عنآقِيـد عسجدية , قطافها بين أيديكم دفعة 13

[noonz]

*تجربة العضوة : S.Bn بسم الله الرحمن الرحيم اول شي السلام عليكم و رحمة الله و بركاته دفعة 13 العزيزة انا الحين ابا اكتب لكم تجربتي عن السنة التحضيرية اول ما تسجلت في الجامعة كان عادي و فرحانة و لمن جات المدارس كان عندنا الاحد اليوم التعريفي و كنت مو ناوية اداوم الاسبوع الاول بس في الليل وصلتني رسالة على جوالي انو لازم التحضيري يبدأوا يداوموا من السبت ( الله يسامحهم ) رحت السبت ما اعرف و لا شي بالدنيا دخلت الجامعة و سألت السكيرتي راحت صرفتني و قالت لي روحي 13 الشؤون و دا كان يمكن الساعة 7 و لسا ما احد من المسؤولين جا رحت 13 قالولي انتي علمي روحي كلية العلوم و رحت هناك قالولي اطلعي الدور التاني و روحي للشؤون رحت لهم ما في احد سألت بنت الله يسعدها دنيا و اخرة يا رب كل ما افتكرها ادعيلها قالتلي وين جدولك و فهمتني كل حاجة في الجدول و انا اصلا ما كنت شي في و قالتلي الحين الساعة 8 عندك محاضرة حاسب مبنى 2 و وصفت لي وين القاعة المهم رحت ل 2 سألت سكيرتي قالت لي روحي مكان ما البنات متجمعين و رحت لقيتهم بنات التخصص و ما لهم دخل في التحضيري وقتها انا بدأت ابكي و خلاص انهرت كل وحدة تصرفني و لا احد فادني غير البنت الله يسعدها المهم طلعت من مبنى 2 لقيت صحبتي و خلاص ما صدقت اشوف احد اعرفوا و في المغامرة السابقة غير انو رجولي تكسرت من المشي الجزمة الله يكرمكم كانت جديدة و رجلي انجرحت و صارت يألمني الم مو طبيعي و ابويا عصب جالس برا قريب ساعة مو عارف يمشي و يسيبني و لا رح ارجع البيت المهم جلست مع صحبتي و لمن جات الساعة 11 حسيت بجوع مو طبيعي و رحت للكفتيريا المقر الرئيسي 18 و ابا شي آكله و ما في غير طعمية اشتريتها و الله لا يوريكم جاني غثيان مو طبيعي و سخنت 38 و نص و خمول لدرجة انو ما لي خلق اروح لليوم التعريفي دي قصة اول يوم .... و لو بتكلم عن الايام المأساوية ما رح اخلص اليوم و ترا الجامعة مرة مرة مرة غير عن المدرسة المدرسة مرة احلى بكتير انا اول ما دخلت الجامعة و اول الايام فيها دائما ابكي لازم ابكي ما يعدي يوم بدون ما ابكي لسبب غير معروف ... السنة التحضيرية سنة سهلة جدا للي يذاكر اول بأول و من الملخصات انا اول كنت ما ادري عن ملخصات و لا عن شي و الاختبارات الدورية الاولى رحت فيها مع انها كانت مرة سهلة . خطة أ الفيزياء : انا درست عند وفاء الخطيب بصراحة ما كنت افهم منها الا قليلا الكتاب ابدا ما لو داعي و ما تستفيدي منو ابدا و الدفتر تبع المحاضرات ذاكري منو الملاحظات اللي تكتبيها مع الاستاذة الملخصات تبع يوسف زويل مررة كويسة و جربتها و أشرف بركات كمان كويس بس ما جربتوا منسقة المادة لبنى سندي الدكاترة اللي كويسين سناء اباظة الرياضيات انا درست عند منية ناغي مررة شرحها حلو بس سريعة في الكلام يعني اللي ما تفهم بسرعة انصحها تغيرها و هيا طيبة صح انها ما تبتسم بس و الله طيبة الكتاب مهم و مرجعك الاول و الاخير صح انو رح تكتبي مع الاستاذة بس برضوا في اشياء تتأشر من الكتاب الملخصات تبع جمال السعدي مرة روعة صح انو يكتب بكحل او بقلم مو مبري بس مررة حلوة و أي شي مو فاهمتي ارجعي للملخصات تلاقي مشروح الاستاذات الكويسات منية ناغي انا مررة كنت افهم منها و كمان دعاء قاروت البنات مررة يمدحوها بس ما جربتها الحاسب مادة مرة سهلة و سخيفة يعني تجيبي a+ بالراحة لانو كل دروسها برامج اوفس بس اخر فصل طويل و غثيث شويتين الاستاذة اللي درستني ميادة المصري مررة حبوبة و طيوبة الاتصال مادة غثيثة ما تعرفي اش فايدتها بس سهلة