~~ شــــــتــــــات ~~ ♥ مُصرهـ علـى قــراري ♥..

[مصره على قراري]

كنت مريضه وبأصعب مرض
ممكن احد يتخيله
نص عمري وانا بالجبس وعمليات
وغرف مستشفى
والحمد الله رب العالمين تعافيت
تماااااااااااااااما
بس كل بين فتره والثانيه
او بالاخص لما احس(لو انغريت بنفسي وصحتي)شوي
لازم اكسر نفسي
واكسرها بطرق كثير
منها اني ارجع اجرب الكرسي المتحرك يوم كااامل<وممكن اداوم فيه
واحيانا قطع الجبس الي محتفظه فيها لذكرى
اركبها على رجلي واثبتها
واجرب يومي ورجلي مجبسه
بس الحين
عندي نوع حديد من كسر الغرور
~يوم كفيفه~
وحده من اقارب الوالد كفيفه
وتقريبا في عمري
اروح لها واجرب يومي وانا كفيفه
اربط شي على عيوني
وابداء امارس حياتها
استخدم كمبيوترها الصوتي
اتحرك في غرفتها زي ماهي تتحرك
احاول امارس حياتها
معها
وطبعا من غير ما تدري
عشان يمكن تفهمني غلط
بس من اول ما اخرج من عندها
احس براحه غريبه
يمكن ~احساس بالرضى~
لاني الحمد الله بصحه وعافيه
واستشعر معنى الصحه فعلا
لان الصحه بالنسبه لي كانت (خيال-معجزه)
لكن مافي شي يصعب على رب العباده
ا~للهم لك الحمد حتى ترضى ولك الحمد اذا رضيت ولك الحمد بعد الرضى~
هذي التجارب تعلمني كثير
رغم ان كل الي حولي يستغربون مني
واحيانا يتريقون علي
مره داومت في(عرب نيوز)
بالكرسي المتحرك
الكل استغرب ولما شرحتلهم السبب
جاني رد من(سلطان التميمي)<<صحفي معانا
كان زي الصاعقه
وظليت افكر فيه كثيرررررررررررر
رده كان(انتي مو وجه نعمه الله يعطيك الصحه وتتظاهرين بالمرض من جد حالتك صعبه انصحك بطبيب نفسي)<<قالها بأسلوب مزح
وطبعا معروف عني الردود السريعه
قلتله(النعمه الحقيقيه اني اعرف معنا الي فقدته واشكر ربي عليه بستمرار وبما ان النفس البشري ياخذها الغرور احيانا فتحتاج لتهذيب)
بصراحه قلت هالكلام من دون تفكير
ولما جلست لوحدي صرت افكر بكلامه
بس اكتشفت انوا ردي عليه كان انسب شي
ممكن اقوله
ومازلت على نفس الاسلوب
وكررت التجربه بعد كلامه كذا مره
شكرا سلطان رسخت الفكره في عقلي اكثر
جد شكرا~~