جدول الإختبارات النهائية ، (طالبات)

[Be Fun]

المشاركة الأصلية كتبت بواسطة deathpain تم إبلاغ الجهات المختصة عن وجود إرهابيات في منتدى كلية الحاسبات، أسماء، حلم راقي راح توحشونا ------------------------------------------------------ خخخخخخخخ اش فيكم قلبتوها حرب أهلية ؟! دخلتوا في السياسة عشان جدول مخروش ؟ الشغلة ما يبغالها غير تجميع تواقيع الطالبات وأسمائهم، وتقديمها للعميد ببساطة ! بالتوفيق لكم

المشكلة انك تتكلم عن موظفات حريم ...
يمكن انت ما تعرف حجم دي المشكله بس كل بنت هنا بتعرف ..
كل موظفه دكتاتورية ....هتلر عشر ميه حبه عندنا ..
العميده تبع كليه الحاسب قد شفتها قبل كدا في حفل للجامعه و تكلمت معاها عن مشكله معينه
و ردت عليا بكل ذوق و ادب و احترام و ابتسامه ...
لكن المشكله في السكرتيرة تقلك ما تدخل لما تجيب ورقه من الشؤون الحاسب و شوف كل وحده كيف تتمجغ و تستعبط و تخفف دمها و تتريق و تستهبل و تخرج من عندهم و انتا في منتهى الذل و لا خرجت بفايده تساوي ربع ريال ....
و هكذا تستمر الشحططه من مكتب لدكتورة اظن كل البنات يعرفوها <<<البنات اللي نسيووو يسجلو الرغبات ... المهم الاخلاق عندها في الارض و الحوار عندها صرااااااخ ....
و ينتهي اليوم و احنا ما خلصنا ...
.
.
.
طبعا انا ما حبيت ارد على الموضوع الا لما اسأل ...
فالحل الوحيد نوقع عرضيه او اي شئ و نسلمها ل د.أميمه اليد باليد نستناها عند المكتب
و نوصف لها حال الموظفات و اللي بيسووه ...
و نكتب لها انو لو ما لقينا حل حنرسل ل د. اسامه الطيب ..
>>>>افتكر في بنات حاسب من السنين اللي قبلنا اضطرو انهم يسلموو د أسامه الخطاب بنفسهم
بس ما اعرف كيف الطريقه .
المهم لو ما نفع كمان ...
في حل حقلكم عليه بعدين ...
بس بالنسبه للأخت اللي قالت المفروض نتقلم و نتعود و دي غلطتنا ..
كيف يسير غلطنا و احنا ما بنعرف ..
عن جد اذا انتو عرفتو من دكتورتكم ...
يا بختكم فيها لانها خافت عليكم و قالت لكم ..
احنا د غاده ما قالت لنا ...مو تقصير منها او شئ بس يمكن اليومين دي مشغوله و اصلا هيا مالها بدي الشغلات
الشئ التاني ...
انتبهي انك في يوم تسكتي على شئ حقك و حيضرك و حيضر غيرك كتير..
ما بقولك طولي لسانك او شئ بكل بساطة اطلبي حقك بكل زوق و ادب و بالطرق الصحيحه ...
بنات لا تيأسو و خلو كلمتكم وحده ...
و توكلوو على الله ...
ازا في خير فهوا الاعلم بالخير ....
وازا ما سار اللي نبغاه بعد محاولاتنا كلها كمان هوا الخير...
الخيرة فيما يختارها الله