فتشت جوال زوجي ولقيت .. لكل متزوجه..

[تناهيد الحزن...]

كل مساء وصباح وانتي بااحسن حال








...


اااهـ فتشت جوال زوجي وياليتني مافتشت
انصدمت ان جوال زوجي
يكن بداخله صور اشكال والوان x-x
مقاطع لااريد اتحدث بها
رسائل تقطر عسل وتدونها عبارات الغزل والحب
ردودها ع زوجي توحي بانها بنت
زوجي جواله مليان مقاطع بنات وصور مخالفه...
صفحة النت مفتوحه ع شات ع محادثه مع بنت
وش الحل ارشدوني؟؟؟


هذا حال بعض المتزوجات
السعي والتفتيش وراء زوجها وخصوصا بالجوال والنت؟؟


قبل لااتعمق بالموضوع وابدا فيه بقولك قصص واقعيه من واقعي تعايشت مع صاحبات القصص غير منقوله

صديقتي بالجامعه..
دائم تشك بزوجها وتحلف لي انها صايده عليه اشياء تثبت انه يخونها ومن هالاشياء تقول فتشت جواله ولقيت رسائل من بنت اعرف اسلوب البنات
ولقيت رقمها بسجل المكالمات ان بينهم مكالمات
المهم من كثر ماتحن علي طلبت منها الرقم قلت بنتاكد اذا بنت او لا
طبعا كنا بالجامعه انا ماقدر اتصل من رقمي ولاهي تقدر هي كانت حافظه الرقم
المهم رحت لاحد الدكتورات الي عندنا بالجامعه وقلت لها ابي جوالك بتصل ع اخوي ناسيه غرض للجامعه ابي يوصله لي
وعطتني الجوال واتصلت انا وياها ودقينا اكثر من مره وماردت صديقتي جن جنونها قالت شفتي ينت لو انها ولد كان ردت ع طول
المهم رجعنا الجوال وبعد شويات الا الدكتوره الي اخذنا جوالها الا تناديني قالت اخوك اتصل علي ازعجني
يقول دقيتو علي من شوي ماذكر احد اخذ جوالي غيرك قلت اختك تبي اغراضها في الجامعه
قال اختي من قلت سحر ماعندي اخت اسمها سحر ولاعندي خوات بالجامعه وسكر بوجهي
انا مت فشله قلت اخوي يستهبل وقعدت ابرر الموقف انا وصديقاتي بضحك
المهم قلت بنزل عند العميده وبااخذ جوالها لان صديقتي موسوسه الا بتعرف من الي ترسل لزوجها
واذا جلسنا مالها سالفه الا جوال زوجها والرسائل
اخذت جوال العميده واتصلت انا وياها واول مادق رد ولد بس تحسين من نبراته مو كبير سنه
قلت له بعد الو ممكن اكلم صاحب الجوال
قال انا صاحب الجوال
قلت متاكد
قال ايه حتى رده مستغرب مني هالسوال
سكرته ع طول
وسحبت صديقتي باذنها لاقرب مكان قلت سمعتي طلع الرقم الي يرسل ع زوجك ولد قالت لا انا متاكده رسايلها رسائل بنت
قلت طيب عشان يطيح الي براسك وترتاحين اتصلي عليه من رقم زوجك واسمعي صوته
قالت والله شكلي بسويها؟؟
المهم اتصلت علي وقالت زوجي عنده اخوياه بالمجلس وجواله بالشاحن توقعين الوقت مناسب اتصل اخاف يطب علي
قلت قوي قلبك واتصلي وبعدها امسحي سجل المكالمات او رقمه من السجل
تقول اتصلت وربي وانا ادق الرقم يدي ترجف واخذ ع الرقم ساعه وانا ادقه جاني برود تقول رقمه مو مخزن
واتصلت و ع اول ماتصلت قلت الو الا يقول الو ياهلا صوت ولد تقول تجمدت مدري وش صابني ماطلع معي الا كلمة الو وسكرته ع طول
ومسحة رقمه وقعد يتصل ع زوجي وحطيت جواله ع الصامت
واتصلت علي تبكي وربي يابنات اخذت تقريبا نص ساعه ماسمع الاصوتها تبكي عجزت تكلم وبعد كم ساعه اتصلت علي وتقولي السالفه كلها
قلت شفتي انا قايله له انه ولد
قالت طيب ولد يرسل له كذا
قلت يمكن يستهبل او ان زوجك شاذ
حتى الولد صوته صغير يوم سمعنا صوته