هيا كلام كتير بس يوم الاختبار اقريها مرتين بتركيييييييييييز و روحي اختبري و تضمني a+ انا درستني سمر الخليفي مرة حبوبة و تتساهل في وقت الخروج الاساتذة الكويسين اميرة النمر تخلي الكلاس اكتر من روعة مواد الترم التاني الاحصاء بالنسبة لي هوا اختصار لمعنى كلمة لغوصة بس و الله سهلة و البنات درجاتهم مررة عالية و انا خسرت درجات في اشياء هبلة و سخيفة مررة انا درست عند سماح سندي شرحها حلو و افهم معاها بس لمن ارجع البيت اراجع المحاضرات و اذاكرها لا افقه شيئا في الاحصاء الملخصات اشرف بركات مرررة حلو انا جربت السعدي ما عجبني مع انو الترم الاول في الرياضيات مررة فادني الدكاترة الكويسين ما اعرف و لا احد بس استاذة شفياء الحضيرة هيا منسقة المادة و كانت تمشي مع البنات حبة حبة و تأشر معاهم و تحل تمرين عشان التطبيق اما نحنا سماح ما كانت كدا انا حضرت معاها اول كلاس بس منسقة المادة شفياء الحضيرة الكيمياء مادة سهلة و روعة بس طويلة يعني لازم تمسكيها اول بأول و اسئلة الاختبار مو بس سهلة و مباشرة و كل حاجة يعني مررة خسارة لو ما اخدتي فيها a+ و كل قسم الكيميا طيبين و حبوبين انا درست عند نها وزان مررة كويس شرحها بس عندها تدقيق على وقت حضورك للمحاضرة يعني لمن تتاخري 10 دقايق تسألك وين كنتي و ما تحب الشوشرة في المحاضرات و اللي تتكلم تببها اول مرة و بعدين طرد ما سوتها الا مرة وحدة مع بنات بصراحة لو اقول يجيبوا الغثا قليل الاستاذات الكويسات ليلى الحربي منسقة المادة و استاذتي دول اللي اعرفهم بس و سمعت البنات يقولوا عائشة قنش كويسة منسقة المادة ليلى الحربي الاحياء المذاكرة من السلايدات طبعا السلايدات كل عرض في تقريبا 100 سلايد و فوق انا كنت ادرس عن نفين طه الله لا يجعلكم عندها حرام هيا تشرح من قلب بس انا ما افهم منها شي بالنسبة للتحضير عندها مررة مهم بس انتي متى ما تبي تدخلي عادي ما يهمها ان شاء الله لو تجلسي ربع ساعة عادي تحسبك تحضير . الاستاذات الكويسات حنان الشاذلي روعة شرحها منسقة المادة سالينا بس انا من الحين اقول لكم عمركم ما حتلاقوها في مكتبها ارتاحوا و انا كنت احضر احياء كل يوم السبت و الاثنين و الاربعاء عشان التحضير و الاحد و التلوت مع حنان عشان افهم و ابدا ما ندمت اني حضرت الاحياء يوميا صح انو تعبت بس بعدها استفدت و لو ما سويت كدا ما كان جبت دي الدرجة ابدا <<< اللي يسمعني يقول الدرجة عالية و نصيحة لا تصدقوا اللي يقولوا لكم مادة حفظ و لا تحضروا و اسحبوا و معرف ايش ترا مررة مهم الحضور تفهمي السلايدات تتكلم عن ايش تسمعي الكلمات عشان شوي ترسخ في بالك بس باختصار قسم الاحياء ما يسوي و لا شي و لا لو فايدة لانو قسم الاولاد يتحكموا في كل شي الانقلش انا درست لفل 1 مع شرين الديب استاذة مررة طيبة و تشربك الكتاب شرب بس عندها الوقت مررة مهم و لفل 2 مع عهود المطيري بصراحة كنت ما اتحملها و لفل 3 مع ملاك و منى بصراحة يشرحوا و يفهموا و الوقت عندهم مرررة مهم بس انا كنت دائما في كلاس الانقليش نعسانة لاني صاحية من النوم و جاية و ما لي خلق افهم شي و لفل 4 مع هديل شيخ مرررة حبوبة و روعة الاستاذة دي الكلاس معاها متعة اول مررة اشوف استاذة فلة زيها و الوقت عندها مو مهم يعني متى ما نخلص تطلعنا دا الكلام من تجربتي الخاصة لا احد يتقيد فيي و بعدين يقول انتي السبب في فشلي اول شي شوفي استاذتك اذا ما فهمتي معاها حولي لانو الناس يختلفوا في فهمهم و بس خلاص كدا بعد ما كتبت الكلام دا كلو اتحذف و رجعت كتبتوا مرة تانية كرمال عيونكن و شكرا دعواتكن لي انو يقبلوني في الهندسة

[noonz]

