بنااات ايش رايكم في ذي المواد باخذها الترم التاني (عنوان مبهم تم تعديله)

[gardenia]

المشاركة الأصلية كتبت بواسطة سجووكه السلام عليكم ورحمت الله وبركاته بنااات ايش رايكم في دي المواد باخد الترم التاني محاسبة بأخدها مع دكتورة سحر الجبروني بس قولولي من غيرها كويسة عشان لو سار تعارض شي اقتصاد كلي بأخدها مع دكتورة نادية احصاء اعمال مين تنصحوني اخد مع مين ؟؟ انجليزي مستوى اول مع مين اخدها ؟؟ وبفكر اضيف مادة كمان يا مبادى اداراة وقولولي كيف هي المادة سهلة ولا لا ؟ تنصحوني اخدها مع المواد دي ولا لا بلييييييييييز ردولي وكمان اكتشفت في مشكلة انا وصحباتي لاحظناها انو انجلز مستوى تاني متطلب لجميع مواد الترم التالت فمنجد مرررة مرعوبين يعني ايش نسوي؟؟ احد عندو فكرة شي ؟؟ وهل نقدر ناخدها ترم صيفي الانجليزي ؟ :( وربي مررة خايفة بليييييييييييييييز احد يطمني اسفة طووووولت بس وربي مررررررررة خايفة :"( الله يفرج هم ويسعد قلب ويريح خاطر الي يساعدني :) استنا ردودكم

مسآء الخير سجووكه كيف حآلك

بالنسبه للمحاسبه ماعرف د - سحر لكن لوكانت نازله مع فاطمه كمال خديها فووورآ وبدون تردد !!

كمان لو لقيتي أنيسه تركستاني كويسه ..

إقتصاد كلي ماعرف د - ناديه.. صراحه أنا أخدته مع د- حآجه إبراهيم جدا ممتازه وأسئلتها روووعه :)

كمان لو لقيتيه نازل مع لمياء ششه برضو كوووويسه مره أنا أخدت معها إقتصاد جزئي ..

إحصاء والله أنا أخدته من زمااااان لكني أخدته مع أستاذه رآئعه إسمها أماني الغامدي ..

إنشآلله ينزلك معاها وفي وحده أنصحك تبعدي عنها إسمها نجاة ... لقبها نسيتو والله للأسف!!

لكني أخدت معها الماده وحذفتها أيام الدوره التأهيليه لأني ماكنت أفهم منها ولا كلمه !!

إنجليزي مستوى أول أنا أخدته مع د- رباب عبدالله .. رآآآآئعه في الشرح والأسئله

وجبت معها a+ ..

إنجليزي 2 أخدته مه أستاذه إسمها - دآنيه العيسى ..

تجنننننننن وأتعب أقولك تجنن شرح أسئله طريقتها في الإختبار مآشالله عليها والله يوفقها وين ماراحت :)

مبآديء إداره صراحه ماده دسمه ومعلوماتها مره كتيره أنا أخدتها مع = أمل دمنهوري والله كانت لآبأس فيها ..

أنصحك تاخديها مع دي المواد لأنه أغلب موادك خفيفه وفهم أكتر من الحفظ ..

شي تاني لآزم تاخديها وتخلصي منها لأنها متطلب لمواد كتير بعد كده !!

عشآن كده خديها وارتاحي منها :)

بالنسبه لإنجليزي 2 كيف متطلب لكل مواد المستوى التالث

غريبه شويه !! لأني أعرف الإنجليزي متطلب لمواد الإنجليزي وبس !!

وصعب تاخديه طالما إنتي لسه ما إجتزتي إنجليزي 1 ..

ع العموم حآولي تسألــي وتتأكدي من هالكلام

وبالنسبه للصيفي حبيبتي مافي للأسف صيفي إلا إذا كنتي ترم تخرج !!

أتمنى أكون قدرت أجاوب على كل إستفسآراتك وموفقه يآرب