البيوكيميائيين الكيمياء الحيويه .. ابغاكم شويه اقلطو حياااكم > توجد قهوه بالداخل

[zoro2020]

شوف انا خريح من هذا القسم

اذا تضمن حنجيب معدل فوق 3.75

كمل في القسم

تقدر تلاقي فرصة اعادة في اي جامعة او بعثه

اذا حتجيب اقل من كذا شوف تخصص ثاني

نصيحتي لك و اسال عن الدفعات اللي قبلك

اغلبنا يشتغل في شغلات مالها صلاح بالتخصص

و رواتب مشي حاالك

هيئة الغذاء و الدواء ما وظفوا احد لهم اكثر من سنه

بس واحد و بواسطه

سابك مقابلتهم يركزوا على الكيمياء الصناعيه و الانقلش >> سويت مقابلة

ارامكوا محد اعرفه اتصلوا عليه

المستشفيات لازم تدريب سنه و تدفع 12 الف و بعدها تكون فني

انت عندك فرصه تفكر و تقرر

و انتبه من كلام الدكاترة الله يسامحهم مدحوا في القسم و احنا اللي اكلناها

[دافئ الإحساس]

المشاركة الأصلية كتبت بواسطة zoro2020 هيئة الغذاء و الدواء ما وظفوا احد لهم اكثر من سنه بس واحد و بواسطه سابك مقابلتهم يركزوا على الكيمياء الصناعيه و الانقلش >> سويت مقابلة ارامكوا محد اعرفه اتصلوا عليه المستشفيات لازم تدريب سنه و تدفع 12 الف و بعدها تكون فني انت عندك فرصه تفكر و تقرر و انتبه من كلام الدكاترة الله يسامحهم مدحوا في القسم و احنا اللي اكلناها

اذا ع المستشفيات فكنت اعشقها اما الان كرهوني فيها ولا ناوي اعتقد اقدم فيها

...........

سابك اعرف شخص موظف فيها من قسمنا كمان بس غريبة تقول بس الكيميا الصناعية

.............

اما ارامكو قبل سنتين كان في ماضرة بإشراف الدكتور أحمد أبو خطوة

وكان بيلقيها واحد من ارامكو وانو طالبيننا هناك الادمي دا كان يدرس كيميا حيوية

ودرسو ابو خطوة

............

اما الهيئة قالي الدكتور عبدالباسط انو يقبلو المتخرجين من الكيميا الحيوية وانو لنا مستقبل هناك بإذن الله والاستاد ريان كمال قالي اصحابو متوظفين هناك


..............

قلتلك الكلام دا لانو مضاد لكلامهم نهائيا فمستغرب فعلا

[zoro2020]

المشاركة الأصلية كتبت بواسطة دافئ الإحساس اذا ع المستشفيات فكنت اعشقها اما الان كرهوني فيها ولا ناوي اعتقد اقدم فيها ........... سابك اعرف شخص موظف فيها من قسمنا كمان بس غريبة تقول بس الكيميا الصناعية ............. اما ارامكو قبل سنتين كان في ماضرة بإشراف الدكتور أحمد أبو خطوة وكان بيلقيها واحد من ارامكو وانو طالبيننا هناك الادمي دا كان يدرس كيميا حيوية ودرسو ابو خطوة ............ اما الهيئة قالي الدكتور عبدالباسط انو يقبلو المتخرجين من الكيميا الحيوية وانو لنا مستقبل هناك بإذن الله والاستاد ريان كمال قالي اصحابو متوظفين هناك .............. قلتلك الكلام دا لانو مضاد لكلامهم نهائيا فمستغرب فعلا

انت ماشاء الله عليك متفائل

صدقني ما حتعرف قلة فرص الوظائف الا لمن تتخرج


سابك جرب ادخل موقعهم للتوظيف و شوف اذا لقيت بيوكمستري في التخصصات ؟

ما حتلاقي حتظطر تحط تخصصك كمستري

حيسوي معاك مقابله ع اساس انك كمستري

يبدأو في المقابله معاك يقولوا انت بيوكمستري ليش كتبت كيمستري

تقلهم عشان ما لقيت تخصصي

يبدأ يسألك اسئلة عن المصانع و الاشياء دي فاذا تعرف احد توظف ماشاء الله حظه حلو

انا اقول اللي صار لي

المحاضرة اللي تقول عنها حقت ارامكو كنت موجود وقتها

وكانت عن البيئة و المحافظه عليها

و الشخص هذاك تخصصه احياء اذا كنت متذكر

و ابو خطوه صح درسه

و سأله عن الفرص و قال ان شاء الله

بس محدد في اي قطاع تكون

و زي ما قلت لك الدفعه حفتنا فوق 50 شخص محد اعرفه كلموه ارامكو ابدا

و الهيئة كلنا نعرف انه توظف بايوكمستري

بس انا اقلك لهم اكثر من سنه و نص ما اتصلوا على احد او وظفوا احد من قسمنا

واحد بس و بواسطه و ركز على واسطه

و اعيد و اكرر لا تصدق كلام الدكاترة

انا باقولك الكلام ذا عشان اذا تخرجت لا تنصدم

و الخريجين عاارفين كلامي كوويس

[دافئ الإحساس]

المشاركة الأصلية كتبت بواسطة zoro2020 انت ماشاء الله عليك متفائل صدقني ما حتعرف قلة فرص الوظائف الا لمن تتخرج سابك جرب ادخل موقعهم للتوظيف و شوف اذا لقيت بيوكمستري في التخصصات ؟ ما حتلاقي حتظطر تحط تخصصك كمستري حيسوي معاك مقابله ع اساس انك كمستري يبدأو في المقابله معاك يقولوا انت بيوكمستري ليش كتبت كيمستري تقلهم عشان ما لقيت تخصصي يبدأ يسألك اسئلة عن المصانع و الاشياء دي فاذا تعرف احد توظف ماشاء الله حظه حلو انا اقول اللي صار لي المحاضرة اللي تقول عنها حقت ارامكو كنت موجود وقتها وكانت عن البيئة و المحافظه عليها و الشخص هذاك تخصصه احياء اذا كنت متذكر و ابو خطوه صح درسه و سأله عن الفرص و قال ان شاء الله بس محدد في اي قطاع تكون و زي ما قلت لك الدفعه حفتنا فوق 50 شخص محد اعرفه كلموه ارامكو ابدا و الهيئة كلنا نعرف انه توظف بايوكمستري بس انا اقلك لهم اكثر من سنه و نص ما اتصلوا على احد او وظفوا احد من قسمنا واحد بس و بواسطه و ركز على واسطه و اعيد و اكرر لا تصدق كلام الدكاترة انا باقولك الكلام ذا عشان اذا تخرجت لا تنصدم و الخريجين عاارفين كلامي كوويس

الله يعطيك ألف عافية ع المعلومات المهمة جدأ التي ما بعد التخرج

الدكتور ابو خطوة قروشنا في المحاضرة ارامكو ارامكو ارامكو

وتحتاج من قسمنا ومدري اش شكلو

تصدق انا اول ما اتخرج حقدم في أي حتة واللي يجي من ربك خير

واذا ما ناسبني الوضع حقدم لبعثة الملك واتخصص مختبرات وانتهينا

بس ترا اعتقد كلو يرجع يا اخ زورو للمعدل والله اعلم