المهم تقول ارتحت وتوبه ان فتشت وراء جوال زوجي عشت شهور وانا اتجرع الشك والهم
...

ومعاد اهتم بزوجي وزوجي يسئلني فيك شي احسك متغيره والحين

عرفت اني ضلمته اهم شي ماطلعت بنت

الي بقوله لك يالغاليه بعض الظن اثم يمكن يطلع احد من اصحابه يستهبل عليه او بعض من قريباته تستهبل عليه او بعض الشباب والعياذ بالله شاذ يحب يخاطب الشباب
...










والقصه الثانيه لاختي الكبيره

اختي الكبيره كنت مضرب مثل برجاحة عقلها وكانت كبيره بكل شي بافعالها وكلامها
اختي تقول مااحب افتش وراه لانه مو مقصر معي بشي ولاشفت منه الا كل خير
تقول مره بنتي الصغيره تلعب بجوال ابوها وتضغط بالارقام قال ابوها اخذي الجوال منها لاتخربه تقول اخذته
الا هي فاتحه ع صورة بنت وماهي اي بنت تحسينها مصوره وصورتها بالوسائط تقول اطالع بالصوره اكثر من مره افتح الرساله واسكرها ابي اتاكد
وبيني وبينكم شكل زوج اختي تقولين مايعرف شي بالدنيا وماهو راعي سوالف ولابنات من شكله تقولين مايعرف بنت الا اختي
تقول قلت في نفسي اواجهه ولا اسكت وانا من داخل انفجرت في براكيين وزلازل
ومدري وش صابني المهم تقول سكت وانا بداخلي بموت
وتتصل علي قالت اليوم بنروح لامي وابوي زياره تجين هناك
المهم رحت وسوالف الا تقول لي عن الصوره
وتقول فتحت جوال زوجي قبل لاجي واخذت الصوره عشان تاكدين انه مو صورة فنانه او ممثله هذي صورة بنت مصوره نفسها
المهم انا واختي 2 شفنا الصوره بغى يغمى علينا من هول الصدمه...
المهم حاولت انا واختي نهديها ونبعد الشك عنها ونسايسها
طبعا صاحبة الصوره الي شفناها طليقته وطلقها قديم تقريبا من 6 او 7 سنوات
ومدري وش ذكرها فيه ماعندها من اولاد ولاشي
واختي ماعمرها شافتهاتتمنى تشوفها
بعد كم يوم اتصلت اختي علي قالت عرفت صاحبة الصوره قلت من
قالت فلانه طليقته
قلت من قالك قالت هو اعترف لي انا واجهته وزعلت قال فلانه ازعجتني ترسل لي وترسل صورتها علي وابي اغير رقمي عنها
وعشان ترتاحين طلعي الشريحه واكسريها لاني شاري شريحه جديده وكنت ناوي اقولك وقعد يفهم اختي الوضع تقول تطمنت ونمت زين واكلت ولا قبل حالتي يرثى لها والله اني عارفه ابو فلان ماعنده هالسوالف بس الشك شين







....