* تجربة العضوة : smsm السلام عليكم ورحمة الله وبركاته هنا حكتب لكم تجربة عن اللي مريت فيها بالتحضيري . زي ماكتبوا لنا الي قبلنا ومن جد استفدت منه.. لازم تعرفوا المواد وطبيعتها وأفضل الاساتذة والملخصات قبل ماتبدأ الدراسة .. بس قبل كل شيء أهم شيء • اعتبروا التحضيري رحلة ,مغامرة ااو تجربة تمر سريعة في غمضة عين .. • احضروا كل المحاضرات .. • قفلوا أذنيكم (اذا ماكان الكلام من دكتورتك وسمعتيه بنفسك طنشيه ).. • لا تفكروا بالبونص أبدا عشان لاتتحطموا في النهاية .. • لاتقارنوا نفسكم كدفعة 13 بالي قبلكم أبدا هادي جامعة ولها الحق تغير أنظمتها كل سنة زي ماتبغى بداية خطة أ هي 4 مواد بدون الانقلش ..بس كنت أعتبرها مادتين !! نبدأ بالدسم 1- الرياضيات المادة حلوة بس يبغالها كرف محترم لازم تكوني فاهمة مره كويس وتحلي تمارين كثير وقسم الرياضيات يحبوا يخترعوا في الاسئلة بس كثير بنات جابوا +A و100... المصادر:- الكتاب وملخص السعدي وشرف بركات والأفضل أشرف يركات لانه أفكاره أكثر من السعدي.. الدكاترة:- درستني أ/ هتون الشعيب مره كويسة شرحها حلو ومرتب ومنظم ودقيقة في الوقت .. ويمدحون أ/دعاء قاروت بس صراحة ما اعرفها.. 2- الفيزيا مادة أسهل من الثانوي بكثير حبيتها بالجامعة مره بسيطة بس كتابها سوا فيا مقلب محترم أول ماشفته قلت مستحيل انجح في المادة دي بس اكتشفت انه الكتاب ماله داعي وكلامه زايد طبعا المادة سهلة بس يبغالها تركيز وفهم وقسم الفيزيا يحبون ينسخون اسئلة السنوات الي فاتت فعليكم بنماذج الاختبارات . المصادر :- ملخص طلعت سالم كنت اذاكر منه النظري & أشرف بركات المسائل .. واهم شيء نماذج الاختبارات فيه نماذج محلولة بالتفصيل في خوارزم 7 تنزلها أ/هناء فرحان مره كويسة ... الدكاترة:- درستني د/ لبنى سندي وهي منسقة المادة شرحها حلو مررره مفصل أحيانا يوصل لحد الملل بس تعتبر كويسة يحضر معانا بنات من شعب تانية لدرجة يجلسون في الأرض مالهم كراسي. أنا حضرت لـ أ/ سناء أباظة شرحها حلو ومختصر تعطيك المفيد باختصار بس تراها شديدة جدا. . ويمدحون أ/ هناء فرحان .. 3- الحاسب مادة سهلة يبغاللها حفظ وفهم كتابها ممل حبتين..ركزوا فالنظري والعملي . المصادر :- الكتاب وكنت أذاكر من سلايدات أستاذتي كانت تسهل لي الحفظ .. الدكاترة:- درستني أ/حليمة سمرا أستاذة فريدة من نوعها تهتم بدرجات الطالبات بشكل مو طبيعي وتراجع وتعطينا تمارين.بصراحة أستاذة أخلاق وذوق وتفهم ... 4- الاتصال ماودي أتكلم فيها عشان لاتخافوا بس بالنسبة لي مادة غثيثة جدا وماحبتها أبدا أهم شيء سوا التكاليف كاملة وسلموها في وقتها وكدا عندك 30 درجة في جيبكم.. وكدا خلصنا مواد الترم الآول مجملا سهلة بس لاتستهينوا فيها كنت اعتبرها مادتين لاني كنت بس اذاكر الرياضيات والفيزيا دايما أما الحاسب والاتصال ليلة الاختبار .. أعرف بنات كثير جابوا فيها 5 ماشاء الله بس انتوا شدوا حيلكم فيها وفالكم طيب .. الترم الثاني , 3 مواد بس ثقيلة دم ... 1- الاحصاءمادة اذا مافهمتها مزبوط أنسي أمرها أهم شئ الفهم خاصة في الاحتمالات هي سهلة للفهمها صح .. المصادر :- الكتاب مهم جدا وملخص السعدي وكمان أشرف بركات وكان في المنتدى هنا ملخص قاسم مضوي جيد اختاروا الي يناسبكم..وقسم الاحصاء يحبون نماذج الاختبارت كثير فعليكم بها .. الدكاترة :- درستني أ/ سماح سندي شرحها مره كويس واكتبوا الملاحظات معها وشعبها مرررره زحمة,, وكمان يمدحون أ/ شفياء يقولوا كويسة .. 2- الكيمياء مادة مدري كيف طار مني A+!! مادة تتعب في المذاكرة بس اختباراتها سهلة .... نفس كلام الثانوي مع بهارات بسيطة ... المصادر :- سلايدات د.