يوميات....^_________^

[彡yS❤Ry彡]

المشاركة الأصلية كتبت بواسطة JuStice . مرحبا ياسر (: يا ريت تفيدنا أكثر عن هـ الموضوع -بالتفصيل إذا تقدر- وإيش المهام المطلوبة من المتطوع؟ لأني أعتقد إنه بما إننا ما دخلنا المرحلة السريرية فـ ما راح نقدر نقدم أو نمارس الشغل تمام لأن ما عندنا خبرة عملية. .

ابشـر بفيدك باللي اعرفه

شوف اول شي تروح لمركز السامر بتلقى واحد اسمه عبد الله كثيري
هذا اللي ماسك التطوع في جدة كامل
التسجيل عنده وبعدين يحطك في المركز اللي قريب منك او اللي تبغاه براحتك
يطلب منك التالي
فحص طبي " بس بيقلك تبرع بالدم منها اجر لك ويجدد دورتك الدموية ويعطونك كرت بعد التبرع بثلاث ايام تخليه معاك يفي عن الفحص الطبي " هذا اهم شي والباقي سهالات
تسجل في موقع الهلال الاحمر وتطبع اوراق التسجيل من الموقع + 3 صور [ 4 في 3 ] + تطبع ورقة افادة من عندك في الاودس هذا المطلوب بس في التسجيل

بالنسبة لكيفية الدوام وكذا
اذا كان موجود دورات عندهم يخلونك تروحلها تفيدك مثلا اليوم وبكرة فيه دورات اسعافات اولية
First aid
مجانا ويعطونك شهادة عليها
بالنسبة لدوامهم
عندهم شفتين من 8 صباحا الى 8 مساء والشفت الثاني 8 مساء الى 8 صباحا
اذا كنت متطوع جديد وخاصة في فترة صيفية زي الحين بيسويلك جدول يومي صباح بس او مساء بس اللي تبغاه انت , للشهر كامل تجريبي لك او ايام محددة مثلا خميس وجمعة او سبت وثلوث زي كذا الشغلة راجعتلك

واذا حطلك الشهر كامل مو شرط انك تداوم كل يوم عادي اذا انشغلت تسحب محد بيقلك شي او يحاسبك لانك متطوع

طبعا مو شرط انه عندك مهارات تطبيقية وزي كذا عادي تطلع مع المسعفين في الاسعاف
ويعلمونك او تشوف كيف يشتغلون وبعدين تسآله ليش سويت كذا بيجاوبك واذا وثق فيك المسعف
يبدا يخليك تطبق بنفسك بس طبعا بعض الحالات الخطيرة تكتفي بالمشاهدة انت لين تسير عندك الخبرة الضرورية
انا داومت معاهم يومين شفت 8 حالات تقريبا
اغلبها اشياء عادية وخفيفة يعني مريض سكر او مريض نفسي ننقله المستشفى لان اهله عجزوا عن نقله وقابلت حادث سيارة بس كان خفيف حتى الرجال ماجاه شي خدوش خفيفة وهديناهـ لانه كان مفجوع بس ومانقلناهـ مستشفى ولا شي
امكن اقوى شي قابلني واحد ناقز من الدور الثاني
وعنده كسور في كل جسمه من يدينه لرجلينه ورقبته وكذا
سويناله الاسعافات الاولية ونقلناهـ طوارىء الملك فهد

تقريبا غطيت لكل شي مهم
واذا خطر في بالك سؤال ولا شي خذ راحتك
بالتوفيق