اشعر بوحدة وعزلة عن المجتمع

[arkan minsseyh]

ترا انا جربت العزله واكتويت بنارها ألله لا يوريك وقسم بالله يروح عمرك وانتي بمنفى محد يدري عنك ولاتدري عن احد، بس انا عكسك كنت مجبوره عليها مو راغبه فيها لان ماعندي أحد ، ولا انا طبيعتي اجتماعيه وأحب الناس
والحمدلله الحين بديت أخفف واطلع من همها الله لايردها ، صحيح انتي تكوني عارفه طبيعتك إنك اجتماعيه ، لكن مرات تلاقي نفسك هي اللي تحدك ع الوحده والعزلة ، بس لاتطولي بهالوضع كثير ، يعني اذا شفتي حالك زودتيها حاولي تكسري هالشيء من بدري حتى لو مالك رغبه
إختلطي بأهلك وقومي بواجبات البيت لاتجلسي بغرفتك كثير، تابعي برامج هادفة بالتلفزيون بس مع عائلتك ، زوري صديقاتك ، أحضري الحفلات والمناسبات الإجتماعيه ، تواصلي مع بنات جيرانك ، أحضري المحاضرات الدينيه في المراكز الدعويه وشاركي في انشطتهم، إتصلي بإقاربك فيها صلة رحم وأجر وفيها كمان كسر من رغبتك بالوحدة والانقطاع عن الناس ، اذا دخلتي النت ادخلي وانتي جالسه بين اهلك عشان ماتنعزلي عنهم ويكون هو السبب
والمهم والأهم من هذا قوي صلتك مع الله عز وجل لأنه هذا الشيء إذا صلح تعدلت حياتك كلها ،
اسألك بالله لاتنامي الا بعد ماتقومي الليل وتدعي ربك وشوفي كيف حياتك راح تصير، لاتقصري بهذا الجانب ابداً
والله يسهل امورك وأمورنا دعواتك لنا