نهى وزان وملخص السيد وملخص يوسف زويل .. الدكاترة :- درستني د.نهى وزان شرحها جيد وتقولك المهم والمفيد ... يمدحون د.ليلى الحربي يقولون شرحها حلو ... 3- الأحياء محا أتكلم عنها لاني العبرة تخنقني فلحت فيها بصعوبة تامة .. بتركها لغيري يتكلم عنها... وكدا خلصنا مواد الترم الثاني , حبتين غثيثة بس لوشديتوا حيلكم فيها بتمشون فيها ... نجي للمادة المشتركة بين الخطتين English لو تقتدروا تتفكوا منها افضل لكم عادلوها بالتوفل ... دوامها مره طويل بس لو ماقدرتم تتفكوا منها ترى حتتحسن لغتكم الانجليزية مزبوط .. وترى أغلب اسئلة اختباراتها من الكتاب.. وبكذا الحمد الله خلصت رحلتي مع التحضيري وطلقتها بالثلاث خخخخ...وعقبالكم . ومن هنا أشكر كل طلاب وطالبات دفعتي لانو كنتوا كقلب واحد ولا احد يـأنى عن مساعدة الثاني صح أحيانا عندكم مشادات فيما بينكم بس في النهاية تبقون اخوان واخوات .. وأتمنى اذا احد زعل مني ولا قصرت معه السموحة فما بدر مني فغير مقصود.. دعواتي لكم بالتوفيق والنجاح دوما وأبدا ..

[noonz]

*تجربة العضوة : ساااااارونه بسم الله الرحمن الرحيم حتكلم عن تجاربي بالتحضيري ونصائحي لكم وأتمنى تستفيدو منها أولا : *حاااولو تحولو لاساتذه كويسين او تحضرولهم اذا حظكم طلع عند مو كويسين. *عليكم بمذاكرره نماذج اختبارات قديمه مرره مهم احيانا يجيبو منها وبرضو حتكوني مرتاحه نفسيا لانك عرفتي طريقه الاسئله ع الدروس وكمان حاولي تحلي الهوموركات ولو صعبت عليك فكره اسألي استاذتك. *السكاااشن مهممممه اللي هي حتكون محاضره لحل تمارين ممكن تاخدي لك كم معلوومه تفيدك . *فيه ملخصات مساعده زي لو مافهمتي نقطه ممكن ترجعيلها وتشوفيهاا. * طبعا المذاكره اول بأول والمراجعه ماتحتاجو انبهكم عليهاا. وحبدأ بالخطه اللي افتتحت فيها التحضيري خطة ب الأحياء (bio): المذاكره من السلايد ولاتأخرو المذاكره زي ماسويت ع بالي حيرجعو التست بانك. ممكن تجمعو المصطلحات والكلمات الجديده عليكم بورقه وراجعوها بأي وقت فااضي عشااان تثبت ماتطيــر وانتبهووو من الخيارات بالاختبار يجيبو لكم كلمااات متشااابه مرره بس يغيروو لكم الحرفين الاولانيه او من النص عااااد شوفو تفنونهم فيهاا الحلوو فيه الجزئيه اللي تدخل بالدوري ماتدخل بالفاينل. عندكم الدكتوره حنان الشاذلي مرره تمام. الكيمياء (chem): المذاكره حتكون من السلايدز وفيه كذا استاذه عامله سلايد خاص فيها كماااااان عندكم ملخصااات يوسف زويل فيهااا طرق مختصره ومعلوماات مهمه يجيبوهاا بالاختباااار ماتنذكــــر بالكــــلاس. وكماااان فيه تست بانك للدكتووره ليلى مرره مهم زي أسئله الاختبار. اختبار الفاينل كل التشبترز داخله . وعندكم الدكتوره ليلى الحربي واكرام يمكن ترجعلكم وفوزيه البلوي والاحصاء (stat): اعتمددي ع الكتاااب وشرح استاذتك واذا مافهمتي نقطه ارجعي للملخص وحااولي تفهمي واناااا افضل جماال السعدي بــــس انتبهوووووووو انتبهوووو انتبهوووو مو تذاكروه قبل الكتاااااب كذااا محتفهووو انا كنت اخذ منه بس الحلول والتنبيهاااات استفدت كثير منها بالاختبارات. اختبار الفاينل كل التشبترز داخله . عندكم استاذه لميس العمودي و سماح سندي و ريم الحربي. * ذحين حتكلم عن مواد الترم الثاني {فيزياء- رياضيات } , {اتصال – حاسب } بالنسبه للفيزياء (phys): المذاكره من الكتاب ودفتر ملاحظاتك اللي مع الاستاذه وعندك ملخصات يوسف زويل الحمدلله ذاكرتها بالدوري الثاني وجبت درجه عاليه وكمان فيه ملخص هناء فرحاان مرره روعه وندمت انو مافتحتها قبل لانو اكتشفت اغلاطي بالدوري