هل من مجيب لسؤالي !!

[وزاره الداخليه]

يعني الاحياء الدقيقه هذه ماده في قسم الكيمياء الحيوي ولا ايه وجسم الانسان كمان تشرحونه
معليش تعبتك معي

[دافئ الإحساس]

لا عاتي والله

مره خدي راحتك

شوفي كلية العلوم

اقسامها::

ماث-فيزيا-احصاء-احياء(نبات-حيوان-دقيقة)

وتقدري تختاري وتحددي ازا دخلتي احياء ايت من دولا اللي من بين الاقواس.

كيميا عامة

كيميا حيوية

......

بالنسبة للكيميا الحيوية ما ندرس فيزيا

ولا ماث ولا احصاء

قصدي ما ناخد ولا اي ماده منهم.

وناخد بس من الكيميا العامة والاحياء مواد جدا قليلة فقط
.......

الاقسام (الماث والفيزيا والكيميا العامة والاحصاء)

بياخدو من بعض مواد يعني مواد القسم+ مواد قليلة من القسم التاني ((طبعا ما ياخدو من الكيميا الحيوية والاحياء))

...........

الاحياء الدقيقة فيها حشرات وفطريات وميكروبات وبكتريا

والاشياء الصغيرة دي كلها يدرسوها

.....

بالنسبه للكيميا الحيوية

نحنا ما نشرح جسم الانسان بالمره

بس ندرسو بالتفصيل

وزي ما قلتلك ما ناخد من ديكا المواد اللي من الاقسام التانية

لكن بس ناخد كم ماده يعني قليلة جداااا ابو 2 او 3 مواد

من قسم الاحياء والكيميا بس

...........

الاحياء الدقيقة هوا قسم

بس في مادة عندنا اسمها احياء دقيقة وهادي بناخدها طبعا مو من قسمنا
........

بالتوفيق يارب

إن شاء الله الشرح وافي وكافي