من هالقصتين اقولك يالغاليه احسني الظن بزوجك

وتذكري قولة تعالى ((ان بعض الظن اثم
الي تفتش على زوجها ابي عرف هي مشتهيه النكد والهم ولاناقصها شي لاتقولين من حقي او ابي اتطمن
ماهو من حقك ولامن واجبتك
ولوفعلا هالامور من حقك واجبتك كان اعلن عنها الاسلام
هذي الامور من الشيطان والي تمشي وراى شكها وظنها تلقى مايوذيها
كم من زوجه فتشت جوال زوجها
فتشت صفحات النت
ركضت ورى زوجها بالتفتيش
والنتيجه:ندم وحسره ويمكن تخرب بيتها وتطلق
اذا زوجك طيب معك وشايلك ع كفوف الراحه ماهو مقصر معك بشي ليش تفتشين وراه تدورين تعاستك وهمك
انا اعرف بعضهم ازواجهم طيبين معهم تفتش وتنصدم
وبعضهم ازواجهم مقصرين معهم وتفتش وماتلقى شي
التفتيش من سلوك الشيطان لانه يجر وراه الهم والشك بزوجك دائم احسني الظن بزوجك وابتعدي كل البعد عن التفتيش وراه
سواء جواله او غيره
خليك واثقه منه وابعدي عن افكار الشيطان وحاربيها بثقتك
بزوجك











لاتخربين بيتك بسبب رساله لقيتيها او صوره

خليك اكبر من الرسائل والصور واعتبري ماشفتيه درس لك مو عليك

الزوجه الي تفتش ع زوجها ينقصها شي بزوجها ولو فعلا تحب زوجها وتبي السعاده ماتتبع خطوات الشيطان وتجسس ع زوجها
وتذكري حديث الرسول عليه افضل الصلاة والتسليم((ولاتجسسو))
انتي ترضين زوجك يفتش عليك ويتجسس ويشك فيك وشلون بتكون حياتك وعيشتك اكيد ماترضين ولو فعلها زوجك راح توقفين بوجهه وتذمرين
تهاونتي في ردة فعل زوجك لو عرف انك تفتشين وراه او لقاك تفتشين؟؟
اكيد ماراح يسكت لك وبالعكس يمكن تفتحين له مجال يدور غيرك
وساعتها راح تندمين كل الندم








..






انا مايعور قلبي الا اذا جتك وحده تعرض مشكلتها وتقول لقيت بجوال زوجي كذا وش اسوي

لاتسوين شي اخذي الجوال واعرضيه ع زوجك هو الحل عنده
ولاهنا معروفه حلولنا تاكدي انه بنت دقي عليه ومن هالكلام...
والي صدق شاكه بزوجها من ورا تفتيشها عليه وتاكدت انها بنت سواء اتصلت عليها اوغيره من الاساليب الي اكدت انها بنت






...

تواجه زوجها وتكون قد التفتيش ولا تسكت

وردة فعل الزوج معروفه تفتشين من وراي ومن سمح لك انا حر انتي ينقصك كذا وراح تسمع كلام جارح فوق الجرح الي شافته

واذا سكتت بتموت من غيضها







الزوجه الذكيه اذا شافت خيانات زوجها سواء من التفتيش عليه او غيره تحاول تدور النقص فيها الي جعل زوجها يلجى لهذي

الاشياء وتعوضه











..

اعرف وحده كانت تقولي بالايميل جوال زوجي كله مقاطع شاذه ودائم يقولي طالعي شوفي البنات كيف يسوون تعلمي تقول كنت اتهرب وانصحه

