسيت عروقي قاعده تتقطع من جوا كأنها سكينه قاعده تشق عروقي من جوا صرخت صريخ داكا اليوم حسيت روحي بتطلع ...والله ابدا ما انسى اليوم دا بعدين ما اتزكر طبعا اخر شي قلتو ولا متى بعد الاام الفظيعه دي اتخدرت ونمت اتزكر اني صحيت وسارت العمليه وبس ههههههه بس عمليتي كانت غير مو نفس دي

الله يسامحو بس..