حوسة الجدول .. ما نزلتلي مواد

[foOly]

السلام عليكم و رحمة الله و بركاته


حايسة في الجدول =(
يوم السبت في الليل أتخصصت .. استنيت 24 ساعة زي ما هو مكتوب بس ما نزلتلي مواد التخصص في الحذف و الإضافة
المواد الموجودة حقت قسم الكيميا اللي كنت فيه .. مني عارفه اش اسوي ؟!

و تاني حاجة مني فاهمة نظام السنترا دا .. و كيف اعرف انا سنترا و لا عادي ><

و تالت حاجة .. بطاقة الصراف حأحتاجها ولا كيف ؟ لأنو مافي مكافآت !!
و غير كدا باقيلي فيها 30 ريال كيف حأسحبها .. اش اسوي ؟!

أتمنى تفيدوني , و شكرا ..

[gardenia]

حبيبتي نظام السينترآ يتطلب إنك تنزلي برنامجين علشان يفتح { الجافا / ومشغل السينترا } ..

وهـــــــذآ الــــــــرابط رح تفهمــــي منه كل شي ^^

http://elearning.kau.edu.sa/Pages-%D...%8A%D9%84.aspx

وكيف تعرفي إذا إنتي سينترا أولا ...

موآد السينترآ يكـــــون مكتوب جنبها بالجـــــدول TBA ..

موفقه =)

[foOly]

^
طب لما ادخل على التسجيل في السنترا يقول غير مسموح لك , لييه .!! =(


و شكرا لكِ يا حلوة ^^

[gardenia]

المشاركة الأصلية كتبت بواسطة fooly ^ طب لما ادخل على التسجيل في السنترا يقول غير مسموح لك , لييه .!! =( و شكرا لكِ يا حلوة ^^

حبيبي أنا كمان زيــــــــك !!

يقولولي لازم نروح الجامعه عشان نفعل النظام من عمادة التعليم عن بعد ..!!

وأنا إنشآلله بكره رآيحـــــه أسوي دآ الشــــي ..

[foOly]

و فين مكانها عمادة التعليم عن بعد ؟؟ و اش اقلهم لما اروح ؟!


موفقة ياارب ^^

[gardenia]

المشاركة الأصلية كتبت بواسطة fooly و فين مكانها عمادة التعليم عن بعد ؟؟ و اش اقلهم لما اروح ؟! موفقة ياارب ^^

حبيبتي آسفه والله ع التأخير بس كنت أذاكر لأني عندي إختبار بديل

أنا اللي عرفته من البنت اللي راحت إنه موقعهم في كلية العلـــوم وهذآ الشي الأكيد

لأنهــــــا راحت وفعلت النظام من هنـــــــآك ..!!

ولمــــآ تروحي أسئليهم من فين أفعل نظـــآم السينتـــــرآ ورح تلاقــي اللي يفيدوكي بإذن الله =)

عاد بكره إن شاء الله رح أروح وأشوف وربـــــي يسهلها لنـــــآ جميعــــاً ويوفقنــآ يـــــآرب

[foOly]

^

موفقة ياااارب في اختبارك ^^





أتمنى أحد يفيدني عن استفساراتي الباقيه