تجمع الطلاب المتضررين من عملية التصحيح أوf بمادة نظرية التنظيم pad221

[سلطان-الرياض]

منقول عن الطالب ابو اسمامة 106

الترم الماضي جبت 60 في مباديء المحاسبة رغم اني حليت

راجعتهم

قالو لي عبي الورقه عبيتها

قالو لي حطها على الطاوله اللي هناك

يوم اطالع الا وامة لا اله الا الله حاطين مثلي اوراق فوق بعض يمكن خمسمائة ورقه

قلت له ايش هذا ؟؟

قال مثلك يبغون يتأكدون من الدرجه

انت حطها واذا فيه شي دقينا عليك

وبما اني في جامعه عربية

عارف انها للخرامه مصيرها

نزلت اشوف المكاتب

لقيت المصري اللي اعطانا المحاضره ( واحد نحييييف )

قلت له الموضوع

قال بص بأه بؤلك حاقه

ما دام انته خت ستين يعني انته كدا كنت تحت الستين وهما زئوك

قلت في نفسي زقو وجهك

قال ما دام حطيت الورقه احنا حنراقعها ودي امانه

لو كلامك مزبوط

راح نقيبك من اخر الدنيا

ولا اتصال ولا خبر

لان الخرامه يظهر كانت اسرع من كل شي

--

قلت يا ولد خليني اروح لدركتور اعرفه في القانون

كلمته

قالي اقلك شي وتريح راسك

دام التصحيح تظليل انسااااا واتحمد ربك واضرب الباب


قلت امري لله

ورحت في حال سبيلي

تاركاً الاوراق والخرّامه في انتظارها


وغابت الجامعه من خلفي في ضباب التخلف العربي المعهود


----


واخذت المحاسبه الحكومية الان

والتصحيح يدوي


طيب ليه يدوي ؟؟

انا اقلكم ليه

قالي واحد من الدكاتره

وهو دكتور مصفي

لابعد درجه ولا هو عارف شي في مادته

كل ما واحد من الطلاب سئله سوال قال ارجع للكتاب وذاكر ههههههه

تبغاني اجاوب لك عشان ما ترجع للكتاب هاه خخخخخ

قسم بالله ما يدري عن شي


هذا الدكتور كشف السر في التصحيح اليدوي رغم وجود تظليل


قال ان الدكتور ياخذ على كل ورقه خمسه ريال يصححها


وهذا الترم في المحاسبه الحكومية

سبعة الاف ورقة

اضرب سبعه الاف في خمسة ريال

يطلع اكثر من خمسة وثلاثين الف ريال


يعني بالعربي نصب واحتيال

قال تصحيح يدوي قال

المشكلة يقلك حط اشاره على الحل في الصفحة الاولى بس

يعني كأنك تظلل

اجل كيف بيكون التصحيح مدري

اهم شي

الالوف



.


هذه هي جامعتنا العريقة

اللي فيها دكاتره نفسيين والقائمه تطول

والنصب يطول

والطالب ماله الا يقول

ياليل مطولك

لحد ما يتخرج



بس هذا اللي كنت بقوله