هل يسمح الالتحاق بجامعة الملك عبد العزيز...؟؟؟

[سمسارة الحب]

السلام عليكم ورحمة الله وبركاته

لوسامحتو ممكن تفيدوني دحين اناالترم اللي راح ماقدرت اسجل عشان كان عندي ضروف وسافرت فانا الحين ماأبغ تروح عليه السنه هذي فممكن لو اني سجلت في العربيه المفتوحه الترم هذا والترم الجاي اسحب منها واسجل في الملك عبد العزيز حيقبلو ولا انو ممنوع اكون مسجله من قبل ماأسجل عندهم
هم قبلوني انتساب دحين بس انا خايفه اني لو دخلت ماأجيب معدل واجلس انتساب وحتى كمان ماني عارفه ايات قسم راح يحطوني وماينفع ادخل (بفلوس) تأهيلي من الترم هذا لازم السنه الجديده عشان كدا ابغ ادخل من السنه الجايه
ياريت تفيدوني واتمني لكم التوفيق والنجاح

[banoota mnkoosha]

انتي قدمتي بس مارحتي عملتي الاوراق وطلعتي البطاقة يعني كانك ما سجلتي ؛

السنة الجية تقدري تقدمي عادي ...
كانك وحدة دوبك متخرجة .. وامكن يقبلوكي انتظام ولا انتساب على حسب نسبتك !

بس ما ادري هل حيكون في نظام التحضيري ولا لأ ... لاني سمعت انه حيتلغي ؛

ولمن تخرجي من الجامعة اللي انت فيها خدي ورقة بتفاصيل المواد .. امكن تتعادلك بعض المواد ’’

دا اللي اعرفه , ما ادري هل الجامعة غيرت نظام القبول ولا لأ ؟؟

[M!Ss AmoOoLa]

أنصحك نصيحه لو في تقديم على الإنتسآب الآن قدمي

عشآن الجآمعه فيها تعقييد في القبول الا إذا كانت نسبتك التراكميه عاليه فهذا شيء ثآني

[يلدرم]

لا تقبل الجامعة أي طالب سحب ملفه من الجامعة أو أي جهة تعليمية أخرى إلا إذا مضى على الانسحاب ثلاثة أشهر فأكثر قبل بدء الدراسة

[golden beauty]

سمعت انو في نظام جديد
اسمو انتظام مدفوع وهوا باربعه الاف فالترم
والله اعلم

[سمسارة الحب]

شكرا على الرد جميعا بس انا امس رحت لهم وقالولي اني اقدر اسجل انتساب لان من اول انا كنت مسجله في النت دحين احسن لي وإن شاء الله ادخل بعدين انتظام

---

سمعت انو في نظام جديد اسمو انتظام مدفوع وهوا باربعه الاف فالترم والله اعلم
هذا مو انتظام هذا اسمو التعليم عن بعد بيقولو احسن من الانتساب والشهاده بيكتبو فيها انتظام بس مادري والله

[banoota mnkoosha]

كويس :)

شدي حيلك وان شالله تحولي انتظام وترتاحي ,,