برنامج التدريب الصيفي للطلاب والطالبات السعوديين في المرحلة الجامعية(أرامكو السعودية)

[Eva160]

المشاركة الأصلية كتبت بواسطة عبير* شوفي يا عسل الاستاذ علي قالي ع هرجة انو في سكن بعدين سحبوا كلامهم ... هم اصلا المفروض فيه بنات يروحوا ابتعاث بس ما ادري ايش صار وجلسوا فصار فيه نقص في السكن ... السكن موجوووووود بس ما يكفي الكل!! عشان كذا كنسلونا يا بنات الغربية و بس وفروه لبناتهم واكيد فيه سكن فائض !! الاستاذ تركي ان شاء الله بيدبرنا بس احنا خلونا نتفق كولنا في وقت محدد ونروح للاستاذ تركي و نقوله ع وضعنا هو اكيد اذا شاف اكثر من وحدة راح يدبرنا >> هذا كلام الموظفة الي خرجت الاي دي و تقولي نفس الحكاية مع اختها .. واتحلت ! واذا اصروا نقول خلا بنكنسل كولنا !! هم اكيد ما راح يسمحوا بالشي دا انا عندي امل انها راح تنحل ان شاء الله .. يعني مو خسرانين نجرب ! احسن من انو نكسل من ذحين احترآآمـــــــــي

بالصراحه استاذ تركي العنزي رد عليا السكن والمواصلات على حسب التخصص، خلاص بكره آخر يوم وكمانه ترا بنات بدؤوا يبطلوا التدريب لانو الايميل اللي وصلني بس 24 طالبه بيروحوا الظهران العدد مره قليل واحتمال راح يقل على بكره

العيب انو كيف دي الموضوع يتكرر كل سنه، اتزكر وحده من اخواتنا هيا عضوه في المنتدي اسمها ايمي المالكي هيا قدمت على التدريب على السنه اللي فاتت وماراحت ليه لانو الشيء اللي بيحصل لنا اليوم حصل لها السنه اللي فاتت قالوا لها ايوا في سكن ومواصلات والنهايه ماسار، بعدينه بعد ماراح اسبوع من التدريب ادو البنات سار لهم سكن. اتزكر هيا سألت قالت بنات اتأكدوا انو في سكن ومواصلات عشان مايسير نفس الحركه اللي سار لها والنهايه سرنا ضحايا دي السنه، المفروض يتعلموا من اغلاطهم مو الغلط يتكرر.

لا اله الا انت سبحانك انا كنا من الظالمين

[missxpanadol]

بنااااااااااااات شيكو على ايميلاتكم
تو وصلني مسج من ايميل نبيل الحلواني وكم اشعر بالتعجب
ابغا ادق بكرة واستفسر بس على مين ادق قولكم ؟ خاصة معطيني موعد اني اجيهم بكر وانا مستحيل حروح لاني من المدينة ومو اقرر اسافر لجدة بيوم وليلة وفجاة مستحيييل
قولككم ادق على
استاذ سعيد ولا خالد ولا تركي ؟؟
والاستاذ نبيل مارسل رقم ولا كان حطيتو هنا
بالتوفيق

[Eva160]

المشاركة الأصلية كتبت بواسطة missxpanadol بنااااااااااااات شيكو على ايميلاتكم تو وصلني مسج من ايميل نبيل الحلواني وكم اشعر بالتعجب ابغا ادق بكرة واستفسر بس على مين ادق قولكم ؟ خاصة معطيني موعد اني اجيهم بكر وانا مستحيل حروح لاني من المدينة ومو اقرر اسافر لجدة بيوم وليلة وفجاة مستحيييل قولككم ادق على استاذ سعيد ولا خالد ولا تركي ؟؟ والاستاذ نبيل مارسل رقم ولا كان حطيتو هنا بالتوفيق

ممكن اعرف ايش كان محتوى الايميل

الحمدلله وصلني ايميل من استاذ سعيد الغامدي، يبالك تتواصلي مع استاذ تركي العنزي ،لا تتواصلي مع الاستاذ سعيد الغامدي وانسي تتواصلي خالد السويد لانو خلاص هوا مو مسؤول عن برنامج التدريب

[missxpanadol]

المشاركة الأصلية كتبت بواسطة eva160 ممكن اعرف ايش كان محتوى الايميل الحمدلله وصلني ايميل من استاذ سعيد الغامدي، يبالك تتواصلي مع استاذ تركي العنزي ،لا تتواصلي مع الاستاذ سعيد الغامدي وانسي تتواصلي خالد السويد لانو خلاص هوا مو مسؤول عن برنامج التدريب

