اختبار الأحياء النهائي من بنك الأسئلة ! + نصيحتي سووا زيي

[Bordoga]

السلام عليكم

أكيد كلكم جبتوا العيد في اختبار الأحياء

مع إن الأسئلة اللي جات ماخرجت كانت من بنك الأسئلة

يعني تذاكروها تجيبوا ثلاثين





مين المجنون اللي يحفظ 700 سؤال ؟




سؤال ردده جميع طلاب وطالبات السنة التحضيرية


وأنا طبعا منهم


طب أقلكم حاجة



تدرون إني حفظت بنك الأسئلة كلو؟ الــ 700 سؤال؟


منتو مصدقين؟


احسبوها معايا من أول ما نزلوا الأسئلة .. تحديدا يوم السبت في بداية الاسبوع اللذي سبق الاختبار

كم يوم كان باقي على اختبار الأحياء من يوم ما نزلت الأسئلة؟

13 يوم !

وهيا كم شابتر؟

11

..

بينما بعض الطلبة ضيعوا وقتهم في الاحتجاج ( جزاهم الله خير والله ما قصرتوا ) و كتابة مواضيع و ردود احباطية

كنت احفظ الأسئلة أول بأول

كل أسئلة شابتر تاخذ معايا يوم ألين ما خلصتها

صح إني تعبت وواجهتني مشاكل وضيقت صدر و عدم القدرة على التنفس من جراء الحفظ أبو بدون فهم

لكن إيش تسوي؟

الدافع الوحيد اللي خلاني أحفظها

إنو مستقبلي كلو مرهون في حفظ هذه الأسئلة

يعني الحمدلله من فضل ربي يقولوا فيه زيادة للاختبار الأول

وحسب كلام المدرس درجة اللاختبار الأول + الثاني على 2

وأنا جايب في الأول 24 و الثاني 30 بإذن الله .. ولو سارت الزيادة بتسير 27

والحين سمعت خبر ثاني قالو ممكن ياخذو أفضل درجة .. بالتالي كلا الاختبارين 30

يعني الحمدلله ربي فرجها عليا

عشان كذا اليوم سألت دكتور الأحياء واحد مصري ما أعرف اسمو

قالي ان شاء الله يكون فيه بنك أسئلة للاختبار النهائي ( على حسب كلامه )

حبيت أنصحكم .. حرام ناس عندها آمال وطموحات تنهدر عالفاضي

فانتهزوا الفرصة وسووا زي !

[ROoOFaNA]

كويس انك سويت كده
بالتوفيق للجميع

[عـ.~.ـريكـ‘هـ]

برودقا ياخي المشكلة إنهم يجيبو الأسئلة إلي تلخبط وثاني حاجه الهندسة ماتبغى الأحياء يعني ماتبغى إنك تجيب a في الأحياء


يعني النجاح فيها يكفي لأنو بصراحه حرام أنا بدخل هندسة أدخل المادة الغبية هذي

[Bordoga]

المشاركة الأصلية كتبت بواسطة عـ.~.ـريكـ‘هـ برودقا ياخي المشكلة إنهم يجيبو الأسئلة إلي تلخبط وثاني حاجه الهندسة ماتبغى الأحياء يعني ماتبغى إنك تجيب a في الأحياء يعني النجاح فيها يكفي لأنو بصراحه حرام أنا بدخل هندسة أدخل المادة الغبية هذي

أهــا.. بس لازم تتأكد إنهم من جد ما يبغوا أحياء ولا بعدين يسووا نذالة و تتورط

طيب هذا انت و تبغى هندسة.. الباقين بيخشوا طب يعني لازم تشدوا حيلكم و تحفظوا الأسئلة

النور السعودي & عريكة

أسعدني مروركم

[عـ.~.ـريكـ‘هـ]

أيوا المفروض الي يبغى طب مايشتكي ويستحي على وجهه هههه


عشان من جد الطب كلو كذ1 لاكن انا أكره الحفظ كره مو طبيعي آخر شي ألاقي هذ1 كله في وجهي


وطلاب الطب حيشوفو أيام سودا فلازم يتعودو ع الكرف في الحفظ

[دلجور]

اصلن مافي غير هذه الطريقة بس مانقول الا الله يعين.............

[حايسه]

من جد فلللللللللله لو نذاكر من بنك اسئله ع الاقل نتعب بس نلقى في النهايه نتيجه لتعبنا

[عبدالله الحمد]

هي طريقة عربية غبيه .. خالصة ..
و الصراحة ما في مفر منها .. لأننا أصلا عرب ..
وعلى العرب السلااااااااااااام ..!!!

[أحلى أروما]

الله يوفقك يارب


وإن شاء الله زي ماقلت يكون في بنك أسئلة للنهائي ورح نسوي زيك إن شاء الله


ربي يحفظك

[Bordoga]

المشاركة الأصلية كتبت بواسطة عبدالله الحمد هي طريقة عربية غبيه .. خالصة .. و الصراحة ما في مفر منها .. لأننا أصلا عرب .. وعلى العرب السلااااااااااااام ..!!!

صدقت

وهما ما يبغالهم إلا كذا

حفظ في حفظ

ألين الحين ما أدري كم شابتر بيخش في الاختبار النهائي .. عشان أذاكرها أول بأول

الله يستر منهم شكلهم بيعطونا كل شباتر الكتاب الباقية في آخر أسبوع

هما يبغون الواحد يحفظ بدون ما يفهم

لكن ان شاء الله أحفظ الحين و قبل ما أخش كلية الطب أفهم <<< تعرفها

شكرا لمروركم