دفعني الفضول وش يسون البنات ابي اجذب زوجي وابعده عن الحرام تقول اخذت جواله وهو نايم وقعدت اتفرج وشفت اشياء يوقف لها شعر الراس وتقول عرفت اشياء انا محرمه زوجي منها
بعد ماخلصت مشاهده صليت ركعتين ودعيت ربي لزوجي ولي وان يعوضه بمشاهدتي ويلقى مانحرم منه عندي
تقول ماخذت اسبوع الا زوجي يقولي فلانه ماودي ابتعد عنك صايره فيك تغيرات انتي وش مسويه بنفسك صايره تغريني باشياء فيك..
قلت له اعجبتك
قال اكيد قلت عندي احلى واحلى اذا تبي تشوفها صدق امسح الي بجوالك وتلقى الزين عندي والشين بجوالك تقول قعد يضحك
قلت اوعدك تشوف مني احلى من الي بجوالك تقول اخذته بالاسلوب
ومسح كل الي بجواله وقلت له
وش الي دفعك تشوف هالاشياء عطني الي ينقصني وانا اوعدك اصلحه لك واخذته باسلوب حلو
وقعد يسرد وش يتمنى اسويه له
وتقول الحمدالله عرفت وش ينقصني واستغليته











مو تفتشين ورا زوجك وتتعبين ولاتعرفين وش ناقصك ومع هذا تقومين الدنيا عليه اذا لقيتي شي عالجي الي ينقصك وشوفي عيوبك

ثم اعرفي ليش زوجك خانك
..
الزوجه الواثقه من زوجها
التفتيش والتجسس ورا زوجها ليس اسلوبها
وتترفع عنه لان عقلها اكبر من كذا
..
الزوجه الغير واثقه من زوجها
هي غير واثقه من نفسها ومن امكانيتها
ويكون التفتيش والتجسس سلوكها بالحياه











وش تستفيد الي تفتش ورا زوجها

غير الهم وخراب بيتها ويمكن الطلاق

حتى لو فتشت ومسكت ع زوجها شي
لاتقول انها شجاعه وانها ذكيه
بالعكس راح تكون حياتهم مبنيه ع الشكوك والظنون
وتصير تشك بزوجها واذا شافت منه تصرف او تقصير قالت رجع
لطبعه الاول
وراح تشكين به دائم







اقطعي الشكوك والظنون واحسني بزوجك خير






بالنسبه للي تحصل بجوال زوجها مقاطع وصور مخالفه

هذا طبع اغلب الرجال
تلقين جواله متروس من هالاشياء
واذا مسحهم قدامك راح يشوفها من وراك
حاولي تكلمين معه باللين مو بالتهجم
ذكريه بعقوبة هالاشياء
حاولي تنصحينه باسلوب حلو
قولي له وش تستفيد من وراه هالاشياء غير غضب ربك
العين تزني وزناها النظر وانت ترضى لك هالشي
الله يرضى عليك وشلون تبي رضى ربي وانت تعصاه بنظرك بهالاشياء
هذي عورات ناس ترضى احد يشوف عورات اهلك وناسك
ومن هالكلام

نصيحتي لك يالغاليه
لاتجعلين التفتيش والتجسس ورا زوجك من اسلوبك
كوني انسانه واثقه من زوجك
واقطعي الشكوك والظنون
فالمراه الشكاكه لاتستحق ان تكون زوجه فهي تهدم بيتها
ولايقودها الشك الا للغيره العمياء وتصرفات الشر
..








..

اتمنى تستفيدوون

دعوااتكم ...

[انت لي]

مرحبا
اختي ان مو متفقه معاك ابدا

انا اعرف انو زوجي يخوني ومتاكده زي ماانا متاكده اني جالسه اكتب ف منتديات الجامعه
كنت اعيش واموت مليون مره
ولما اسالها اش قصرت عليك قال والله ماالاقي زيك انت بنت رجال يكفي انك متحمله
لكن سسامحوني جنس ما يملا عينه حتي التراب
بعده قررت اعيش لنفسي وبس وهو موجود ومو موجود
ودعوه ف الليل بتاخذ حقي منه

[تناهيد الحزن...]