كانت اجوبتها فيها  فتحتها ع الفاينل لانو مافي وقت اذاكر ملخصات زويل .. اختبار الفاينل كل التشبترز داخله . عندك استاذه هناء فرحان وسناء أباضه .. الرياضيات (math): طبعا الكتاب اهم شي ذاكريه مع شرح استاذتك وعندك ملخص جمال السعدي بس بصراحه انا بس احيانا اذاكر كم صفحه واتركه معتمده أكثر ع الكتاب. وعندك كمان محاضرات يوسف زويل حلووه ع موقعه واحيانا يعطيك اختصارات للحل. وفيه الورك شووب فيه تماارين كثيره تدربي عليه. اختبار الفاينل كل التشبترز داخله. عندك دعاء قاروت كانت استاذتي بس مشكلتها سريعه شوي وكمان فيه أماني باجمال. الاتصال (comm): المذاكره من الكتاب وحيكون فيها تكاليف عليها 30 درجه لازم تضمنيها لانو بالاسئله ممكن تنقصي لانو الدروس مرتبطه ببعض. ذاكريه بتركيـــز وفهـــم اختبار الفاينل كل الفصول داخله. عندك أمل عسيري وأميره النمر. الحاسب (cpit): المذاكره من الكتاب وانتي بتذاكرري لاززززززم تطبقي ع الجهاز لانو يجيبو اسئله من التطبيق حتى وقت اختبار النظري ذاكري العملي. الجزئيه اللي تدخل بالدوري ماتدخل بالفاينل. عندك حليمه ابو سمرا كثير مدحوهاا وكمان استاذتي ساره النفيعي . وبالنسبه للانجلش (eli): دوامو مرره طويل حيكون 4 مستويات كل مستوى فيه اختبارين سبيكنق واختبارين رايتنق واختبار نصفي وفاينل واختبارات بورتوفليو.. بالنسبه لطريقه السبيكنق: المستوى الاول والثاني حتكون 5 أسئله و اوصفي صوره. والثالث والرابع تختاري ورقه والموضوع اللي يطلع فيها تتكلمي عنو وكمان تسألك الاستاذه اسئله وع حسب الاستاذات بعضهم يخلوك تتكلمي قدام البنات وبعضهم بس معاها وكل استاذه وتطبيقها لشرووط الاختبار البعض يسهل للطالبات. والرايتنق : نفسي الشي لكل المستويات موضوعين واختاري واحد واكتبي عنو ممكن يكون نفس المواضيع اللي كتبتوها أوشبيهه فيها. والاختبار النصفي والفاينل: حيكون قطعتين وحده من الكتاب والثانيه من برا وفوكابلري بس احفظي معاني الكلمات وحيكون حلوو والايفري دي : ليفل 1و2 حيكون سؤال او جواب مكتوب قدامك وشوفي من الخيارات المناسب معاه. اما ليفل 3و4 حيكون سماعي. وقرمر الافضل تذاكريه من اخر الكتااب. وليسننق: حتسمعي محادثين وتجاوبي ع الاسئله اللي عليها. اختبارات البورتوفليو: حتكون ع كل 3 وحدات أو 4 وحدات تختبريها بنهايه كل الاسبوع .. وبالتـوووفيـق

[noonz]

* تجربة العضوة : Respect me respect you بسم الله الرحمن الرحيم السلام عليكم ورحمة الله وبركاته , مساؤكم رضا وسعاادة اولا اشكر صاحبة الفكرة بصرااحة , راح اتربع لكم واقولكم مافي جعبتي من كلاام اول حاجة : الثقة ثم الثقة ثم الثقة بربنا اذا طبقتوا هذي الجملة حتمشوا في السنة التحضيرية بالطول والعرض بإذن الله , رضا الوالدين والمحاافظة على الصلاة مو علشان بس السنة التحضيرية علشان تتوفقوا في حياااتكم . * (بالنسبة للانقلش انا افضل تبدأو من المستوى الاول حبة حبة تطلعوا على السلم وجهة نظري) لكن اختبروا اختبار تحديد مستوى يمكن تتعدوا المستوى الاول والثاني وتوفروا عليكم ساعات دراسته لانه هوه يدرس 4 ساعات كل يوم بالنسبة للمذاكرة اول بأول وترجمة كلمات اول بأول ( لانه دراستنا كلها انقلش ) ومسك نماذج سنوات راحت ومالكم الا الفل مارك , وفيه حاجة ماله لزمة انه نجيب مدرس او مدرسة خصوصية شدوا الحيل واتبعوا النصائح ومالكم الا الدرجات اللي ترضيكم ( وفي النهاية هيه حرية شخصية تجيبوا او لا ) . *بالنسبة للحياة الاجتماعية راح تاخذ الدراسة من وقتكم كثييير راح تفتقدوا الجلسة مع اهلكم وناسكم إلا اذا قدرتوا توازنوا بين الدراسة والجلسة مع