ما رايك في كلية المحاسبة

[شقاوة طفلة]

السلام عليكم ورحمة الله وبركاته
كيفكم اخباركم ان شاء الله تمام ؟؟


انا طالبة حتخرج دي السنة ان شاء الله
و حابة احط في بالي تخصص محدد يعني عشان يكون دافع ليا اني اجتهد



ايش رايكم في التخصص ؟؟
و كيف الدراسة فيه (ما حسالكم من حيث الصعوبة لان كل صعب بالاجتهاد يصير سهل )
يعني ايش تدرسو و ايش طبيعة المواد ؟؟
و ايش حتكون الوظيفة بعد التخرج ؟؟
و هل التخصص مطلوب ومرغوب فيه ولالا ؟؟
و بالله كيف القسم يستاهل الواحد يدخلوا ولالا ؟؟

يعني حرام الواحد يدرس ويكرف و ما يدخل قسم عليه القيمة

اسفة طولت عليكم بس دا مصير لازم الواحد يفكر في تمام

[girl.k.s.a]

المشاركة الأصلية كتبت بواسطة شقاوة طفلة السلام عليكم ورحمة الله وبركاته كيفكم اخباركم ان شاء الله تمام ؟؟ وعليكم السلام ورحمة الله وبركاته الحمدلله كللش تمام انا طالبة حتخرج دي السنة ان شاء الله و حابة احط في بالي تخصص محدد يعني عشان يكون دافع ليا اني اجتهد حلوووو جددددا مآ شآء الله ايش رايكم في التخصص ؟؟ و كيف الدراسة فيه (ما حسالكم من حيث الصعوبة لان كل صعب بالاجتهاد يصير سهل ) ممتاز ما شاء الله عليكِ متفاءلة يعني ايش تدرسو و ايش طبيعة المواد ؟؟ المواد عامة مختلفة من كل تخصص مادة وفي مواد أساسية لكل طالبات كلية الاقتصاد والإدارة مثل: اقتصاد جزئي - محاسبة 1 + 2 - إدارة - .... إلخ و ايش حتكون الوظيفة بعد التخرج ؟؟ في موضوع رآح يفيدك كتير وممكن تقرئي كل شي عن التخصص http://www.skaau.com/vb/showthread.php?t=556093 و هل التخصص مطلوب ومرغوب فيه ولالا ؟؟ بإذن الله إنو مرغوب وممكن تقرئي عن التخصصات الباقية ممكن يعجبك تخصص و بالله كيف القسم يستاهل الواحد يدخلوا ولالا ؟؟ ههههههه سؤالك أليم بس صرآحة أنا شايفه أغلب البشر تجي تسأل عن التخصص يعني في إقبال عليه بس الأفضل إنك تبحثي عن المطلوب في سوق العمل يعني حرام الواحد يدرس ويكرف و ما يدخل قسم عليه القيمة هههههههههه لالا أقسام كلية الاقتصاد والإدارة كلها عليها القيمة < 1000000 rs اسفة طولت عليكم بس دا مصير لازم الواحد يفكر في تمام

لا عآدي يا عسل وأتمنى من الطلاب والطالبات يفيدوك أكككككككتر

[شقاوة طفلة]

المشاركة الأصلية كتبت بواسطة girl.k.s.a لا عآدي يا عسل وأتمنى من الطلاب والطالبات يفيدوك أكككككككتر

يسلموو. يا قلبي

بروح افرفر في باقي الاقسام و اختار اللي يناسبني

[_OCTOBER]

في البداية التخصص ذا كلية لحاله .وعلم واسع جدا وسمعته لحالها تكفي .
تخصص له منظمات وهيئات عالمية ومحلية تتابع مجريات التخصص ومايستحدث فيه من كبره .
.
المحاسبة كتعريف بسيط تعتبر هيا اللغة الام للاعمال والاموال .
كدراسة التخصص يجمع مابين التمويل والاقتصاد ويدخل شوي في العمق في لغة الحسابات .
-التمويل والاقتصاد والمحاسبة يكملو بعض . والبعض يعتبر التمويل فرع من المحاسبة اصلا -

المحاسبة تعتبر من العلوم التطبيقية في الادارة ( يعني اللي يكون فييها مشاكل مسائل من الحياه الواقعية وتتطلب معالجة ) .

.
في سوق العمل .
وكما قلنا سابقا , المحاسب يقدر يبحث عن وظائف ادارية , مالية , ومحاسبية في نفس الوقت .
اي شركة اجباري لازم يكون فيها محاسبيين سواءا كانت صناعية , تجارية , عسكرية , حكومية تعلمية , مستشفيات , بنوك ....كافة المجالات .

وايضا المحاسب يقدر يلتحق باحدى مكاتب الامريكية الاربعة الشهيرة في جدة . المتخصصة في المحاسبة والاستشارة والمراجعة .
بالاضافة انه مع الخبره العملية يقدر يفتح مكتبه الخاص في الاستشاره ويبدا عمله الحر .


في الدراسات المتقدمة.... المجال واسع جدا
1- الاختيار مابين ماستر محاسبة اكاديمي او ماستر تنفيذي (مهني).
بالاضافة المتخرج من المحاسبة مهيئ وعنده اساس يقدر بيه يكمل ماستر في المالية اوادارة الاعمال اوالاقتصاد والعكس غير صحيح وصعب جدا .

2- MBA in accounting
( ماجستير إدارة الاعمال قيادي في تخصص المحاسبة ) .


3- زمالة الهيئة السعودية للمحاسبين القانونيين
واللي تتكون من شهادات مهنية معتمدة في المحاسبة
مثل شهادة المحلل مالي , محاسب قانوني , محاسبة الاداري , مدقق نظم المعلومات ....الخ
وهاذي الشهادات تجمع المحاسبة بالتخصصات الاخرى
وتعطي حاملها مهنية عالية واحترافية كافية انها تدبل الراتب اضعاف مضاعفه
وهي تقصر فقط على طلبة المحاسبة .

....
التخصص يبغاله اجتهاد بالتاكيد وفيه تحدي
وبالمقابل المردود مقنع جدا لو كملتو الطريق فيه وتميزتو .
من عيوب التخصص كثرة الطلاب اللي فيه . ثلاث او اربعة معاهد وجامعات في جدة تدرس التخصص دا
+ طلبة الدبلوم

تخيلو عدد الطلاب !!!


.

[شقاوة طفلة]

شكل القسم حلو و انا احب الحساب و احب الماث

بس ححط المحاسبة رغبة تانية بادن الله

بس مرررا ما اب الزحمة و كترة العدد

الله يوفقكم يا رب و يحقق لكم مرادكم

[_OCTOBER]

اجل الله يوفقك ياختي . وان شاء الله تختاري التخصص المناسب لك
كل التخصصات كويسة بس اهم شئ الاجتهاد +والاطلاع وهي اللي ترفعك
التخصص فقط يعتبر اداة .

[nsetk]

^^
جيرل والاخ اكتوبر

ماقصرو

وانتي لمن تدخلي اقتصاد اداره راح تدرسي مواد عامه سنة نص يمكن تلقي قسم يناسب ميولك اكثر
زي الاقتصاد او التمويل

بالتوفيق اختي لاكن حاولي تطلعي اكثر على باقي التخصصات

[شقاوة طفلة]

جزاكم الله خير ما قصرتوا

و احس مكاني في طب الاسنان اكترر

الله يوفقكم و يوفقنا و يكتب لنا اللي في خير