المشاركة الأصلية كتبت بواسطة انت لي مرحبا اختي ان مو متفقه معاك ابدا انا اعرف انو زوجي يخوني ومتاكده زي ماانا متاكده اني جالسه اكتب ف منتديات الجامعه كنت اعيش واموت مليون مره ولما اسالها اش قصرت عليك قال والله ماالاقي زيك انت بنت رجال يكفي انك متحمله لكن سسامحوني جنس ما يملا عينه حتي التراب بعده قررت اعيش لنفسي وبس وهو موجود ومو موجود ودعوه ف الليل بتاخذ حقي منه

الله يعينك ويصبرك حبيبتي ...
بس انا اقوول واقصد اللي تشك مو متاكده ان فيه خيانه ..
انتي متأكده انه يخونك وهو يدري انك تدرين انه يلعب
معليش ع الكلمه اللي بقولها لك ..
بس وين الاحترام لمشاعرك
هذا رجل لايستحق كلمة رجل ...
بل اشباه رجال ...

لكن ماللذي دفع زوجك للخيانه ..
والاعتراف بذلك ..لديكي ..؟؟
بما انك سألتيه ..
وقالك انك بنت رجال وماينقصك شي ..
فهذا مع احترامي الشديد شخص
مريض...
والا .. شخص ضعيف لايستطيع الاعتراف لكي بذلك ..؟؟

عزيزتي ...
اسأل الله ان يهدي زوجك ويبعد عنه بنات الحرام وعيال الحرام ...



وع قولتك
دعوه في الليل بتاخذ حقك منه ...
ربك ماينسى احد ..

الله يعينك ...

[توونآ]

يا مأمنه للرجال يا مأمنه للمايه في الغربال
لاكن بالنهايه الوسطيه هي افضل حل
انك تشدي الحبل ع الاخر ماينفع
وانك ترخي الحبل ع الاخر ابشري بضياعه منك
وحده تقرب لي تزوجت واحد محامي وحياتهم زي الفل
وفي لحظة اخذت الميموري تبع جواله وفتحته في جوالها
وانواااع الفضايح والبلاوي لا وبعد متصور مع بنات وارقام ورسايل
المشكله كلهم اندنوسيات حمد الله بس
ترك الجمال والحلا لاجل شغالات
ولما واجهته قال لها هذا انا وهذا طبعي وما اغيره
يعني بالله وش تسوي ساعتها
الرجااال مالهم اماااان
والي تدور بلاوي زوجها مو باغيه شر بالعكس هذي عاقله وعارفه وين الصح من الغلط

[زح’ـــمة ح’ـــڪي..!]

آسمحيييييييييلي آلقصص آللي بآلموضوع مآدخلت رآسي

<< حآولت بس مآقدرت هههههههههه

وبآلنسبه للجوآل لو قلتي لآي ولد آشوف جوآلكك مآرح يعطييييك

لآنو جوته آلهوآآآآآآآآآآآآيل

لو شكيت فزوجي مثلآ >> آلله لآيقووول طبعن آكيد رح آدور حل بدون مآيعرف لو

تآكدت آنو يخوني والله لآيندم في آللحظة آللي فكر فيهآ بآلخيآنهـ << آحححلى يآقويهـ

لآني من جد لو مسكت على آحد آحبهـ شي آلعلآقة آللي بيننآ تعتبر منتهيهـ ولآ يحآول يكلمني

زي صآحبتي آكتشفت آنهآ تكذب عليآ ومتآآآآآآآآآآآآآآكدهـ وآمس صآيده عليهآ كذبهـ جديدهـ

والله من يوم مآعرفت آنهآ تكذب علي مآعآد كلمتهآآآآآآآآ وبلوك عليهآ بالمسن

ولو دقت على تلفوننآ آصرفهآ وجوآلي غيرت رقممممة آخر مممممرآ كلمتهآ يمكن شهر 7 وبدآيه 8 وعليهآآآآآآآآآآآآ

تستتتآههههههههههههههل لييهـ آلكذب ولحد يقولي سآمحيهآ

آسآمح آلنآس كلهآ آلآ هي <<حآقدهـ عليهآ من قلللللب

سوري خرجت برآ آلموضوع

[الوردة الموفية]

صح الشك يخرب ويدمر الحيآآآآهـ

أسوء شي لما تسير الحياة شك بـ شك .. وكل واحد يحاول يدور شي ع الثاني

بس عن نفسي لو سار كيذا .. الله لا يقولها إنـ شآآء الله ..

