طالبات بحث وتدريب ..الدكتورة خديجة زكي ..هنا التجمع

[بنت كووول4]

في أشياء ضروريه لازم تعرفوها يا بنات الدكتوره خديجة قالتها

1- الي تجيب بحث جاهز راح ترسب تقول حرام تأخذ جهد غيرك وتنسبيه لك ..وأدتنا مثال على بنت أنتظام جابت بحث جاهز والدكتوره رفضته
2- تقول تعالو عندها كل ماتكتبو جزئيه عشان تعرف انك كتبتيه وعشان تعرف تعابير وجهك لما تسألك
3- اذا ماقدرتي تروحي لها ارسلي لها على الأيميل كل جزء تكتبيه أسمك ورقمك الجامعي وشعبتك وضروري تكتبي انتساب وهي ترد عليك وتسألك عنه .بس ضروري تتابع معك كل خطوه في البحث .
4- تبغى لما تنتهي من البحث وتطبعيه تكوني مسويه نسخه في سي دي ويفضل يكون عرض بوربوينت لنو يدل على انك مهتمه .واذا ماصلحتي عرض بوربوينت مراح تنقصك بس اذا صلحتيه راح تعطيك عليه درجه على حسب شغلك ..وكمان اوراق البحث راح تقراه بس مراح تأخذه حيكون لك اما السي دي راح تأخذه وانتي تصلحي لها العرض وتناقشك يعني فيه مناقشه بلنهائي ..
5- أذا أخذتي أسأله من بحث للأستبيان لازم تكتبي انك أخذتي الأسأله هذي من البحث الفلاني تقول لاتكونو زي الحراميه خخخخخخخ


بنات الله يسهل امرنا ويوفقنا ونتخرج على خييير ..<<ما احس بقلبي من الخوف بس الله يستر
اي استفسار قولو

نقطه مهمه البنات قالو انو في ناس قالو الأجتماع أنلغاء وفي بنات قالو لا صراحه انا زعلت انا مصلحه موضوع هنا وقلت فيه أجتماع وقلت لكم الغرفه والوقت ياليت يصير مرجعكم بعد الله يكون هنا واي سؤال مو متأكدين منه اسألو هنا وانا والبنات مراح نقصر معاكم والله زعلت لن الي حضرو الأجتماع مو كثييير
كنت أتمنى الكل يستفيد