طريقة معرفة الشعب المتاحة والغير متاحة لمادة البحث والتدريب ( bus 495 ) شرح بالصور

[أبو فاتن]

بسم الله الرحمن الرحيم


الحمدلله رب العالمين والصلاة والسلام على سيدنا محمد وعلى آله وصحبه أجمعين
اللهم لك الحمد ولك الشكر حمداً كثير طيباً مباركاً فيه حمداً يليق بجلال وجهك وعظيم سلطانك
لا إله إلى أنت سبحانك إني كنت من الظالمين


أخواني حبيت أطرح في هالموضوع طريقة اختيار الشعب لمادة البحث والتدريب ( BUS 495 ) اللي كثير من الطلاب حاب يعرفها ويمكن البعض راح يشوف الموضوع تافه لكن يوم كنا في بداياتنا كنا كلنا نعاني من هالمشكلة وما كنا نعرف شلون الطريقة عشان كذا حبيت أطرح هالموضوع للي حاب يستفيد في مستقبل الأيام وكل اللي أبيه وأطمع فيه دعوة صادقة بالتوفيق ومغفرة من رب العالمين




في البداية وأول خطوة نروح للأوديس ونختار قائمة الشعب الدراسية





بعدين نضع رمز المادة اللي نبيها كلاً حسب كليته أو مساره






بعد كذا نختار السنة الدراسية






ومن ثم نختار الفصل الدراسي المطلوب ثم نضغط استعلام





بعد كذا راح تفتح معانا جميع الشعب لمواد الرمز اللي أخترناه اللي هو ( BUS ) على سبيل المثال
نذهب لآخر الصفحة وراح نلقى المادة اللي نبيها اللي هي البحث والتدريب صاحبة الرقم 495
نشوف الدكتور اللي نبي ننزل المادة عنده ونشوف عدد الطلاب الفعلي هل هو مسموح لنا الإضافة أو لا لأن كل دكتور له عدد معين من الطلاب إذا أستوفى العدد تقفلت شعبته فإذا شفنا لون الشعبة أحمر مثل ما هو بالصورة فهذا يعني إن الشعبة قفلت على العدد المطلوب من الطلاب أما إذا كان باقي لونها أزرق فهذا يعني إنه باقي فيه إمكانية إضافة المادة لدى الدكتور

ملاحظة : بعض الأحيان تفتح الشعب فجأة فعليك المتابعة أخي الطالب أختي الطالبة <<< حلوة هالجملة حسيت إني وزير التعليم العالي

إذا كان باقي لونها أزرق مثل ماقلنا وحبينا نسجل عند دكتور معين نشوف ونحفظ رمز الشعبة اللي العين عليها وتكون أمام أسم الدكتور






بعد كذا نروح للحذف والإضافة ونضغط عليها






راح تفتح معانا نافذة بهالشكل ونختار المادة المطلوبة من القائمة ومن ثم نضغط على تنفيذ






بعد كذا تفتح معانا هالنافذة ونروح ( لقائمة الشعب للمادة المختارة ) على اليمين ونضغط عليها وتفتح معانا الشعب برموز
نختار الرمز اللي حطينا العين عليه اللي قلنا عنه بالخطوة السابقة ونضغط ( تنفيذ ) كما هو واضح بالصورة









وبكذا نكون أتممنا الإضافة بأمن وسلام ونقولكم :


سلامتك سلامتك ,, نود لك سلامتك <<< أكيد الشيبان يذكرونها







تمنياتي لكم بالتوفيق والنجاح

[العلم نور والجهل ضلام]

الله يعطيك العافيه على الشرح الاكثر من رائع

[ابويحيى]

تسلم
الله يعطيك العافيه

[عآآآدل]

شكلك مستعجل على مونديآآل قطر
مكبرنآآ تسع سنوآآت وحآآط آآلتآآريخ 2020

يسلموووو آآبو فآآآتن على آآلشرح

[ابو رهف وراما]

مشكور وماقصرت يابو فاتن
دايم سباق
بس الحين انا ابي انزل bus 492 لكن الدنيا عندي حمره انتظر يمكن تفتح خضرا اقصد زرقا ولا اصرف نظر وانزل مادة ثانية

وعلى طاري سلامتك ذكرتني بالكابرس الابيض هو اصلا مصدوم وملعون سابع خيره من البروفات والمخرج مستخسر يرشه على باله انها شهر ويتنسي البرنامج لكن وين غصب واحد جلد ماعندهم شي يقدم كل يوم يعرضونه 5 مرات تقول دوا

[صدر الحنون]

[KHALED555]

يعطيك العافيه

[RAUL 7]

يا سلام عليك يابوفاتن من جد موضوع ممتاز وبصراحه ارشحه للمواضيع المثبته ...



دمتـَ لنا

[ضلع طويق]

بيض الله وجهك ياابو فاتن كفيت ووفيت وشرح وافي

[bandarman]

الله يعطيك العافيه ، بس ماتجي 2020 واسماء الدكاتره موجودة نحن الترم بدأ وما طلعت الاسماء :)