اهلكم واذا ماقدرتوا وضحوا لاهلكم الشغلة وبينوا لهم انها سنة مصيرية علشان تتخصصوا التخصص اللي تبغوه وان شاء الله هما حيتفهموا ( بس مو لدرجة ماتشفوهم ولا يشوفوكم مررررة صعبة ) . * في السنة التحضيرية تحس نفسك في حلبة مصااارعة من كثرة الطلاب والطالبات الدوافيير راح تصااارعوا كثييير علشاان توصلوا , لا تسمعوا كثيير للقيل والقال وكثرة الهرج والكلام خذوا الاخبار الأكيدة من الشؤون التعليمية اومنسق مادة او من استاذ او استاذة موثوق بهم . *اخدموا نفسكم بنفسكم وخلصوا اشغالكم بنفسكم . *وفيه حااجة كمان اللي يقولك حول على طول او روح او روحي عند استاذة او استاذ سمعته ممتازة ماتسمعلهم على طول فيه حااجة اسمها فرووق فردية عن تجربة فيه استاذة كانت سمعتها في مادة من المواد سيئة وكانوا كثيير من البنات قالوا حولي لأستاذة ثانية انا جربتها ومشيت معاها واتقبلت طريقة شرحها وجبة درجااات حلووة يعني الخلاصة جربوا بنفسكم بعدين حولوا علشان تكون الشغلة عن اقتناع وتجربة شخصية مو من كلام الناس يعني خذني جيتك . * ( في كلاام يقولك انه في السليمانية الاستاذات الافضل والبنات هناك اشطر وانه الشرفية مبناها مبنى مدارس حكومية واستاذاتها سيئات وطالباتها مو شطار مافيه حاجة زي كذا كبرنا على هذا الكلام احنا اللحين طالبات جامعة يعني عندنا اهدااف واضحة وهيه الدراسة وليس شكل المباني وبالنسبة للاستاذات في كل فرع منهم السيء ومنهم الممتاز وبدلالة كثيير من الشرفية جايبين معدلاتهم خمسات لانه المعدل خمسة من خمسة يعني الخلاصة اللي تنقبل في الشرفية لا تزعل ولا تحزن لانه كل الفرووع زي بعضها ) . * اللي يعتب بوابة جامعة الملك عبدالعزيز لازم يكون محدد تخصص بعينة تخصص اللي يبغاه ( اتخصصوا التخصص اللي راح تبدعوا فيه تبدعوا فيه تبدعوا فيه لا تدخلوا تخصص علشان اهلكم والا علشان راح يصيروا اهلكم ابو المهندس او ابو الدكتور ام المهندسة او ام الدكتورة لااا كثييير دخلوا اقساام علشان اهاليهم وبعد سنة او سنتين حولوا ) لانه اذا ماكنتوا محددين ايش تبغوا تحسوا نفسكم تايهين ماانتو عاارفين ليش جايين ولايش تبغى توصلوا ؟ * السنة التحضيرية تعجيزية ولكن مو لدرجة انك ماتجيب درجااات تدخلك التخصص اللي تبغاه انا ما اخوفكم بس لازم تكونوا نااس فاهمة وعاارفة ايش تبغى ولايش تبغى توصل . * * * كلامي الحين عن الي جايين من خارج جدة ( انصحكم بالصبر لانه انتوا تاركين اهلكم وناسكم وراح تتغربوا علشان توصلوا لهدفكم لاتتهاونوا ابدا ابدا ابدا راح تتحطموا راح تحسوا بخوف راح تحسوا انكم خلااص ماتبغوا تكملوا تبغوا ترجعوا لاهليكم لا تسمعوا لهذا الصوت الداخلي اللي يحبطكم وقولوا راح نوصل واحنا ماجينا هنا وتركنا اهلنا واتحملنا مسؤولية نفسنا الا علشان نوصل ونحقق طموحاتنا وفيه اشياء كثييييييير راح تفتقدوها ( جلسة الاهل والماما اللي تغسل وتطبخ وترتب وتنظف ) بس صدقوني ماراح تخرجوا من هذي التجربة الا وانتوا نااسة قيادية وعاارفة ايش تبغى وقاادرة تتحمل مسؤولية نفسها ومسؤولية قراراتها , وعليكم بالصبر والعزم والعمل بجد لانه نياتكم طيبة واهدافكم وااضحة . نصيحة أخيرة : لا تنسوا انكم اختبرتم اختباراات دراسة + قدرات + تحصيلي تصفية وبتجي السنة التحضيرية وتصفي بقوووة فشدوا ولا تتكاااسلوا ابدا ولا تنسوا انكم عديتوا مشوار طويل وبس سنة وبعدين ترتاحوا بالتخصص اللي تبغوه ولا تندموا على سنين على تخصص معدلكم هوه اللي دخلكم اياه مو التخصص اللي تبغوه علشان سنة ضيعتوها بسبب توتروخوف وتسويف اتوكلوا على ربنا وافعلوا بالاسباااب ومالكم الا الرضا والنجااح .

