انا طالب مستجد كلية علوم الارض ارجو المساعدة

[منتظم جامعي]

المشاركة الأصلية كتبت بواسطة a.r.s منتظم جامعي انت مايمديك تنزل صيفي لأنك توك مخلص سنة تحضيرية هذا نظام الجامعة

طيب اخوي ارجو الافادة متى اسجل صيفي يعني باقي ما بدا التسجيل الصيفي؟ اهم شي انه ما فاتني ...اخوي انا اسف اذا ازعجتك بس والله وانا اخوك اني متخوف و اتمنى ان ما فاتني التسجيل ...اعذرني على الاسفسارات الكثيرة

[عاشق الاحزان]

انا مغلق السنة التحضيرية من العام الي فات
وغلقت سنة الان في الكلية

[سلطان المالكي]

إذا كنت توك مخلص التحضيري ماراح تقدر تأخذ صيفي
سواء أنت أو جميع اللي توهم تخصصو راح تكون بدايتهم مع السنة القادمة

الشيء الثاني فيه دكاترة ما ينزلون موادهم بالصيفي

مثلا: ماده علم الأحافير يوجد لدينا بالكلية دكتور واحد يعطي هذه المادة بس غير متواجد بالكلية بالصيفي

يعني ماراح تقدر تنزل مادته لانه مافي أحد راح يدرسك غيره

مادة الجيولوجيا الطبيعية ومادة الترسبات والطبقات ماراح تنزل لكم بالصيفي لأنه يوجد رحلتين هاتين المادتين والصيفي

يعني إستحالة تنزل لكم بالصيفي

وكمان فيه مقدمة علم المعادن مافي دكتور يعطيها بالصيفي

[منتظم جامعي]

طيب اخوي انا كان ودي ارفع معدلي عشان كذا كنت ناوي اسجل صيفي ... يعني طيب المواد اللي انزلها يعني بس المواد العامة اللي هي ثقافة اسلامية و لغة عربية و منهج البحث العلمي؟

[سلطان المالكي]

إذا كان توك بيتبدأ في الكلية ماراح يرفع معدلك الصيفي

الفرصة الكبرى لرفع المعدلك تكون الفصل الأول أو الثاني

وأنا انصحك تنتظر إلى بداية السنة ويصير خير

وبإمكانك تراجع الكلية وتستفسر أكثر

[منتظم جامعي]

بس اخوي انا الحين سجلت الصيفي لغة عربية و ثقافة و منهج البحث يعني ما فهمت عليك يعني انا الحين ما استفدت شي ؟ ما اقدر ارفع معدلي ؟ يعني الفصل الصيفي ما ينفعني اكثر ؟

[سلطان المالكي]

انا الترم الماضي كان أول ترم لي بالكلية

ونزلت 14 ساعة ( جيولوجيا طبيعية _ مقدمة علم معادن _ مقدمة علم أحافير _ ثقافة إسلامية _ لغة عربية _معمل كيمياء)

صراحة كان فيه أهمال شوي مع ذلك كان المعدل الفصلي 4.41

وارتفع المعدل اتراكمي بشكل كبير ما كنت أتوقعه

الحين بالصيفي نزلت مادتين كل مادة ساعتين

إذا رحت للأودس وسويت حساب تجريبي للمعدل

وافترضت كل مادة أجيب فيها ممتاز

يطلع لي زيادة قليلة جداً في المعدل

بمقدار 2, تقريبا ما تسوي شيء

انت شوف سوي حساب تجريبي لمعدلك وكم مقدار الزيادة في المعدل

وبعدين قرر

[منتظم جامعي]

اخوي سلطان يعطيك العافية على اجابتك لي و انا الحمد لله قررت و سجلت صيفي و نزلت ثقافة اسلامية و مقدمة احافير و منهج بحث علمي

[HaMaD]

ياحبيبي تدرس في الكلية ترم ,, ولما تخلص 40 ساعه تختار التخصص اللي تباه :)