ll حياكم الله ..هنا للإجابه على أسئلتكم أحلى دفعه ll med 12

[بشائر الفرح =)]

noons

يسعدك ربي ي طيبه ويبارك بعمرك ولك بالمثل إن شاء الله
والله يوفقكم بمشواركم ونشوفكم دكتورات ناجحات يُشار لكم بالبنان *
وي هلا فيك دائماً :)


د. ملاك / د. مس مون
أهلاً بكم وبإنضمامكم لنا ..
سعيده لتواجدكم :) وكلنا يد وحده لمساعدة هذه الدفعه المميزه med 12 بكل ما نستطيع يستاهلوا كل خير ..
منورين والله :)

دكتوره sara0sa

أهلاً بك ,
والله اللي أشوفه إنها بتفيد لو كانت مركزه أكثر وبسعر أقل هذا شيء
والشيء الثاني إن الماده بسيطه وسهله يعني بحضورك لدورتنا ف شوال + دراسة الماده ف الكليه كافيه جداً
يعني بشكل عام المصطلحات الطبيه من المواد اللي أغلب يجيب فيها A .. ماهي مثلاً من المواد الصعبه اللي تحتاج إجتهاد أكثر قبل البدء فيها ,

ومع ذلك أنا أول المشجعين لحضورها لو كانت فقط مجانيه زي العام أو بسعر أقل من 800 مرا كثير صراحه + وقتها أقل ومركزه على الجزيئه اللي حتفيدكم ف سنه ثانيه :)

والله يختار لكم الأفضل يارب ..
خذي راحتك أهم شيء تستفيدي وتكوني على بينه من أمرك
موفقه :)

د. صالح

صباح دكاترة المستقبل المتحمسين :)
عساك دوم مبسوط يارب
مين قدك you are a doctor
الله يوفقكم ,

[بشائر الفرح =)]

عاشقة التحدي :

هذي الصورة للسكرب " الزي الطبي "
لونكم الثاني " الأزرق الملكي "



جزاك الله خير على الدعوات الطيبه
والله يوفقك ي دكتورتنا

[malak alshammari]

وفي بنات تلبس اللون الاول الأزرق الفاتح

[Miss.JA]

معليش بسأل عن دورة المصطلحات الي دحين .. مهمه او لا ؟ يعني لو مادخلتها يآثر ؟

والدورة الي بشوال ان ششاءالله تغطي المصطلحات وايش كمان ؟ >> خايفه ومو عارفه اسجل او لآ .__.

[aloneil]

يا جماعة معليش بالنسبة للسكرب إيش الفرق بين الجاهز والتفصيل وإيش الأحسن ؟

وبين كم وكم تتراوح أسعاره تقريباً ؟

وفين فيه محلات للتفصيل ؟

[بشائر الفرح =)]

المشاركة الأصلية كتبت بواسطة Miss.JA معليش بسأل عن دورة المصطلحات الي دحين .. مهمه او لا ؟ يعني لو مادخلتها يآثر ؟ والدورة الي بشوال ان ششاءالله تغطي المصطلحات وايش كمان ؟ >> خايفه ومو عارفه اسجل او لآ .__.

هلا دكتوره
الله يمسيك بالخير

بالنسبه لدورة المصطلحات فأنا قلت رأي فيها ف الرد اللي فوق .. ولو م دخلتيها م حتأثر تأثير كبير بإذن الله :)

والدوره اللي بشوال ف هذا الموضوع تلاقي كل تفاصيلها => http://www.skaau.com/vb/showthread.php?t=593327

لا تخافي ولا شيء توكلي على الله واحضري الدوره اللي بشوال وأنا أضمن لك إنك بتستفيدين بإذن الله ..

والله يوفقك ..

[بشائر الفرح =)]

أهلاً دكتور

بالنسبه للأفضل فأعتقد الجاهز لإنك بتلاقي كل المقاسات وتصاميم أحلى من التفصيل العادي
> ممكن الدكاتره يفيدوك أكثر

وبالنسبه للمحلات .. فشوف رد الدكتور JuStice حيفيدك

المشاركة الأصلية كتبت بواسطة JuStice . بالنسبة للسكرب فيه محلين ممتازين.. الأول اسمه "المظهر الطبي" في سوق دانية بـ شارع حراء, وسعر السكرب عنده السنة الماضية كان 238 ريال.. يمكن الآن يكون زاد أو قل, والبالطو عنده كان زمان بـ 140, لكن اشتريته قبل أسبوعين بـ 105. المحل التاني اسمه "الأقمشة الخالدة" أو "Timeless" في شارع صاري قبل تقاطعه مع طريق المدينة وجنب ركن جحا.. يعني لو الواحد ماشي في طريق صاري ودوار الفلك خلفه ومتجه نحو تقاطع صاري مع طريق المدينة راح يكون المحل عـ اليمين. بالنسبة للأقمشة الخالدة جربته مرة وحدة وكان جيد وأسعاره أرخص لكني أفضل المظهر الطبي عليه. وأسعار الأقمشة الخالدة زمان كانت 100 ريال للسكرب وكان وقتها مسوي عرض تشتري 2 سكرب بـ 200 والثالث مجانًا (: المحلين دي تبيع جاهز مافي تفصيل.. وفيه محلات تانية بـ شارع باخشب فيه تفصيل لكن ما جربتها. .

بالتوفيق

[Miss.JA]

المشاركة الأصلية كتبت بواسطة بشائر الفرح =) هلا دكتوره الله يمسيك بالخير بالنسبه لدورة المصطلحات فأنا قلت رأي فيها ف الرد اللي فوق .. ولو م دخلتيها م حتأثر تأثير كبير بإذن الله :) والدوره اللي بشوال ف هذا الموضوع تلاقي كل تفاصيلها => http://www.skaau.com/vb/showthread.php?t=593327 لا تخافي ولا شيء توكلي على الله واحضري الدوره اللي بشوال وأنا أضمن لك إنك بتستفيدين بإذن الله .. والله يوفقك ..

لما اتصلت قالي انو مو بس مصطلحات في شي كمان في الانجلش عشان كدا بسآل + ماما وبابا متحمسين يقولولي ادخخلي مهم مررا ومن دا الكلام xDDD

ان شاااءالله ^.^

ممررااا ثآنكس د.بشآير الله يعطيكي العافيه :*:*

[طبيب القلوب]

عندي سؤال صغير ،، المحاضرات راح تكون في نفس مجمع الكليات الصحية ولا في مباني ثانية ؟؟

[00اسماء00]

دكتوره بشاير تنصحيني ادخل الدوره الي دحين ولا ما يحتاج اذ كنت بأحضر الدوره الي بشوال