هذا ماحدث لي في الجامعه أمس

[يآرب مآخآب من ترجآك]

المشاركة الأصلية كتبت بواسطة nd0o0oy1987 ابغى افهم المواد الحره والاختياريه شي ملزم اننا ناخدو في مواد فيها صعبه وانا مو حاباها يعني خلاص انا مجبره اخدها لانها ضمن الخطه لاني حسبتها عندي 10مواد حره واختياريه وانا لسه ما اخدت شي منهم ابغى اخلص المواد حسب الخطه بعدين افكر فيهم لوانتو عارفين لو مامشيتي على الخطه تسير موادك سينترا وده الشي اكرهو اكتر شي بلييييييييييييييز فهموني الله يسعدكم

مرحبا عزيزتي
بفيدك حسب علمي :)

المواد الحره والاختياريه اجباريه
الاختياريه انو الجامعه تنزل لك كم ماده كل ترم ونختار منها
اما الحره لا تختاري من اي قسم ثاني انا مثلا اقدر اخذ من اداره اعمال

بالنسبه للسنترا ماله علاقه ابد بالخطه هي كل ترم في مواد سنترا يعني ممكن هالترم سنترا الجاي لا

يعني حسب معلوماتي المتواضعه

موفقه يآربي ,,

[يآرب مآخآب من ترجآك]

المشاركة الأصلية كتبت بواسطة طالبه إداري وإنساني كيف يعني لازم تدرسي 6 ساعات يعني انت رسبتي في مادتين ومادرستيها للأن نسيتيها ولا أيش لأني أنا رسبت في ماده وحده وجالسه أدرسها هذا الترم وناويه أخر ترم أخذ 20 ساعه وبإذن الله أتخرج ها اللي يعرف يجاوبني أقدر اتخرج السنه الجايه ولا لا

20 ساعه
توقعي المعدل يطيح بقوه على فكره !
بالنسبه لانك رسبتي بماده خلاص تاخذي ,
انتِ بس تأكدي من انو المواد الحره والاختياريه اخذتيها ومضبوط
يعني انا فهمت بالمنتدى انو الحره تعادل الاختياريه بينمآ الواقع يختلف الحره غير الاختياريه لايصير لبس
يمكن هذا اللي ضيعني والحمدلله رب العآلمين

[يآرب مآخآب من ترجآك]

المشاركة الأصلية كتبت بواسطة زمرده * انا رحت اراجع الجامعه من مكتب لمكتب ماعندهم شي سريع الا الحذف والاضافه وتغيير التخصص وبس سميره المطيري مرشدة خدمات صحيه كل قسم وله مرشده كم عدد ساعتك المكتسبه ياعسل الله يسرلك التخرج امييييين

صادقه
انا المكتسبه لهالترم لو كنت اخذته حسب ماانا مقرره كان مفروض يكون 128 ويبقى لي ساعه
لكن لمارحت انصدمت انو الحسبه تغيرتت !
اتمنى نتعلم من اخطاء غيرنا كثير حصل لهم نفس المشكله . ياريت ماتتكررر

[angham]

حبيبتي الحين انتي مشكلتك انو اخذتي مواد اختياريه وما اخذتي مواد حره لازم تاخذين مادتين حرهه وانا ارشحلك مشروعات عامه مع بدريه الجهني وحكومه الكترونيه مع عواطف امين

بس لاتشيلين هم لانو كل ما زدتي في الساعات كل ما ارتفع معدلك لو جبتي في التسعينات

[الصارم ابوعمر]

شكرا جزيلا

[سمنيًے روحگ]

بنات احد يشرح لي الساعات المكتسبه والمسجله!!

انا عندي الساعات المكتسبه 96
والمسجله98
وكان عندي ماده واختبرتها وخلاص
واخذت المواد الاختياريه من الاداره العامه والحره من اداره الاعمال كلها

بيزيد عليا ماده من ساعتين والا كيف!!

[يآرب مآخآب من ترجآك]

المشاركة الأصلية كتبت بواسطة angham حبيبتي الحين انتي مشكلتك انو اخذتي مواد اختياريه وما اخذتي مواد حره لازم تاخذين مادتين حرهه وانا ارشحلك مشروعات عامه مع بدريه الجهني وحكومه الكترونيه مع عواطف امين بس لاتشيلين هم لانو كل ما زدتي في الساعات كل ما ارتفع معدلك لو جبتي في التسعينات

المشروعات العامه هي ماده اختياريه بالنسبه لي اخذتها
حكومه الكترونيه مو نازله هالترم للاسف

جزاك ربي الجنه

[الساهرة]

ابغى افهم دحين ساعات تخرج كم؟؟؟؟ 128 او 129
انا اعرف وحدة تخرجت ترم اللي راح ساعات تخرج128
كيف صارت 129 يعني انتي سألتها؟
بالنسبة ليا ريحت راسي اخذت مواد حرة من ادرة اعمال والاختيارية من ادارة العامة عشان مايصير لخبطة

[يآرب مآخآب من ترجآك]

^
على حسب الدفعه يآ عيوني :)

[ro7i Leek]

مالذي يحدث هناا!!! معقووول فجأه يطلع في نقص بعدد الساعات !!!

طيب كيف اعرف ؟؟ والله انلحس مخي مو عارفه كيف احسب عدد ساعاتي المكتسبه بطريقة صحيحه .. لانو شكلهم حسبتهم غير عن الي بالاوديوس