نزلت مواد الترم الصيفي ولم اسدد والنظام سمح لي ؟!!!

[قمررر14]

بسم الله الرحمن الرحيم
اخواني الكرام اليوم خشيت على النظام وفتح معي تمام وكاني مسدد واخترت الترم الصيفي واضافة مواد واضفة مادة مشروع التخرج ومشي الحال مع العلم اني ما سددت وما عندي اعفاء
تعتقدون خطاء ولازم اسدد والا اسكت ومشي مع العالم ؟
وهذي البينات من الاوديس

الحذف أو الاضافة

؟؟؟؟؟؟؟؟؟؟؟؟؟؟؟؟؟؟؟؟؟؟؟
الفصل الدراسي الصيفي 2012
Jun 19, 2012 03:51 AM



الجدول الحالي

الحالةالعمليةالرقم المرجعي للمقررالمادةالمقررالشعبةالمرحلة الجامعيةالوحدات / الساعات الدراسيةنظام الدرجاتاسم المقررمسجل على الويب في Jun 19, 2012العملية لا يوجدحذف من الويب 4889COM475AAبكالوريوس 4.000حرفيمشروع التخرج
إجمالى الوحدات / الساعات الدراسية: 4.000ساعات المحاسبة:4.000الحد الأدنى لعدد الساعات:0.000الحد الأقصى للساعات:9.000التاريخ:Jun 19, 2012 03:51 AM
إضافة الشعب الدراسية

[نايف الناصر]

وعليكم السلام ورحمه الله وبركاته
اخاف تتعب وتختبر وبعدين يحرمونك بالماده

[badr6060]

سجل عندك واحد نفس وضعك ، وكمان نزل الجدول
والله مو صدق نفسي

[M_Y7771]

نفس الوضع قبل معي لاكن اعتقد انها راح تحذف المواد اذا ما سددت في اخر يوم لسداد
وراح تتورط بعدها لا يمديك تضيف ولاتحذف ولا تسدد وبعدين في الجامعه يغلطون في كل شي
الا الفلوس والسداد خخخخخخخخخخخخخخخخخ

[طالب عفو ربه]

انا مثلك لا وارسلت لهم معاملة بإضافة مادة
يعني شين وقوي عين ههههههههه

لكن من مبدأ الأمانه راح اسدد خلال الاسبوع القادم

والمفترض يطبقون مبدأ سدد وخذ نتيجتك احسن من سدد والا مافيه اختبار ههههههه

[قمررر14]

والله مدري وش الوضع
لكن سددت من مبداء لا يمسكوني الباب مع اخر يوم سداد ويقولوا ما حد قلك تسوي ذكي
انا وصديقي فهيد سدننا اليوم

[VIP-2020]

المشاركة الأصلية كتبت بواسطة قمررر14 والله مدري وش الوضع لكن سددت من مبداء لا يمسكوني الباب مع اخر يوم سداد ويقولوا ما حد قلك تسوي ذكي انا وصديقي فهيد سدننا اليوم

وبعد ماسددت الرسوم هل مازال يفتح معكم الحذف والاضافة ام لا

[قمررر14]

للاسف يقول التحقق من الرمز السري البديل

[ضياء الشمس]

المشاركة الأصلية كتبت بواسطة قمررر14 للاسف يقول التحقق من الرمز السري البديل

تحقق من الرمز السري البديل يعني بانك لم تسدد الرسوم
وياريت انك رحت لخدمة المجتمع كان اعفوك من الرسوم اذا معدلك طيب
بس الحمدلله الخيره فيما اختاره الله

[badr6060]

المشاركة الأصلية كتبت بواسطة ضياء الشمس تحقق من الرمز السري البديل يعني بانك لم تسدد الرسوم وياريت انك رحت لخدمة المجتمع كان اعفوك من الرسوم اذا معدلك طيب بس الحمدلله الخيره فيما اختاره الله

أخويا ضياء معليش ما فهمت كلامك كيف يعني (( ياريت انك رحت لخدمة المجتمع كان اعفوك من الرسوم اذا معدلك طيب )) ؟
يعني اقدر انعفي من الرسوم للترم الصيفي ؟
طيب أخويا ضياء كم المعدل المطلوب عشان أنعفي من رسوم الترم الصيفي ؟
قسم بالله العظيم الواحد طفران وودي بترم صيفي بس ياريت تعلمني كيف الطريقه ؟ وأكون لك من الشاكرين .