هل نحتاج إلى مدرسين خصوصيين؟؟

[alwaaseem]

السلام عليكم ورحمة الله وبركاته

حبيت أسئل الكل هل نحتاج إلى مدرسيين خصوصين خاصة في مادة الرياضيات والفيزياء

مع العلم إني أذاكر تقريبا يوميا.. والإختبارات باقيلها أقل من أسبوع

ياليت أسمع نصايحكم ووجهت نظركم..خاصة الي أخذو هالمادتين قبل..

[emma watson]

مساء الخير..
أخوي من وجهة نظري والله ما يحتاج تروح لمدرسين خصوصيين ..كون إنه الرياضيات والفيزياء درسناها من قبل بس اللهم التغيير فاللغة بس ..إنت كيف طريقة مذاكرتك؟؟ حاول بعد كل محاضره تتدرب ع التمارين بالذات من ملخصات جمال السعدي بالنسبه للرياضيات وبالنسبه للفيزيا ملخصات أشرف بركات والله عن تجربه أقولك هالشي مررره ريحني ..بالتوفيق..

[dr.abdullah9]

وعليكم السلام

بأختصار الرياضيات ذاكر من أحد الملخصات بعدين حل الوورك شب كلو .

والفيزياء ملخصات أشرف بركات .

والله يوفق الجميع...

[طبيب القلوب]

الفيزياء لاااااااازم تروح عند أشرف بركات أو أخوه أو خويهم عبدالحق ( معاهم في نفس الشقة ) ،، ما راح تفهمها بدون ملخصاتهم و شرحهم لأنهم ممتازين جداً ،، و الاختبار ما راح يطلع عن القوانين الموجودة في ملخصهم ،، و لا تقول لي بأذاكر لوحدي في الفيزياء لأنه مهما كنت عبقري ما حتجيب درجة كويسة لأنه الأسئلة ( نذلة ) بمعنى الكلمة ،، و أشرف عارف حركات قسم الفيزياء و حافظها ،،

أما الماث : حمزة أبو جبل و بس ،، لا تقول لي السعدي و ولا غيره ،، امسك الوورك شوب و حل كل سؤال فيه و بإذن الله انت جايب الفل مارك في الرياضيات ،،
تحياتي لك و آسف على الإطالة نظراً لأني طرحت عصارة خبرتي <<< متعوب عليها

[محمد الداود]

انت ماا شاء الله انسان مجتهد خليك واثق أكثر بنفسك
هذي خدعة نفسية ، ممكن بسبب أن كثير من أصحابك عند خصوصي
تحس بأنك محا تمشي وتاخذ a+ إلا لما تاخذ خصوصي
مع أن الشخص فاااهم ومااشي تمام :) زيك ما شااء الله

نصيحتي مثل كلام د عبدالله ،.
والله يسهلك يا رجل ^_^

[dr.dudi]

المشاركة الأصلية كتبت بواسطة dr.abdullah9 وعليكم السلام بأختصار الرياضيات ذاكر من أحد الملخصات بعدين حل الوورك شب كلو . والفيزياء ملخصات أشرف بركات . والله يوفق الجميع...

اسمع كلام الاخ الكريم عبدالله وباذن الله a+
في اكثر من واحد جابها من دون خصوصي

[alwaaseem]

المشاركة الأصلية كتبت بواسطة emma watson مساء الخير.. أخوي من وجهة نظري والله ما يحتاج تروح لمدرسين خصوصيين ..كون إنه الرياضيات والفيزياء درسناها من قبل بس اللهم التغيير فاللغة بس ..إنت كيف طريقة مذاكرتك؟؟ حاول بعد كل محاضره تتدرب ع التمارين بالذات من ملخصات جمال السعدي بالنسبه للرياضيات وبالنسبه للفيزيا ملخصات أشرف بركات والله عن تجربه أقولك هالشي مررره ريحني ..بالتوفيق..

أنا أذاكر من ملخصات أشرف بركات وخلصت شبتر 1 2 وكلهم تمام معي ولسع مابديت في الثالث .. بس مشكووووور عالنصيحة والله يوفقنا أجمعين.

المشاركة الأصلية كتبت بواسطة dr.abdullah9 وعليكم السلام بأختصار الرياضيات ذاكر من أحد الملخصات بعدين حل الوورك شب كلو . والفيزياء ملخصات أشرف بركات . والله يوفق الجميع...

بإذن الله راح أسوي الي قلتلي عليه ... وألف شكر لك

المشاركة الأصلية كتبت بواسطة طبيب القلوب الفيزياء لاااااااازم تروح عند أشرف بركات أو أخوه أو خويهم عبدالحق ( معاهم في نفس الشقة ) ،، ما راح تفهمها بدون ملخصاتهم و شرحهم لأنهم ممتازين جداً ،، و الاختبار ما راح يطلع عن القوانين الموجودة في ملخصهم ،، و لا تقول لي بأذاكر لوحدي في الفيزياء لأنه مهما كنت عبقري ما حتجيب درجة كويسة لأنه الأسئلة ( نذلة ) بمعنى الكلمة ،، و أشرف عارف حركات قسم الفيزياء و حافظها ،، أما الماث : حمزة أبو جبل و بس ،، لا تقول لي السعدي و ولا غيره ،، امسك الوورك شوب و حل كل سؤال فيه و بإذن الله انت جايب الفل مارك في الرياضيات ،، تحياتي لك و آسف على الإطالة نظراً لأني طرحت عصارة خبرتي <<< متعوب عليها

والله أنا أعرف كم واحد راحو لأشرف بركات وغيرهم وكلهم جابو 60 فعشان كذا بطلت أروح لأحد .. ثاني شي الفيزياء يبغالها مذاكره أول بأول ومهما سوى انا لهم بالمرصاد..مشكووور طبيب على النصيحة

المشاركة الأصلية كتبت بواسطة محمد الداود انت ماا شاء الله انسان مجتهد خليك واثق أكثر بنفسك هذي خدعة نفسية ، ممكن بسبب أن كثير من أصحابك عند خصوصي تحس بأنك محا تمشي وتاخذ a+ إلا لما تاخذ خصوصي مع أن الشخص فاااهم ومااشي تمام :) زيك ما شااء الله نصيحتي مثل كلام د عبدالله ،. والله يسهلك يا رجل ^_^

ألف شكر لك أخ محمد على إتاحة بعض من وقتك الثمين لقرائة موضوعي والرد عليه.. ونصيحتك أنت وعبدالله على راسي وبإذن الله راح أجيب النتيجة الي راح ترفع الراس.

[قلب بريء]

مدري المدرس الخصوصي ممكن يساعد

لكن الاهم هوا مذاكرتك انت حتى لو رحت على احسن مدرس وانت ما تذاكر ما سويت شي

ولو ذاكرت بنفسك اول باول اكيد ما راح تحتاج باذن الله

[Koke-07]

انا عند خصوصي في الفيزياء والرياضيات ْ, انا استفدت طبعاً لكن لاحظــت انو بدون خصوصي افضل بالنسبة لي ,, لاني لو اذاكرها لحالي بفهم ,,

الخصوصي سلبياته اكثر من ايجابياته ( يضيع وقت + فلوس تروح على هوا + دوامك يصير دبـــل +تدخل المعلومــات ببعض ),الدوام مع الخصوصي مقرف جداً , انا صرت اداوم من 8 الصبح إلــى 6 المغرب ودايم انعس عند الخصوصي

الشباتر الاولى سهله وانصحك لو حسيت فيه صعوبة خذ خصوصي, لان الابواب الجاية اصعب وبمراحل عن الي ندرسه الآن .