بتكلفة تتجاوز ال 135 مليون ريال صافولا تفتتح اول هايبر بندة في جدة

[خالد]

شكرا ً لمرورك أخوي ديفل

وفعلا ً المنطقة هذي زحمة في الصباح دائما ً

أما الآن صارت زحمة في الصباح وزحمة في الليل

مادري شارع الجامعة وعبدالله سليمان راح يستحمل الضغط

بس كويس المركز في مواقف كافية وبرضو مسجد

و29 كاششير

كان بطريقك جبت لنا صورتين نفرح فيهم

بس المرة الجاية أن شاء الله مركز السليمانية حق هايبر ماركت فرنسي ماعرف أش أسمه

أو جيان اللي عند ميدان الطيارة


تحياتي لك وتسلم

[ليدر أستوديو هبقات]

عشان كذا أخي العزيز

صار في الفترة الأخيرة التوجة للعمارة والمعماريين

وصاروا طلاب كلتنا لهم كلمة

وأحب أذكر أن النبي صلى الله عليه وسلم ذكر أن من علامات الساعة كثرة الأسوق

صدق صلى الله عليه وسلم

[wizard]

نسيت أقول انه سيتم أنشاء أكبر ميغا مول في السعودية في المطار القديم وسيكون الأول في السعودية والثاني في الشرق الأوسط بالمساحة والحجم

واو دا الخبر جدا رائع وحلو وشي طيب والله

بس يا عالم ياهو انا حاسه انى حأصحى اليوم التانى وحالقى نفسي ف مول
كترت المولات وسار بين كل مول ومول مول


هوا شي يفرح ويرفع الراس انو نشوف اشياء زى كده ونستغل الاراضي الخرابه بشي جيد

بس يا ليت انو نتوجهه لشي تانى غير المولات


ليه ما يعملو مدينه ترفيههيه كامله زى الشلال بس اقصد على اطوور؟؟؟

ولو فكروا اكتر من كده حيلاقو مية مشروع ومشروع



شكرا خلوود موضوعك مررررره حمسنى

[x_bioc]

بصراحة انا ما عجبني الهايبر دا .................. ما نزلي من زرو


الي شاف جيان الي في الشرقية او في الرياض او البحرين او الدانوب الي في طريق المدينة ........... انصحه لا يتعب

نفسه و يدخل هايبر الجامعة

مافي وجه مقارنه

بس على قول وزارد

هوا شي يفرح ويرفع الراس انو نشوف اشياء زى كده ونستغل الاراضي الخرابه بشي جيد

في خرابه ورا بيتنا الكلاب تعوعو فيها و البسس تنونو ................. يا ريت يفعلو خير و يعملو هايبر فيها

عشان الواحد يعرف يسهر عالمنتدى برواقه


الشي الي نرفزني بزياده من الهايبر ................... تخيلو كنت ابغا اتنعنش بب ببسي مع زمهريره الظهر يوم الافتتاح


و جلست افرفر في الهايبر طول بعرض حتى المخازن دخلتها .......... مافي


و اخرتها رحت لي الكاشير ........ وبكل برود قالي مافي ببسي

اقولو طب كوكا كولا ............... قالي مافي ....... ميرندا فرولة .......... مافي ........ سم هاري ...... مافي

من جد شي يعصب


لكن حارحلهم تاني عشان بسبوستهم جيدة ......... صحيح مو زي بسبوسة الياماني الي في البلد


بس ممتازه .................... اظن الكيلو ب 7 ريال

[عــــامـــر]

بالله دحين الشلال تسميها ملاهي عليها القيمه
ما فيها اي شيء كلها لعبتين تلاته
ما عندنا ملاهي الى الان عليها القيمه او تسمى ملاهي

والله انا اشوف يقفلو الملاهي الي على البحر كلها ويتشاركو يفتحو ملاهي شيء خرافي شيء يسمى ملاهي من جد
مو التفاهات هذه

[wizard]

يا بطوط يا ديف
انا باقول لي ما يعملو ملاهي عليه القيمة بدل الشلال دا ؟؟؟

فاهم؟؟

[عــــامـــر]

طيب
فهمت