الأطفال آحبابُ الله ،، معاهم العيد آحححلآ -

[LeLou]

و عليكم السلام و رحمة الله و بركاته..

الأطفال دول هرجتهم هرجة..
معليش أنا بكون قليلة أدب شوية ..
الأطفال مو وجه ينحط لهم سفرة ..
بتتعبي نفسك و بيحوسوا الدنيا و بيجروا و يراكضوا و لا حياكلوا ..
أنصحك روحي محلات تبيع بالجملة،، و اشتري كراتين حلويات و بسكوتات و فشار البطل الجاهز..
و اشتري أكياس و عبي لكل واحد في كيس..

دي فكرة..

فكرة أخرى:~
إذا تبغي شغلات صحية..
مرة شفت واحدة جابت أعواد شيش طاووق الخشب..
و جابت فواكه و قطعتها مكعبات و دخلتها جوا الأعواد..
شكلها طلع جونان..
+
حليب أو عصير..
//

طيب بسألك يا عسل أيش بتجيبي لهم هدايا..
أنا عندي ولد أختي (4سنوات و 3 شهور) + بنت أختى (3 سنوات و نص) + و لد أختي (سنتين و نص)..

أبغى أشتري لهم هدايا..
فكرت أجيب لهم شنط الظهر تبع الأطفال عشان يحطوا فيها ألعابهم و أشياءهم لما يطلعوا لأنه ما عندهم..
+
حلويات و بسكوتات جوا الشنطة..
+
ريالين و لا 5 ريال لكل نفر..

و عندي و لد أخوي 7 شهور و ولد أختي 3 شهور مو عارفة أيش أسوي لهم..
شكلي بسحب عليهم ..

الله يحفظ الصغار و يهديهم و يعيننا عليهم||~