يڪفي أڪۈن في حياتي ، { ذڪرى ..~سعيدﮪ ..للبشر !

[(Violet flower)]

ما هوب أنا اللي انسحب من اول الجوله
والله لا اقاوم لآخر قطرة بدمي

أما اني أفوز او أموت مقتوله
والله اني ما اداري ضعفي بكمي

راسي عزيز و شموخي محد يطوله
ما ينحني راسي لخالي ولا لعمي

من دون دمعي سيوف الرمش مسلوله
والله ما قد ذرفته حتى عند أمي

أنا التناقض بطبعي بس باصوله
مرات بلسم ومرات أسقي السمي

روحي ما هي روح روحي كنها دوله
ما يهزها ريح او تتاثر بذمي

ما احد يثنيني ولا يقنعني بسهوله
عن العواذل آذاني كلها صمي

والآراء اللي توجه لي مشلوله
ترجع لأهلها قبل ما تتجه يمي

ما احب اشكي ولا كل شي أنا اقوله
لغير ربي أبد ما اشتكي همي

وان قلت كلمه عليها صرت مسؤله
أوزن كلامي قبل ما ينطقه فمي

عدم استسلامي بحد ذاته بطوله
نختني العزه وجاوبتها سمي