فيلو اني اجيهم بكرة واوقع تعهد التدريب مني عارفة اش يطلع واتسلم خطاب التوجيه عند كوبري بريمان المكان فانا لا اعلم وكاتب فيه سكن فحقيقي انا تعجب كبير
انتي اش ارسلك الاستاذ سعيد ؟
اسممعيني ايفا عادي ترسليلي ايميلك عالخاص امكن نفيد بعض مع ذي الحوسة وشكرا
بالتوفيق للجميع يارب

[Eva160]

المشاركة الأصلية كتبت بواسطة missxpanadol فيلو اني اجيهم بكرة واوقع تعهد التدريب مني عارفة اش يطلع واتسلم خطاب التوجيه عند كوبري بريمان المكان فانا لا اعلم وكاتب فيه سكن فحقيقي انا تعجب كبير انتي اش ارسلك الاستاذ سعيد ؟ اسممعيني ايفا عادي ترسليلي ايميلك عالخاص امكن نفيد بعض مع ذي الحوسة وشكرا بالتوفيق للجميع يارب

شكلوا عشان تخصصك صيدله وراح تتدربي في المستشفى ارامكو،كده عندك سكن ومواصلات

الحمدلله وضعك تمام، ربنا يوفقك ويكتب لك الخير

[~ جـنـان ~]

انا توني راجعة من ينبع

استغرقت رحلتي 8 ساعات وابوي تعبان مريض جلطة وكل هالتاخير بسبب ان مكتب التوظيف الي في ينبع مو مرتب نفسه ومجهز الاوراق حقتي !!! وانتظرت انا والوالد 3 ساعات ونص عند الاستاذ علي على بال ما تجي بطاقتي من مبنى ال id رغم ان هالمبنى يبعد 10 دقايق بالكثير عن مكتب التوظيف
لكن حضرتهم كانو يبتغدوا ولا احد فاضي يجبلي بطاقتي !!

ع العموم وقع الوالد الله يحفظه على انه مسؤول يوفر لي السكن والمواصلات
وقالي استاذ علي انه مستحي من البنات ع حكاية السكن وعشان كذا ما بيرد ع الاتصالات

وانا عنده اتصل واحد ما ادري مين لمن قفل منه قالي استاذ علي لو هذا الشخص كان مازال مسؤل عن التدريب الصيفي كان والله سكنكم ,, يعني واضح ان الشغلة اهمال من المسئولين عن التدريب الصيفي

ع العموم القسم الي حشتغل فيه
Hydrocarbon Applications department

احد سبق واشتغل في هالقسم ؟؟ اهم شي موضوع كشف الوجه قالو يعتمد ع حسب القسم ان شاء الله هالقسم مايجبر على كشف الوجه

[Eva160]

المشاركة الأصلية كتبت بواسطة control91 ايفا يعني قال لك بنات راح يوفرون لهم سكن وبنات لا !!! من جدهم هذول مايستحون يقولون كذا ههههههههههه

حصل خير، انا راح اكمل اتواصل معاه بكره ان شاء الله

[control91]

^
^
حاولي تتصلين عليه الحين وارسلي له ايميل يمكن يرد عليك ،،،

[سمر *]

الاخت المتقدمة الى برنامج التدريب الصيفي للجامعيين

بعد التحية

نرجو منك مراجعة مكتب توظيف ارامكو بجدة شرق كوبري البريمان لدى موقع مركز التدريب لارامكو مبنى 303 وذلك غدا الاربعاء صباحا 13 يونيو 2012

او صباح السبت القادم 16 يونيو 2012 قبل الساعة العاشرة صباحا وذلك لاستكمال اجراءات مباشرتك للتدريب واستلام خطاب التوجيه للمباشرة وتذكرة السفر .

مع ضرورة احضار ولي الامر او من ينوب عنه رسميا للتوقيع على الموافقة بالتحاقك بالتدريب للاهمية.

مع العلم بأن السكن والمواصلات غير متوفرة في الشركة خلال فترة التدريب.

وفي حالة عدم الرغبة نرجو الرد علينا سريعا بالايميل.

وسيكون موعد السفر يوم السبت القادم 16 يونيو 2012 في الساعة الواحدة ظهرا.



تحياتي

سعيد الغامدي

منسق التوظيف بجدة

هاتف 02-4274441

الرسالة وصلتني الحييين ماااااااافي سكن ومواصلات :(

[Mango*]

يوقع ع شنو انه مافي سكن و مواصلات