[noonz]

(3) نصآئح ! - قبل لآ تخطّي أرض الجامعه : أخلصي النية لله و حددي لك هدف ! الواحد لو ماعنده هدف يسعى له عمره ما رح ينجح .. - فـ الجامعة هنا : كل واحد مسؤول عن نفسه , لاتتوقعوا احد يجري وراكم زي أيام المدرسة , أنتِ هنا المسؤولة عن حضورك عن غيابك عن درجاتك عن كل شيئ .. - السنة التحضيرية سهلة , والله سهلة إذا أعطيتوها حقها , يعني لاتستهينوا فيها أبدًا . - لآتسمعوا لـ كلام المحبطين اللي حولكم , ويا كثرهم .. ثقوا أن ربي ما يضيع تعب أحد . - خلو هدفكم دايما درجات عالية , خلو هدفكم أنكم تجيبو الـ 100 فـكل المواد , وترى مو صعبة ! وإن شاء الله حتى لو ماجبتوها رح تجيبو شيء حولها . - الآشاعات ف السنة التحضيرية : زي النار فـ الهشيم لذلك نصيحتي , أذن من طين وأذن من عجين . - فـ الجامعه , راح تقابلو البنات أشكال وألوان خخ , لاجد يعني عشان ماتنفجعو أنا أقولكم من دحين راح تشوفو البويات نسأل الله الهداية لنا ولهم لا تغتروا بشكلهم لأنو دا الشيء أبدًا ترى مو ستايل ولا حركات كوول ! ترى والله دي مرة ظاهرة سيئة ومقززة لأبعد ححححد ! في شيء كمان يدي تحكني لازم أقوله خخ لاتتكلفوا فـ مظهركم , يعني يا بنات منجد إحنا جايين ندرس مو جايين نستعرض , خلوكم مرتبين بس بحدود يعني صراحة كنت أشوف أشكال فضيعه فالجامعه جاتني العقدة :( إيوة وكمان أبتعدوا عن الكعب العالي ف الجامعه :@ كذا مرة أشوف وحدة كانت ح تطيح قدامي طيحة أليممة بسببه لأن الجامعه شوارع فما بالكم تمشو بالكعب فالشارع ؟ غير أنه متتتتعب والجامعه كلها مشي × مششي آخر شيئ أبغى أقوله , أتوكلو على الله وفوّضو أمركم له , هو بيده كل شيء وأتأكدوا أن ربي مارح يضيع تعبكم هباء , ولآتنسوا الصلاة وقيام الليل ( سهام الليل لآتخطئ يآ أحبّة ) . noonz* -- * كلمة أخيرة / من العضوة : كياني . اول مادخلت الجامعه كنت متخوفه من السنة التحضيريةوبعد اول ميد تيرم ، حسيت انو الـ 5/5 شيء تعجيزيوحتحسوه بالفعل خصوصا لو كنتو من طلاب خطه ب ! لكن مع الدراسه ولمن تعودت ع نظام الجامعه وعرفت طريقة المذآكرة حسيت انو بإمكاني الحق الركب ، والحمد مافاتني َ المذآكرة اول بأول < بالمعنى الحرفي يا اصدقآئي :/ كثيرا تنقال هذه النصيحة لكن ، بالفعل هي شيء ضروري تسوونهلانك بدون مذآكرة اول بأول حتحسو مهما ذآكرتو مايبآن ف الاختبآر لاتجلسو عايمين َ ، اي سؤال استفسآر وجهوه لاسآتذتكم . بإمكان اي فرد منكم قآعد يقرآ اسطري يكون من المتفوقين بهالسنةلاتخلونها عقبـه زي ما اعتبرها الكثير َ . تحدي بينك وبين نفسك لازم تكون قده وتتاقلم مع متطلبآتهداعية للكل بالتوفيق َ يآ اخوآني واخوآتي الصغآر ^^ .. اختكم : مها

[noonz]

* تجربة العضوة : Dr.ro0ody بسم الله خطة ب اول شي ماده الكيمياء بما اني احبها هادي المادة جدا سهله وحلوة وممتعة وكانت كمان الاسئله تجي بطريقة حلوة وفي نفس الوقت تبين الفاهم كويس من اللي حافظ بس عيبها طويلة شويتين ولازم اول باول يعني باختصار محاضرة اليوم علطول تفهموها *والمنهج تقريبا نفسوا حق الثانوي بيتكلم عن الاتزان والاشياء , اول المنهج بيتكلم عن التحويل والقياسات وايش يعني ذرة وكتلة وجزئ والصيغ الكيميائيه وكيف تحسبي نسبة مئويه لعنصر في مركب والمعادلات الكيميائيه والكاشف المحدد و المولالية والمولارية وبعدين تنتقلوا للضغط وقوانين الضغط هادا الباب مررة سهله