مشكله بالتخصص والجدول

[Bnashwan]

السلام عليكم ورحمه الله وبركاته

مساء وصباح الخير جميعا
انا طالب جديد وفرش ولا ادري وش الطبخه سجلت انتساب وخلصت السنه التحضيريه وجبت العيد ب 3 مواد واخترت كليه الاقتصاد والاداره
الزبده لي يومين اقلب الجدول ماحصلت شي بس قدرت انزل الـ 3 مواد اللي انا راسب فيهم
بختصار اليوم اخترت التخصص الا وهو الاداره العامه
وللحين مافيه عندي جدول الا موادي ماغيرها

ابي فزعتكم ونصائحكم وهل اقدر اغير التخصص؟ ولا خلاص بح راح علي؟
وكيف اضيف مواد تتعلق بالتخصص؟ والله ماني فاهم شي بليز اللي عنده خبره يراسلني عالخاص الله يجزاه الف خير

[طيووووب]

عليكم السلام
ياطويل العمر الي اقدر افيدك فيه انك طالما اخترت التخصص من النت خلاص ماعاد تقدر تغيره الا بمراجعة الكلية
اما بالنسبة للجدول ما اعرف ايش بيطلع معك لكن شوف الحذف والاضافة من قائمة الاودس تبعك ايش تقدر تضيف واهم شي حاول تضيف مادة مبادىء الادارة العامه لأنه متطلب لأكثر من ماده في الاترام القادم
بالتوفيق للجميع

[استراليه]

تخصص ادارة عآمه والمسآر ايش !

وخلآص ماتقدر تغيير التخصص ، الا عن طريق مراجعة الكلية وطلب تحويل .. الخ

بالتوفيق

[Bnashwan]

يعطيكم العافيه ماقصرتم .. بس بالنسبه للحذف والاضافه مافيه عندي شي فاضيه
يعني بس المواد اللي اخترت
ولما اضغط ايقونه اختيار الماده مايطلع لي شي نهائي

عموما مشكورين بحاول السبت اجي ع اقرب طياره واحل مشكلتي
وياليت تنصحوني هل تخصصي زين وحلو ولا اغيره؟ انا موظف حكومي للمعلوميه

[استراليه]

^
بالعكس تخصصك حلو ، وإن شاء الله يفيدك في عملك

[سمرونة]

وعليكم السلام ورحمة الله وبركاته
بالنسبة للمواد عن طريق الحذف والإضافة والتخصص بصراحة حلو

ولو تسمحلي أنبهك على شي بسيط لما تكتب جزاك الله خير لا تحدده بكم معين مثل ما كتبت ألف - عشان الخير من الله كثير ولا نعرف حده.
والله يوفقك ويسهل عليك .

[Abu Amaar]

المشاركة الأصلية كتبت بواسطة bnashwan يعطيكم العافيه ماقصرتم .. بس بالنسبه للحذف والاضافه مافيه عندي شي فاضيه يعني بس المواد اللي اخترت ولما اضغط ايقونه اختيار الماده مايطلع لي شي نهائي عموما مشكورين بحاول السبت اجي ع اقرب طياره واحل مشكلتي وياليت تنصحوني هل تخصصي زين وحلو ولا اغيره؟ انا موظف حكومي للمعلوميه

اخوي ارسل معاملة اكترونية و وفر تذاكر السفر
اذا ما صار تجاوب ارسل ايميل على عميد القبول والتسجيل متجاوب للغاية

واتمنى لك التوفيق

[Bnashwan]

مشكورين ياحلوين ماقصرتم

هاذي صوره توضيحيه


في احد الاخوان سألني وش المسار .. انا انتساب ولا ادري وش يعني مسار اصلا
والله ياناس يمكن تستغربون بس بقولكم شي
انا دخلت الجامعه من باب اني موظف حكومي وابيها تنفعني بالترقيات
كنت ماخذها من باب انك ناجح ناجح وحسب ماكنت اسمع يقولون بس تروح تختبر وتجي بالسنه مرتين
ماكنت احسب الدعوه فيها كذا ومواقع واضافات وكل هالاشياء عموما
انا بديت اتعلق واحب الدراسه مع كل يوم اتعمق فيه بالجامعه وكلامكم مشجع جدا ومحفز وإن شاء الله تأجرون عليه

انا اخترت كليه الاقتصاد والاداره واخترت تخصص اداره عامه وبس لا مسار ولا شعبه ولا مدري ايش
الحين بس ودي اعرف هل صحيح انك ماتقدر تنزل مواد التخصص الا لما تخلص مواد السنه التحضيريه؟
وحتى لو صار فيه مجال انزل جدول اكيد بحتاجكم فيه وش المواد اللي تنصحون فيها

[Bnashwan]

اخوي ابو عمر

اخوي ارسل معاملة اكترونية و وفر تذاكر السفر
اذا ما صار تجاوب ارسل ايميل على عميد القبول والتسجيل متجاوب للغاية

والله ارسلت واتصلت مافيه شي ماسويته لكن لاحياة لمن تنادي
لذلك جيت للمنتدى قلت بحصل لي واحد شقردي يفزع وينفع مثلكوشرواك

[الله كريم الله]

شوف

يمكن ماخصصوك عشان معك مواد كثير حملتها من التحضيري

او

معدلك نازل

ودامك موضف حكومي يعني لو تاخرت ترم او ترمين ماتفرق

خلص المواد الي عليك وباذن الله الترم الجاي تتخصص