الصبر جميل ...

[Dr.Passed]

طبعا....الشي لمن يزيد عن حدو كمان مشكله..التوسط في كل شي..

بس انا اشوف احنا كمان كدكاتره في المستقبل لازم نغير كتير في نفسنا...يعني ماشاء الله من غير مدح...مامتي دايما يجوها مرضى ما اعرف كيف..تكون في امان الله يجي واحد يسبسب ويصرخ وسوا مسرحيه وما اعرف ايه لأسباب حتى هيا مسكينه مالها شغل بس سبحان الله ما اعرف ماشاء الله كيف تتحملهم...ماشاء الله و لا ترود تقعد محلها الين مايخلص ويالله الي بعدو تعال...ولا كإنو شي سار..اقلها يا ماما لا تسكتيلو ارفعي عليه قضيه ( شريره مو ) تقولي لأ حرام ولدو تعبان وفي العنايه المركزه هوا مو منو من الضغط النفسي الي هوا في و المشاكل الي بيمرو فيها..

فيعني مره اعجبت بكلامها و حكمتها...ماشاء الله...خالي نفس الشي ها دوبو خريج ماشاء الله ...احسو بنى في نفسو وغرز العاده دي في شخصيته كويس..


الحلم و الصبر و اعطاء الناس اسباب لكل شي يسوو حتى لو مصايب قدي ايه كبرها ترى امر عظيم و فيلو اجر كبير