قوانين وتعويض مباشر وبعدين تنتقلوا على الموجات وخصائص الموجات والطيف الموجي والتردد هادي كيمياء مع شوية فيزياء ولازم فهم مرررة تمام ان شاءالله اعطيتكم فكرة عن المنهج وتقريبا نفس التنوي بس اضافات بسيطة . نجي "لطريقة المزاكرة " الماده بيحتاج اهم حاجه دكتورة كويسه انا كنت عند د. هنادي جدا رائعة في الشرح بتشرح من سلايدات, وقت المحاضرة تكون معاكم السلايدات اللي تشرح منها وتنتبهوا معاها في الشرح كويس وتكتبوا كل حاجه مو واضحة في السلايدات كدا في الهامش المادة الحمدالله اخدت فيها +a ومصادر مزاكرتي كانت اول حاجه السلايدات مع الدكتورة وافهم معاها تمام ولما ارجع البيت ازاكر المحاضرة كويس بالاضافه لملخص السيد والله بالكتير ياخد منكم وقت 20 دقيقه اقل من نص ساعة وخصصوا 3 ساعات يوم خميس او جمعة زاكروا فيه كل الشابتر كويس ( الفصل اللي درستوه) بكل حاجه من سلايدات الدكتورة + ملخص السيد وازا قدرتوا تتزودوا في معلومات اكتر اطلعوا على ملخص يوسف زويل كمان جدا رائع ويلخص لكم جميع القوانين يسير يوم الاختبار خلاص انتوا فاهمين كل حاجة في المنهج بس لاااااااااااااااااااااااااااااااااااااااازم قبل الاختبار على الاقل تحلوا نموذجين من اسئله السنوات اللي فاتت نصيحة ( ماتنفع المزاكرة يوم الاختبار لماده الكيمياء ) لازم قبل الاختبار باسبوع تكونوا خلاص خلصتوا كل حاجة بس تحلوا نماذج وانا اضمن لكم ان شاءالله فوق 95 اتكلم على اختبارات الكيمياء كانت سهله وحلوة والفاينال راح يكون شوية طويل فلازم اول باول __ مادة الاحياء اللي للاسف كانت عقدة بنات كتير هادي المادة طبعا حفظ مافيها فهم وطويلة شويه ومصطلحاتها كتيرة شويتين بس الحلو فيها انك لما تختبري في جزء ماعاد ترجعي تختبري فيه مرة تانية, وجميع الدكتورات بيقرأوا الماده قراءه نصيحة مني لاتعتمدوا على الدكتورات في هادي المادة نصيحتي لكم انكم المنهج طويل وماينفع يتزاكر قبل الاختبار لانوا دش شوية لازم هادي الماده على الاقل خصصوا لها يومين في الاسبوع وساعتين تقريبا +المنهج فيلوا مصطلحات شوية كتيرة فحاولوا لما تزاكروا تكتبوا المصطلحات في ورقه مع ترجمتها ويوميا بس 10 دقايق اقرأوا هادي الورقه كمان حابه انبهكم على حاجه شي طبيعي لما تزاكروا تحسوا انوا المعلومات مرررررررة كتير وماتتخزن في عقولكم وتتلخبط في بعض وممكن تيأسوا انا كنت بحس نفس الاحساس بس بضغط على نفسي وبكمل لكن لما اجي يوم الجمعه اراجع من اول مرة احس خلاص المعلومة تثبتت في العقل يجي يوم الاختبار برجع اقرأ المنهج مرة تالته فخلاص تشوفوها سهله بالنسبة للأسئله لاتشيلوا همها مرررررة سهله ونفس السلايدات وطريقة مباشرة هادي المادة تعتبر لرفع المعدل وكتير اخدوا فيها +a وانا منهم __ وللاسف كمان كتير رسبوا فيها لانهم صعبوها على انفسهم من البداية هيا الماده مو سهله ومو صعبه ولكن محتاجه مجهود منك ومزاكرة اول باول واهتمام ماده الماث هادي الماده جدا رائعه وحلوة وممتعه ولازم دكتورة كويسه ونفس منهج التنوي بس اضافات بسيطة ولااااااااااااااااااااااااااااااازم تضمنوا فيها +a الماده تحتاج كمان اول باول لانوا المنهج شوية طويل انا كنت ف المحاضرة بفهم من الكتاب+ ارجع البيت بزاكر من ملخص جمال السعدي جدا جدا رائع ومرتب ومبسط + نماذج لازم لازم لازم تدربوا على نماذج كتير بالاضافه لاسئله الكتاب والحمدالله اخدت فيها +a