معـآ لإنشـآء جامعة جديدة (وَتَعَاوَنُوا عَلَى الْبِرِّ وَالتَّقْوَى )

[مداوي الجروح]

موضوع جداً رااااائع

بس عندي مداخلة مرره بسيطة

قبل مانعالج موضوع جامعة وحده في مدينة كبيرة زي مدينة جدة لازم نركز على الوظائف
عدد المتخرجين من الجامعة كل ترم ماشاء الله كبير بس فين الوظائف !!

لازم يكون فيه توفير سريع للوظائف لخريجي وخريجات الجامعة

تاني نقطة قلة الجامعات في مدن المملكة وبنشوف طلاب وطالبات كتير من بره جده في جامعة الملك لازم انشاء جامعات في كل مدينة لراحة الطلاب والطالبات صعبة يضرب مسافة توصل لـ1000كيلو عشان يدرس والا يترك مدينتو عشان مافي الا جامعة الملك في جدة
وحتى لو فيه جامعات في مدن بعض الطلاب والطالبات من بره جده نلاقي التخصصات محدودة ماهي متوفره كلها ليش طيب !!

واقتراحك اختي الفاضلة جداً مهم لأنو القبول في الجامعة صار أصعب وأعداد المتخرجين من الثانوية كبير مافي استيعاب بس أتوقع لو انحلت النقطة السابقة بيكون فيه أماكن لطلاب وطالبات جده أكتر وأكيد برضو بنحتاج جامعة تانية في جدة والله وحده ماتكفي !!!

ويجزاكي ربي كل خير على طرحك الراقي