برنامج التدريب الصيفي للطلاب والطالبات السعوديين في المرحلة الجامعية(أرامكو السعودية)

[mr.samie]

المشاركة الأصلية كتبت بواسطة أحـoـد ممكن احد يساعدني ويقولي وين اروح ؟ مع العلم اني كتبت اقرب مكتب توظيف لي (الرياض)

الدائري الشرقي كنك رايح للعزيزية تاخذ يوتيرن وامسك الخدمه وسيد
وتعدى الاشارات وانت على الخدمه لين تلقى لوحة ارامكو يمكن ثالث او رابع اشارة
لما تمشي يجيك حرف تي تاخذ يسار لين البوابة وتقوله ابغى الامن الصناعي وهو يدلك


...


بالنسبة للبنات والله ماهو غريب عليهم مع ارامكو توقع المفاجآت لآخر لحظة
انا لو كنت مكانكم على طول ارسل رفض والله ما تسوى الروحة حتى لو قالولي تدريب منتهي بالتوظيف والله ما اروح اتبهدل

انا الحين لو يرسلولي مافيه سكن بكنسل التدريب ولو غيروا مكان تدريبي بكنسل التدريب
اي شي يسوونه غير اللي اتفقنا عليه بكنسل التدريب


رغم فارق وضعي عن وضعكم ولو كنتوا مكاني ما راح تكنسلوا لو وشوا لكن انا بكنسل اكره ما عندي في الحياة اللخبطة لما يقولوا لك شي وتروح وتكتشف شي اخر
انتوا ترى مشكلتكم هينة انتوا تدرون وين المشكلة الحقيقية في وضعكم لو سافرتوا وتفاجأتوا هناك ان مافيه سكن لكم للمعلومية صار هالموضوع لطلاب اعرفهم "طلاب ماهم طالبات" واضطروا يسكنوهم بموقع لارامكو غير موقع وظيفتهم فيضربون يوميا مشوار قريب من الـ 80 الى 100 كيلو من سكنهم للدوام وصار لازم تضيف على دوامهم ساعة الى ساعة ونص قبل وبعد الدوام للمواصلات يعني بهدله على اصولها