اشوف انه المصارحه واللين أحسن حل ..

وإنـ قال هاذي طبيعتي بقوله أجل انقلع و ودني بيت أهلي << خربتها هههههههه

شكرآآ

[solaaa]

المشاركة الأصلية كتبت بواسطة الوردة الموفية صح الشك يخرب ويدمر الحيآآآآهـ أسوء شي لما تسير الحياة شك بـ شك .. وكل واحد يحاول يدور شي ع الثاني بس عن نفسي لو سار كيذا .. الله لا يقولها إنـ شآآء الله .. اشوف انه المصارحه واللين أحسن حل .. وإنـ قال هاذي طبيعتي بقوله أجل انقلع و ودني بيت أهلي << خربتها هههههههه شكرآآ

هذي انا

[تناهيد الحزن...]

المشاركة الأصلية كتبت بواسطة توونآ يا مأمنه للرجال يا مأمنه للمايه في الغربال لاكن بالنهايه الوسطيه هي افضل حل انك تشدي الحبل ع الاخر ماينفع ياحبيبتي انا مااقصد الوحده ترخي الحبل بس لمن تمسكين ع زوجك شي واضح مو انتي تفتشين بجواله بعض الحريم يفتشوون بجوالات ازواجهم ..لكن ماتصاارحه وحتى لو صاارحته بيصير الوضع سئ .. يعني نصيحتي الوحده لاتفتش ولاتصير غبيه يعني الشي الواضح هو اللي تناقشه فيه .. وانك ترخي الحبل ع الاخر ابشري بضياعه منك وحده تقرب لي تزوجت واحد محامي وحياتهم زي الفل وفي لحظة اخذت الميموري تبع جواله وفتحته في جوالها وانواااع الفضايح والبلاوي لا وبعد متصور مع بنات وارقام ورسايل المشكله كلهم اندنوسيات حمد الله بس ترك الجمال والحلا لاجل شغالات ولما واجهته قال لها هذا انا وهذا طبعي وما اغيره معليش رجل يقول للحرمه كذا مو رجال ابد ولايحمل اي صفه من صفات الرجوله ...وزوجته لو هي تحترم نفسها ماتقعد يخوني ويعترف ليش اقعد معااه ... يعني بالله وش تسوي ساعتها الرجااال مالهم اماااان والي تدور بلاوي زوجها مو باغيه شر بالعكس هذي عاقله وعارفه وين الصح من الغلط

شلون مو باغيه مشاكل وهي تفتش من وراه ..؟؟؟
ترضين زوجك يفتش بجوالك من وراك ..؟؟
لاتقولين مو سواء لا كلنا سواء اللي ماترضينه ع نفسك لاترضين ع غيرك ...
لانك لو فتشتي بتنحرقين .. واذا واجهتيه بيقوول اي اسوي ..
ووقتها وش استفدتي غير الجرح

لكن اذا شفتيه يخونك والمشكله باينه وقتها سوي اللي تبين ...

[تناهيد الحزن...]

