خايفة من الجامعة اطلب منكم حل

[تراتيل الهوى]

شوفي حبيبتي
كلنا دخلنا وكان نظام جديد علينا من حيث التعاون ومن حيث الدراسة ( اللغة )
أقصد بالتعاون : أنه في المدرسة المعلمة أو أمك ممكن تقولك ذاكري وتنصحك .. الخ
أما في الجامعة فأنتي مسؤولة عن نفسك في دروسك وكل شي حتى الدرجات كلها بيدك
<< وهذا أحسن شي

أول أسبوعين بتحوسي الدنيا تحسي نفسك ضايعة ويمكن ودك تسحبي!
بس أنتي عندك طموح كبير تبي تحققيه فلازم تصيري قوية .. هذي بداية المشوار
والقوي في البداية بينجح أكيد .. حتى لو بيمر بمصاعب بيتغلب عليها بإصراره

أنا عندي لك كم نصيحة اتمنى تفيدك :
1- لاتسمعي لكلام البنات أبدددد أبددد مهما قالوا مهما فعلوا
ترى كلامهم كله تحطيم في تحطيم
( التحضيري تعجيزي - مستحيل انجح - الأسئلة صعبة زي القدرات .. الخ )
اسمعي الكلام من أذن وطلعيه من الأذن الثانية
أنا سويت كذا وبصراحة ارتحت حيييييييييل .. وكلت أمري لله وشديت حيلي بالمذاكرة
وأقول في نفسي إذا غيري عداها ودخل طب فأنا بعد قدها وأقدر ادخله

2- لو طموحك كلية صحية حاولي تنظمي وقتك من بدري .. اعملي جدول للمذاكرة
وطبعاً بما إن الدوام طويل فاعتقد ماراح يمديك تذاكري إلا مادة وحدة في اليوم والثانية خليها خميس وجمعة ..

3- التزمي بحضور المحاضرات ترى حيل مهمة ..
هو تقدري تعتمدي على نفسك كله إعادة للثنوي بس الأستاذة بتوضح لك الأشياء الغامضة
وذا بيوفر وقت كثير عليك وبعد بتعلمك طريقة الأسئلة

4- اكرر وأزيد لاتسمعي للبنات خاصة لاصار الكلام عن الدكتورات
ترى البنات مايعجبهم العجب بس مايعجبها شي في أستاذة قالت ماتعرف تشرح!
ولاتنسي العقليات تختلف فلانة ماتفهم على هالدكتورة .. عادي مايمنع أني أفهم عليها

أنا صار لي هالشي في خطة ب ..
أستاذتي للإحصاء هديل الرويثي أنا كنت ادخل المنتدى واقرأ كلام البنات عنها ماحد مدحها
إلا من رحم ربي .. حتى خلوني آخذ خلفية عنها أنها ماتفهم
أول محاضرة دخلت وعرفت بنفسها شوفي وجوه البنات تغيرت لمن دروا أنا أ.هديل!
وقالت من البداية اللي تبي تحول لأستاذة ثانية عادي بس لازم موافقة ..
المهم أنا قلت بجربها أسبوع وبشوف
وبالفعل جربتها وحييييييل ارتحت الها والله إنسانة روعة وتجنن متعاونة وتفهم بعد
وأغلب شعبتنا كانوا يجيبوا الفل مارك أو ماينقصوا إلا درجتين ثلاث
حتى قالوا يمكن لأنها تعلمنا الأسئلة!!!
لأنه السمستر الأول شعبتها كانت أكسل شعبة والسمستر الثاني كانت أشطر شعبة!!

اعتقد طولت واجد ^^".. السموحة

الخلاصة حبيبتي .. أنه هالسنة راح تصاحبي الكتب طول الأيام
وإياك ثم إياك من التأجيل والتسويف
ذاكري درس بدرس
بتشوفي بنات كثير فالينها ومايذاكروا إلا حزة الاختبار ويمكن حتى يتفاخروا بهالشي!
فأنتي ماعليك منهم .. أنتي في سنة مصيرية وهمك احين التخصص اهتمي بدروسك
وخلي صاحبك الكتاب هذي السنة

وعلى الدوام ايه يا حلوة الدوام حييييل متعب خاصة أول الأيام ..
بس مع الأيام ومع التنظيم بتتعودي