نتائج الفيزياء الدوري الاول 202..نزلت هنا

[ALI ALZAHRANI]

المشاركة الأصلية كتبت بواسطة zoom 2.5 يادكتور انا دفعة 09 ومتاخر في المادة فاضطريت انزلهامع اربعة مواد دسمة غيرها وكانت كلها ورأ بعض يعني كان عندي اختبار فيزيا 202 وماث 205 في نفس اليوم وتاني يوم اختبار ميكانيك وتالت يوم اختبار داينمك ورأ بعض لو كل دكتور فكر بنفس الطريقة دي انو الطالب لازم يكون مدرك المادة تماماً من الاخر الطالب راح يضيع وبعدين انا الفيزيا ماتفتحلي اي حاجة مادة عامة بس ولازم اخلصها فاليش لازم عليا أتمكن 100٪ ن مفاهيم انا محا استفيد منها في حاجة لانها ليست متطلب الا لطلاب الكهربا ؟؟! رقم اثنين يادكتور لو تبغى تطبق الفكر دا انو الطالب لازم يكون متمكن من المفاهيم النظرية ومايهمك العمليات الحسابية فيجب عليك انك تلغي حفظ القوانين وتوزعها على اوراق جاهزة . كيف تطبق نص نظريتك والنص التاني اللي هوا لمصلحة الطالب تسيبه؟؟المفروض ياتطبقها كلها او تلغيها كلها عشان يسير في توازن في المذاكرة وهذا سبب ضعف الدرجات الشديد. لانه لو بلغت الطلاب انه مافي حفظ قوانين اتوقع أنه الدرجات راح تكون اعلى بكثير وراح تحقق التوازن بانك خففت شي وشديت على شي اما تشد على كلو راح تكون النتيجة دائماً زي كدا . وياريت يادكتور تقلنا متى راح يعقد الاجتماع اللي راح تطرح فيه فكرة توزيع القوانين على اوراق عشان من بدري نعرف نبدا نشد في حفظ القوانين ولا نبدا نركز في النظري وفي النهاية اتمنى انك تفهم المقصد من الكلام دا كله عشان ينحل الخلل الموجود بإذن الله شاكرين لك تفهمك وتجاوبك معنا

أولاً لم يكن في الاختبار قوانين كثيرة ، هم قانونين الاول قانون جاوس الثاني قانوني العزم والطاقة للثنائي الكهربي

ثانياُ انت تقول ان القوانين هي اللي جعلت الكثير يخفق، فلماذا لم يخفق الطلاب السابقين عندما كان الاختبار كله مسائل وكان هناك مالايقل عن 10 قوانين مختلفة في كل اختبار

ثالثا الاخفاق -زي ما قلت سابقاً- كان في عدم المام الطالب بالمفاهيم العامة للمادة وليس القوانين

صدقني سأضع الموضوع هنا في حال اتفق الجميع على اعطاء الطالب ملخص بالقوانين المستخدمة ،

[zoom 2.5]

المشاركة الأصلية كتبت بواسطة ali alzahrani أولاً لم يكن في الاختبار قوانين كثيرة ، هم قانونين الاول قانون جاوس الثاني قانوني العزم والطاقة للثنائي الكهربي ثانياُ انت تقول ان القوانين هي اللي جعلت الكثير يخفق، فلماذا لم يخفق الطلاب السابقين عندما كان الاختبار كله مسائل وكان هناك مالايقل عن 10 قوانين مختلفة في كل اختبار ثالثا الاخفاق -زي ما قلت سابقاً- كان في عدم المام الطالب بالمفاهيم العامة للمادة وليس القوانين صدقني سأضع الموضوع هنا في حال اتفق الجميع على اعطاء الطالب ملخص بالقوانين المستخدمة ،

الطلاب السابقين لم يخفقو لانهم ذاكرو القوانين وجاتهم مسائل على القوانين اللي ذاكروها .
وانا اقصد انو إحنا ذاكرنا وحفظنا القوانين واتدربنا على حل المسائل مثل الطلاب السابقين لكن جانا جزء كبير على النظري ودا اللي شعترنا والجزء الاخر جا على مسائل مبهمه على عكس الطلاب السابقين اللي كانت معظم أسئلتهم مباشرة وماكان فيها جزء نظري.

يعني الطلاب الان لازم يحفظو القوانين الكثيرة اللي بتاخد 60٪ من وقت المذاكرة والباقي في حل التمارين ولم يتبقى الى جزء قليل من وقت المذاكرة ومن المساحة اللي مخصصها الطالب لمذاكرة مادة الفيزيا في مذاكرة الجزء النظري والمفاهيم اللي لازم يتمكن منها الطالب على حسب قولتك.

لكن زي ماجربتو ترفعو مستوى الأسئلة كدا وشفتو النتيجة كيف سيئة

جربو الغو حفظ القوانين عشان الطالب يركز على الجزء النظري وشوف النتيجة كيف راح تكون ان شاء الله

بس مو قبل يوم الاختبار يجينا خبر انو القوانين راح توزع بعد مانذاكرها ونحفظها وتسير نفس مشكلة الاختبار الدوري الاول

[ALI ALZAHRANI]

المشاركة الأصلية كتبت بواسطة zoom 2.5 الطلاب السابقين لم يخفقو لانهم ذاكرو القوانين وجاتهم مسائل على القوانين اللي ذاكروها . وانا اقصد انو إحنا ذاكرنا وحفظنا القوانين واتدربنا على حل المسائل مثل الطلاب السابقين لكن جانا جزء كبير على النظري ودا اللي شعترنا والجزء الاخر جا على مسائل مبهمه على عكس الطلاب السابقين اللي كانت معظم أسئلتهم مباشرة وماكان فيها جزء نظري. يعني الطلاب الان لازم يحفظو القوانين الكثيرة اللي بتاخد 60٪ من وقت المذاكرة والباقي في حل التمارين ولم يتبقى الى جزء قليل من وقت المذاكرة ومن المساحة اللي مخصصها الطالب لمذاكرة مادة الفيزيا في مذاكرة الجزء النظري والمفاهيم اللي لازم يتمكن منها الطالب على حسب قولتك. لكن زي ماجربتو ترفعو مستوى الأسئلة كدا وشفتو النتيجة كيف سيئة جربو الغو حفظ القوانين عشان الطالب يركز على الجزء النظري وشوف النتيجة كيف راح تكون ان شاء الله بس مو قبل يوم الاختبار يجينا خبر انو القوانين راح توزع بعد مانذاكرها ونحفظها وتسير نفس مشكلة الاختبار الدوري الاول

كما ذكرت سابقاً، الاختبار لم يكن به الا مسألة واحدة فقط تميز الطالب الفاهم من الحافظ، وأتمنى منك أن تضع هنا -امام الجميع- مسألة واحدة كانت مبهمة ،