المشاركة الأصلية كتبت بواسطة زح’ـــمة ح’ـــڪي..! آسمحيييييييييلي آلقصص آللي بآلموضوع مآدخلت رآسي << حآولت بس مآقدرت هههههههههه وبآلنسبه للجوآل لو قلتي لآي ولد آشوف جوآلكك مآرح يعطييييك لآنو جوته آلهوآآآآآآآآآآآآيل لو شكيت فزوجي مثلآ >> آلله لآيقووول طبعن آكيد رح آدور حل بدون مآيعرف لو تآكدت آنو يخوني والله لآيندم في آللحظة آللي فكر فيهآ بآلخيآنهـ << آحححلى يآقويهـ لآني من جد لو مسكت على آحد آحبهـ شي آلعلآقة آللي بيننآ تعتبر منتهيهـ ولآ يحآول يكلمني زي صآحبتي آكتشفت آنهآ تكذب عليآ ومتآآآآآآآآآآآآآآكدهـ وآمس صآيده عليهآ كذبهـ جديدهـ والله من يوم مآعرفت آنهآ تكذب علي مآعآد كلمتهآآآآآآآآ وبلوك عليهآ بالمسن ولو دقت على تلفوننآ آصرفهآ وجوآلي غيرت رقممممة آخر مممممرآ كلمتهآ يمكن شهر 7 وبدآيه 8 وعليهآآآآآآآآآآآآ تستتتآههههههههههههههل لييهـ آلكذب ولحد يقولي سآمحيهآ آسآمح آلنآس كلهآ آلآ هي <<حآقدهـ عليهآ من قلللللب سوري خرجت برآ آلموضوع

والله ياعزيزتي الموضوع منقول من احد المنتديات ..
نقل للفائده اللي بالموووضوع ..
ومو شرط تصدقين الحكايات اهم شي الوحده تستفيد ...
من النصايح اللي تحت القصص ..
وع فكره مافيه رجال مايناظر يمين ويسار المطوع يناظر بس يعتمد ع عقلية المرأه وتفكيرها وقوة ثقتها من نفسها ...
وجهة نظري لااكثر
..

[تناهيد الحزن...]

الورده الموفيه ....solaaa
نورتوا الموضضووع ..
الورده الموفيه صدقتي اختي
الوحده ماتشك وتقووم تدور ع زوجها لانها بتجيب المشاكل لها ..

بعدين عزيزاتي قد قالوا زمان اللي يخخاف من العو يطلع له ...
سبحان الله كلمه وعرفت معناها قريب
اللي يخاف من الشي يصير له
يعني يابنات لو تلاحظوون اللي تخاف من العين دايم تعبانه ومدري وشو ...
واللي تخاف من زوجها يخونها وفي النهايه يخونها
تدروون لييييييييييييش
الله يقول ..انا عند ظن عبدي بي .. حديث قدسي
هنا لم يقل ربنا جل وعلا انا عند حسن ظن عبدي بي
انا عند ظن عبدي بي
مالفرق ..؟؟
يعني يووم تتوقعين ان حياتك بتصير حلوه وتنجحين وتسمعين الاخبار الجيده فالله يعطيك اياها
وع نياتكم ترزقون (هذا من حسن ظن العبد بالله )
واذا كنتي موسوسه ودايم تفكرين بانه بتصيبك مصيبه وحياتك كلها هم وماسى تاكدي انك تعشين هكذا
(هذا من ظن السوء بالله )
لاتسوين نفسك خارقه وعندك الحاسه السادسه
وتقولين والله اني حسيت انه بيحصل كذا ..
لان ربي يقول ( والظانين بالله السوء عليهم دائره السوء )
لاتنسين ان الله كريم بيده الخير
تفاؤلوا بالخير تجدوه
عرفتوا الحين يعني الخير اللي يجينا من الله والشر من انفسنا

عزيزاتي اذا جاكم الشيطان ..
وصرتي تفكرين في مكروه
انفضي راسك وابعدي الفكره عنك
وادعي الله يسعدك ويريح بالك وصلي ركعتين لطرد الشيطان ..
لاتقولون احنا عند حسن الظن بالله لابس مانقدر نحسن الظن بالرجال او بالناس اللي حواليني
احسني الظن بالله هو اللي بيسهل اموورك مع اللي حواليك ..
واذا اصابتك مصيبه وانتي ع هذا الدين..
هنيئا لكي فالله يحبك ...

تقبلوا ملاحظتي
مجرد رأي لااكثر